HANOI —
ຕໍາຫຼວດຫວຽດນາມໄດ້ທັບມ້າງ ການໂຮມຊຸມນຸມປະທ້ວງຕໍ່ຕ້ານຈີນກຸ່ມນ້ອຍໆ ໃຫ້ສະຫຼາຍຕົວ ຢູ່ໃນສອງຫົວເມືອງໃຫຍ່ ໃນວັນອາທິດມື້ນີ້ ແລະໄດ້ກັກຂັງ 22 ຄົນ.
ຕໍາຫຼວດທີ່ນະຄອນຫຼວງ Hanoi ໄດ້ປ່ອຍໃຫ້ພວກປະທ້ວງປະມານ 200 ຄົນ ເດີນຂະບວນເປັນເວລາ 30 ນາທີ ກ່ອນຈະເຂົ້າທັບມ້າງ ແລະຂົນເອົາພວກປະທ້ວງ 22 ຄົນຂຶ້ນ ລົດເມໄປ. ແລະເຈົ້າໜ້າທີ່ ໄດ້ທັບມ້າງກຸ່ມປະທ້ວງນ້ອຍໆ ຄ້າຍຄືກັນ ຢູ່ເມືອງ Ho Chi Minh ຊຶ່ງເປັນເມືອງສູນກາງເສດຖະກິດທາງພາກໃຕ້ຂອງປະເທດ.
ການເດີນຂະບວນປະທ້ວງທີ່ບໍ່ຄ່ອຍເກີດຂຶ້ນນັ້ນ ມີຂຶ້ນຫຼັງຈາກກະຊວງຕ່າງ ປະເທດຈີນໄດ້ເຕືອນຫວຽດນາມເມື່ອວັນພະຫັດຜ່ານມານີ້ ໃຫ້ຢຸດເຊົາທໍາ ການສໍາຫຼວດນໍ້າມັນແລະແກັສທໍາມະຊາດ
ແຕ່ຜູ້ດຽວຢູ່ໃນເຂດທະເລຈີນໃຕ້ທີ່ເປັນຂໍ້ຂັດແຍ້ງກັນ ໃນຂະນະທີ່ຂໍ້ຂັດແຍ້ງກ່ຽວກັບດິນແດນໃນທະເລທີ່ມີມາດົນນານຂອງສອງປະເທດຄອມມີວນີສນີ້ ສືບຕໍ່ຮຸນແຮງຂຶ້ນໄປນັບມື້ນັ້ນ.
ກ່ອນໜ້ານີ້ ບໍລິສັດສໍາຫຼວດນໍ້າມັນແລະແກັສທໍາມະຊາດທີ່ເປັນຂອງລັດຫວຽດນາມນັ້ນ ໄດ້ກ່າວຫາກໍ່າປັ່ນຈີນວ່າ ໄດ້ຕັດສາຍເຄເບິ້ນ ຂອງກໍ່າປັ່ນລໍານຶ່ງຂອງຕົນ. ກະຊວງຕ່າງປະເທດຫວຽດນາມເອີ້ນເຫດການທີ່ເກີດຂຶ້ນນັ້ນວ່າ “ການລ່ວງລະເມີດທີ່ຮ້າຍແຮງທີ່ສຸດ” ຕໍ່ ອະທິປະໄຕຂອງ ຫວຽດນາມ.
ຫຼາຍປະເທດເພື່ອນບ້ານຂອງຈີນ ມີຄວາມເປັນຫ່ວງກ່ຽວກັບທ່າທີທີ່ຮຸກຮານຫລາຍຂຶ້ນນັບມື້ ຂອງຈີນໃນການປ້ອງກັນການອ້າງເອົາກໍາມະສິດຂອງຕົນ ໃນພື້ນທີ່ທັງໝົດເກືອບ 3.5 ລ້ານ
ກິໂລແມັດມົນທົນ ຂອງເຂດທະເລຈີນໃຕ້ນັ້ນ.
ທະເລຈີນໃຕ້ດັ່ງກ່າວທີ່ອຸດົມສົມບູນດ້ວຍນໍ້າມັນ ແລະແກັສທໍາມະຊາດນີ້ ໄດ້ຖືກອ້າງເອົາເປັນກໍາມະສິດທັບຊ້ອນກັນໂດຍ ຫວຽດນາມ ຟິລິບປິນ ບູຣໄນ ແລະ ມາເລເຊຍ.
ລັດຖະບານຈີນໄດ້ປະຕິເສດຄວາມພະຍາຍາມເພື່ອແກ້ໄຂບັນຫາຂໍ້ຂັດແຍ້ງກັນທີ່ໃຊ້ກົນໄກທີ່ປະກອບດ້ວຍຫຼາຍຝ່າຍ ເຊັ່ນສະມາຄົມອາຊ່ຽນເປັນຕົ້ນ. ຊຶ່ງແທນການກະທໍາດັ່ງນັ້ນ ຈີນຢາກເຈລະຈາກັນນຶ່ງພຽງຕໍ່ນຶ່ງ ກັບແຕ່ລະ ປະເທດທີ່ອ້າງເອົາເປັນກໍາມະສິດນັ້ນ.
