ກາກະຊວງການຕາງປະເທດສະຫະລັດ
ຊາວຕ່າງດ້າວ ທີ່ອາດໄດ້ມີສິດໃຫ້ເຂົ້າມາຢູ່
ໃນສະຫະລັດຢ່າງຖືກຕ້ອງຕາມກົດໝາຍ
ຈາກຫລາຍກວ່າ 20 ປະເທດ ໄດ້ຍື່ນຟ້ອງ
ກະຊວງຕ່າງປະເທດສະຫະລັດ ຫລັງຈາກ
ມີການແຈ້ງບອກເຂົາເຈົ້າຢ່າງຜິດພາດວ່າ
ພວກເຂົາເຈົ້າໄດ້ຖືກເລືອກໃນການຈົກສະ
ຫລາກເອົາວິຊ່າ ເຂົ້າມາຢູ່ໃນສະຫະລັດ ຫລື Visa Lottery ນັ້ນ.
ພວກຮ້ອງທຸກດັ່ງກ່າວແມ່ນຢູ່ໃນກຸ່ມປະຊາຊົນ ຈໍານວນ 22,000 ຄົນ ທີ່ຖືກກະຊວງຕ່າງ ປະເທດສະຫະລັດແຈ້ງໃຫ້ຊາບໃນຕົ້ນປີນີ້ ວ່າພວກເຂົາເຈົ້າໄດ້ຖືກເລືອກໃນການຈົກສະ
ຫລາກຂອງໂຄງການຈົກສະຫລາກວິຊ່າປະຈໍາ ປີ 2012 ແຕ່ພາຍຫລັງຕໍ່ມາ ກະຊວງຕ່າງ
ປະເທດສະຫະລັດເວົ້າວ່າ ໄດ້ເກີດຄວາມຜິດພາດທາງລະບົບຄອມພິວເຕີ ທີ່ເຮັດໃຫ້ເກືອບ
ວ່າທັງໝົດຂອງພວກມີຊື່ໄດ້ຖືກເລືອກໃນການຈົກສະຫລາກນັ້ນ ມາຈາກກຸ່ມພວກທີ່ໄດ້ຍື່ນ
ໃບສະໝັກໃນໄລຍະສອງມື້ທໍາອິດ ຂອງໄລຍະເລີ່ມຍື່ນໃບສະໝັກເທົ່ານັ້ນ ແທນທີ່ຈະຖືກ
ສຸ່ມເລືອກເອົາຈາກຈໍານວນຜູ້ສະໝັກທັງໝົດ 15 ລ້ານຄົນນັ້ນ.
ກະຊວງຕ່າງປະເທດສະຫະລັດໄດ້ອອກມາຂໍໂທດໃນເລຶ່ອງນີ້ ແລະກ່າວວ່າຈະດໍາເນີນການ ຄັດເລືອກຄືນໃໝ່. ແຕ່ບັນດາທະນາຍຄວາມຂອງພວກໂຈດ ກ່າວວ່າ ລັດຖະບານສະຫະລັດບໍ່ໄດ້ປະຕິບັດຕາມພັນທະທີ່ໄດ້ໃຫ້ໄວ້ເປັນລາຍລັກອັກສອນ ໃນຕອນທີ່ກ່າວວ່າຈະເລີ້ມຂັ້ນຕອນການຄັດເລືອກໃໝ່ນັ້ນ. ເຂົາເຈົ້າກ່າວວ່າ ພວກລູກຄວາມຂອງເຂົາເຈົ້າໄດ້ວາງແຜນຈະຍົກຍ້າຍຄອບຄົວໝົດແລ້ວ ຫລັງຈາກໄດ້ຮັບແຈ້ງວ່າຕົນໄດ້ຖືກຄັດເລືອກ.