ທີມກີລາບານສົ່ງແມ່ຍິງຂອງສະຫະລັດ ໄດ້ຄອງຕຳແໜ່ງ
ແຊ້ມໂລກເປັນຄັ້ງທຳອິດໃນປະຫວັດສາດ ໂດຍເອົາຊະນະ
ທີມຈີນ ໃນການແຂ່ງຂັນຮອບຊະນະເລີດ ໃນວັນອາທິດ
ວານນີ້ ທີ່ນະຄອນ Milan ອີຕາລີ ໂດຍຊະນະ 3 sets ແລະ
ເສຍ set ນຶ່ງ.
ແຊມໂລກເກົ່າ ຄືທີມ Brazil ໄດ້ຮັບຫຼຽນທອງແດງ ໂດຍໄດ້
ຊະນະທີມອີຕາລີ ປະເທດເຈົ້າພາບ 3 ຕໍ່ 2 ໃນທັງໝົດ 5 sets.
ກ່ອນຈະໄປເຖິງການແຂ່ງຂັນບັ້ນຊະນະເລີດນັ້ນ ທີມແມ່ຍິງ
ສະຫະລັດ ໄດ້ຊະນະທີມບຣາຊີລ ຢ່າງບໍ່ຄາດຝັນໃນວັນເສົາ
ມື້ກ່ອນນີ້ ໂດຍຊະນະທັງໝົດເລີຍ. ທີມບຣາຊີລ ໄດ້ຊະນະທີມສະຫະລັດ ໃນການແຂ່ງຂັນຍາດເອົາຫຼຽນຄຳ ຢູ່ກີລາໂອລິມປິກເທື່ອແລ້ວນີ້ຊຶ່ງເວລານັ້ນທີມສະຫະ ລັດຈັດຢູ່ໃນອັນດັບນຶ່ງ.
ທີມອາເມຣິກັນ ໄດ້ຮັບການເຝິກແອບໂດຍທ່ານ Karch Kiraly ໄວ 53 ປີ ທີ່ຖືກອົງການກີລາບານສົ່ງໂລກຈັດວ່າ ເປັນນັກກີລາບານສົ່ງທີ່ເກັ່ງທີ່ສຸດໃນສັດຕະວັດທີ 20. ທ່ານເປັນຄົນດຽວເທົ່ານັ້ນ ທີ່ໄດ້ຮັບ ຫຼຽນຄຳໂອລິມປິກ ໃນກີລາບານສົ່ງທັງສອງປະເພດ ຄືບານສົ່ງຊາຍຫາດ ແລະໃນອາຄານ. ບັດນີ້ ທ່ານຍັງໄດ້ເປັນແຊ້ມ ຫົວໜ້າຄູເຝິກຂອງໂລກອີກ.
ທ່ານ Karch Kiraly ກ່າວວ່າ ທີມບານສົ່ງແມ່ຍິງສະລັດ ໄປແຂ່ງຢູ່ ມີລັງ ເພື່ອ “ສ້າງປະຫວັດສາດ” ແລະໄດ້ກໍໄດ້ເຮັດເຊັ່ນນັ້ນແທ້.