ຕໍາຫຼວດທີ່ນະຄອນຫຼວງ Hanoi ໄດ້ປ່ອຍໃຫ້ພວກປະທ້ວງປະມານ 200 ຄົນ ເດີນຂະບວນເປັນເວລາ 30 ນາທີ ກ່ອນຈະເຂົ້າທັບມ້າງ ແລະຂົນເອົາພວກປະທ້ວງ 22 ຄົນຂຶ້ນ ລົດເມໄປ. ແລະເຈົ້າໜ້າທີ່ ໄດ້ທັບມ້າງກຸ່ມປະທ້ວງນ້ອຍໆ ຄ້າຍຄືກັນ ຢູ່ເມືອງ Ho Chi Minh ຊຶ່ງເປັນເມືອງສູນກາງເສດຖະກິດທາງພາກໃຕ້ຂອງປະເທດ.
ການເດີນຂະບວນປະທ້ວງທີ່ບໍ່ຄ່ອຍເກີດຂຶ້ນນັ້ນ ມີຂຶ້ນຫຼັງຈາກກະຊວງຕ່າງ ປະເທດຈີນໄດ້ເຕືອນຫວຽດນາມເມື່ອວັນພະຫັດຜ່ານມານີ້ ໃຫ້ຢຸດເຊົາທໍາ ການສໍາຫຼວດນໍ້າມັນແລະແກັສທໍາມະຊາດ
ແຕ່ຜູ້ດຽວຢູ່ໃນເຂດທະເລຈີນໃຕ້ທີ່ເປັນຂໍ້ຂັດແຍ້ງກັນ ໃນຂະນະທີ່ຂໍ້ຂັດແຍ້ງກ່ຽວກັບດິນແດນໃນທະເລທີ່ມີມາດົນນານຂອງສອງປະເທດຄອມມີວນີສນີ້ ສືບຕໍ່ຮຸນແຮງຂຶ້ນໄປນັບມື້ນັ້ນ.
ກ່ອນໜ້ານີ້ ບໍລິສັດສໍາຫຼວດນໍ້າມັນແລະແກັສທໍາມະຊາດທີ່ເປັນຂອງລັດຫວຽດນາມນັ້ນ ໄດ້ກ່າວຫາກໍ່າປັ່ນຈີນວ່າ ໄດ້ຕັດສາຍເຄເບິ້ນ ຂອງກໍ່າປັ່ນລໍານຶ່ງຂອງຕົນ. ກະຊວງຕ່າງປະເທດຫວຽດນາມເອີ້ນເຫດການທີ່ເກີດຂຶ້ນນັ້ນວ່າ “ການລ່ວງລະເມີດທີ່ຮ້າຍແຮງທີ່ສຸດ” ຕໍ່ ອະທິປະໄຕຂອງ ຫວຽດນາມ.
ຫຼາຍປະເທດເພື່ອນບ້ານຂອງຈີນ ມີຄວາມເປັນຫ່ວງກ່ຽວກັບທ່າທີທີ່ຮຸກຮານຫລາຍຂຶ້ນນັບມື້ ຂອງຈີນໃນການປ້ອງກັນການອ້າງເອົາກໍາມະສິດຂອງຕົນ ໃນພື້ນທີ່ທັງໝົດເກືອບ 3.5 ລ້ານ
ກິໂລແມັດມົນທົນ ຂອງເຂດທະເລຈີນໃຕ້ນັ້ນ.
ທະເລຈີນໃຕ້ດັ່ງກ່າວທີ່ອຸດົມສົມບູນດ້ວຍນໍ້າມັນ ແລະແກັສທໍາມະຊາດນີ້ ໄດ້ຖືກອ້າງເອົາເປັນກໍາມະສິດທັບຊ້ອນກັນໂດຍ ຫວຽດນາມ ຟິລິບປິນ ບູຣໄນ ແລະ ມາເລເຊຍ.
ລັດຖະບານຈີນໄດ້ປະຕິເສດຄວາມພະຍາຍາມເພື່ອແກ້ໄຂບັນຫາຂໍ້ຂັດແຍ້ງກັນທີ່ໃຊ້ກົນໄກທີ່ປະກອບດ້ວຍຫຼາຍຝ່າຍ ເຊັ່ນສະມາຄົມອາຊ່ຽນເປັນຕົ້ນ. ຊຶ່ງແທນການກະທໍາດັ່ງນັ້ນ ຈີນຢາກເຈລະຈາກັນນຶ່ງພຽງຕໍ່ນຶ່ງ ກັບແຕ່ລະ ປະເທດທີ່ອ້າງເອົາເປັນກໍາມະສິດນັ້ນ.
ການປະທ້ວງຕໍ່ຕ້ານຈີນ ຢູ່ຫວຽດນາມ