ສະຫະລັດໄດ້ສະເໜີຮ່າງຍັດຕິສະບັບນຶ່ງ ຕໍ່ສະພາຄວາມໝັ້ນຄົງຂອງອົງການສະຫະປະຊາ
ຊາດເຕືອນຊູດານແລະຊູດານໃຕ້ ກ່ຽວກັບການລົງໂທດ ຖ້າປະເທດທັງສອງຫາກບໍ່ຈັດຕັ້ງ
ປະຕິບັດແຜນການສັນຕິພາບ ຂອງສະຫະພາບອາຟຣິກາ ເພື່ອຍຸຕິການສູ້ລົບກັນຕາມບໍລິ
ເວນຊາຍແດນຂອງປະເທດທັງສອງ.
ສະຫະພາບອາຟຣິກາ ຕ້ອງການໃຫ້ສະພາຄວາມໝັ້ນຄົງ ໜຸນຫລັງແຜນການສັນຕິພາບ
ຂອງຕົນ ທີ່ໄດ້ຖືກຮັບຜ່ານໃນຕົ້ນອາທິດນີ້ ທີ່ຮຽກຮ້ອງໃຫ້ສອງປະເທດຊູດານແກ້ໄຂບັນ
ຫາຂັດແຍ້ງກ່ຽວກັບເລື່ອງນໍ້າມັນ ການຖືສັນຊາດ ແລະບັນຫາເຂດແດນ ພາຍໃນເວລາ
90 ວັນ.
ເອກອັກຄະລັດຖະທູດສະຫະລັດປະຈໍາສະຫະປະຊາຊາດທ່ານນາງ Susan Rice ກ່າວວ່າ
ສະພາຄວາມໝັ້ນຄົງມີກຳນົດເລີ້ມສົນທະນາຫາລືກ່ຽວກັບຮ່າງຍັດຕິ ທີ່ໄດ້ຮັບການໜຸນຫລັງ
ຈາກສະຫະລັດ ໃນວັນພະຫັດ “ເພື່ອໃຫ້ການສະໜັບສະນຸນຢ່າງວອງໄວ ຕໍ່ການຕັດສີນໃຈ
ຂອງສະຫະພາບອາຟຣິກາ.”