ບັນດາເຈົ້າໜ້າທີ່ Venezuela ກ່າວວ່າ ຕໍາຫລວດຊ່ອຍກູ້ຊີວິດ ນາຍ Wilson Ramos ສັນຊາດ Venezuela ແລະນັກກີລາ Baseball ໃນສະຫະລັດ ໃນເວລາ 2 ມື້ຫລັງຈາກຜູ້ກ່ຽວຖືກລັກພາໂຕໄປ.
ນາຍ Ramos ໄວ 24 ປີເປັນມືຮັບບານ baseball ໃນທີມ Washington Nationals ທີ່ກຸງວໍຊິງຕັນ ໄດ້ຖືກພວກຄົນຮ້າຍປະກອບອາວຸດຈໍານວນນຶ່ງລັກພາໂຕໄປ ໃນຄືນວັນພຸດຜ່ານມານີ້ ຈາກເຮືອນຂອງຄອບຄົວຂອງລາວ ໃນເມືອງ Valencia ທີ່ Venezuela. ລັດຖະມົນຕີຍຸຕີທໍາຂອງ Venezuela ກ່າວທາງໂທລະພາບແຫ່ງຊາດໃນແລງວັນສຸກວານນີ້ວ່າ ປະທານາທິ ບໍດີ Hugo Chavez ໄດ້ອະນຸຍາດໃຫ້ມີການປະຕິບັດງານຊ່ອຍກູ້ຊີວິດນີ້ໂດຍທາງອາກາດ. ລັດຖະມົນຕີຍຸຕິທໍາທ່ານນີ້ກ່າວວ່າ ເຈົ້າໜ້າທີ່ໄດ້ຈັບກຸມຜູ້ຄົນໄວ້ 3 ຄົນໃນການປະຕິບັດງານ ຄັ້ງນີ້ ທີ່ຮວມທັງການໃຫ້ການສະໜັບສະໜຸນຈາກໜ່ວຍຮັກສາດິນແດນແຫ່ງຊາດ.