ທ່ານຈອນ ແຄຣີ ສະມາຊິກສະພາສູງສະຫະລັດ ແລະທ່ານນາງ ຊູຊານ ໄຣ້ຊ໌ ເອກອັກຄະ
ລັດຖະທູດສະຫະລັດ ປະຈໍາອົງການສະຫະປະຊາຊາດ ມີລາຍງານວ່າອາດຈະຖືກສະເໜີຊື່
ໃຫ້ເປັນຫົວໜ້າທະນາຄານໂລກຄົນຕໍ່ໄປ.
ທ່ານ Indra Nooyi ປະທານແລະຫົວໜ້າບໍລິຫານຜູ້ຜະລິດເຄຶ່ອງດື່ມ PepsiCo ກໍມີລາຍ
ງານວ່າ ໄດ້ມີຊື່ຢູ່ໃນບັນຊີທີ່ຖືກສະເໜີຈໍານວນບໍ່ເທົ່າໃດຄົນທີ່ລວບລວມໂດຍລັດຖະບານ
ທ່ານໂອບາມາເພື່ອເຂົ້າຮັບຕໍາແໜ່ງແທນປະທານທະນາຄານໂລກທ່ານ Robert Zoellick.
ທ່ານ Zoellick ຈະໄດ້ອອກຈາກຕໍາແໜ່ງເວລາວາລະໃນການຮັບໜ້າທີ່ຂອງທ່ານໝົດອາຍຸ
ລົງໃນເດືອນມິຖຸນາຕໍ່ໜ້ານີ້.
ໂຄສົກຂອງທ່ານ ຈອນ ແຄຣີ ເວົ້າວ່າ ທ່ານແຄຣີບໍ່ໄດ້ຖືກທາບທາມກ່ຽວກັບຕໍາແໜ່ງທະ
ນາໂລກດັ່ງກ່າວນີ້ແຕ່ຢ່າງໃດ ແລະເວົ້າວ່າບໍ່ມີຄວາມສົນໃຈ.
ພາຍໃຕ້ຂໍ້ຕົກລົງທີ່ບໍ່ເປັນທາງການຢ້ອນຄືນໄປປາງສົງຄາມໂລກຄັ້ງທີ່ສອງນັ້ນ ຕາມປະເພ
ນີປະຕິບັດກັນມາ ສະຫະລັດຈະເປັນຜູ້ຖືກເລືອກເປັນປະ ທານທະນາຄານໂລກ ສ່ວນພາກ
ພື້ນຢູໂຣບແມ່ນຖືກເລືອກໃຫ້ເປັນຜູ້ນໍາກອງທຶນສາກົນ IMF. ແຕ່ພວກປະເທດເສດຖະກິດ
ທີ່ກໍາລັງຈະເຣີນຂອງໂລກໂດຍສະເພາະກຸ່ມປະເທດທີ່ມີຊື່ຫຍໍ້ວ່າ BRICS ຊຶ່ງໝາຍເຖິງປະ
ເທດ Brazil, Russia, India, China ແລະອາຟຣິກາໃຕ້ ໄດ້ພາກັນຮຽກຮ້ອງໃຫ້ມີການ
ດໍາເນີນການຄັດເລືອກທີ່ເປີດກວ້າງກວ່າເກົ່າເພື່ອບົ່ງຊື່ ຜູ້ທີ່ມີຄຸນນະວຸດທິສູງຈາກຫລາຍໆ
ປະເທດ.
ພວກເຈົ້າໜ້າທີ່ທະນາຄານໂລກກໍາລັງລວບລວມເອົາຜູ້ທີ່ຈະມາຮັບຕໍາແໜ່ງແທນທ່ານ
Zoellick ໄປຈົນເຖິງວັນທີ່ 23 ເດືອນມີນານີ້.
http://www.voanews.com/templates/widgetDisplay.html?id=141196863&player=article