ທາງການສະຫະລັດ ຮ່ວມມືກັບອົງການສະຫະປະຊາຊາດ
ເພື່ອການພັດທະນາ ແລະສະຫະພາບຢູໂຣບ ເພື່ອໃຫ້ການ
ຊ່ວຍເຫຼືອແກ່ລາວ ທີ່ແນໃສ່ການພັດທະນາໄປສູ່ການເປັນ
ລັດແຫ່ງກົດໝາຍ ແລະຄວາມສະເໝີພາບ.
ພິທີການລົງນາມໃນຂໍ້ຕົກລົງ ເພື່ອໃຫ້ຄວາມຊ່ວຍເຫຼືອແກ່
ທາງການລາວ ໃນການຈັດຕັ້ງປະຕິບັດແຜນແມ່ບົດ ວ່າດ້ວຍການພັດທະນາລັດແຫ່ງ
ກົດໝາຍ ໄດ້ມີຂຶ້ນເມື່ອບໍ່ດົນມານີ້ຢູ່ນະຄອນວຽງຈັນ ໂດຍການເປັນປະທານຮ່ວມກັນ
ລະຫວ່າງ ທ່ານຈະເລີນ ເຢຍປາວເຮີລັດຖະມົນຕີວ່າການກະຊວງຍຸຕິທໍາ ກັບທ່ານ Minh
Pham ຜູ້ຕາງໜ້າອົງການສະຫະປະຊາຊາດເພື່ອການພັດທະນາ (UNDP) ໃນລາວ
ພ້ອມດ້ວຍຄະນະທູຕານຸທູດຂອງສະຫະພາບຢູໂຣບ ແລະສະຫະລັດອາເມຣິກາ ໄດ້ເຂົ້າ
ຮ່ວມໃນພິທີການຄັ້ງນີ້ດວຍ.
ທັງນີ້ກໍເນື່ອງຈາກວ່າ ການໃຫ້ຄວາມຊ່ວຍເຫຼືອແກ່ລັດຖະບານລາວໃນຄັ້ງນີ້ ເປັນການຮ່ວມມື
ລະຫວ່າງ UNDP ກັບສະຫະພາບຢູໂຣບ ແລະສະຫະລັດ ຊຶ່ງມີມູນຄ່າລວມເຖິງ 3.9 ລ້ານໂດ
ລ່າ ທີ່ຈະນໍາໃຊ້ເຂົ້າໃນການປັບປຸງແລະພັດທະນາ ການເຂົ້າເຖິງສະຖາບັນທາງກົດໝາຍ
ແລະລະບົບຍຸຕິທໍາຂອງປະຊາຊົນໃນລາວ ໃຫ້ດີຂຶ້ນ ລວມໄປເຖິງສົ່ງເສີມໃຫ້ມີການສ້າງກົດ
ໝາຍ ແລະລະບຽບການທີ່ມີຄວາມຊັດເຈນ ສອດຄ່ອງ ແລະຕອບສະໜອງຕາມຄວາມ
ຮຽກຮ້ອງຕ້ອງການໃນປັດຈຸບັນ.
ຍິ່ງໄປກວ່ານັ້ນ ການໃຫ້ຄວາມຊ່ວຍເຫຼືອແກ່ລາວດັ່ງກ່າວນີ້ ຍັງໄດ້ໃຫ້ຄວາມສໍາຄັນເປັນ
ພິເສດກັບການພັດທະນາເພື່ອຄວາມສະເໝີພາບ ລະຫວ່າງຍິງ-ຊາຍ ທັງຕໍ່ໜ້າກົດໝາຍແລະທາງສັງຄົມອີກດ້ວຍ. ທັງນີ້ກໍເນື່ອງຈາກວ່າຄວາມບໍ່ສະເໝີພາບລະຫວ່າງຍິງ-ຊາຍ
ໄດ້ກໍ່ໃຫ້ເກີດບັນຫາຂັດແຍ້ງໃນຄອບຄົວຂອງຄົນລາວ ຫຼາຍຂຶ້ນນັບມື້ ໂດຍຈະເຫັນໄດ້
ຈາກລາຍງານລ່າສຸດຂອງກະຊວງຍຸຕິທໍາໃນລາວ ທີ່ລະບຸວ່າ ລະຍະນັບແຕ່ເດືອນຕຸລາ
2012 ເຖິງທ້າຍເດືອນມັງກອນ 2014 ນີ້ ສານປະຊາຊົນລາວ ໄດ້ຮັບການຟ້ອງຮ້ອງລະ
ຫວ່າງເອກະຊົນຫຼາຍ ກວ່າ 16,000 ກໍລະນີ ໂດຍໃນນີ້ ກໍປາກົດວ່າ ມີຈໍານວນຫຼາຍກວ່າ
13,000 ກໍລະນີ ທີ່ເປັນບັນຫາຂັດແຍ້ງກ່ຽວກັບຄອບຄົວ.
ທັງນີ້ ໂດຍສະເພາະແມ່ນການຂັດແຍ້ງລະຫວ່າງສາມີ-ພັນລະຍາ
ທີ່ຟ້ອງຮ້ອງກັນໃນຄະດີການຢ່າຮ້າງ ການຍາດແຍ່ງເອົາຊັບສິນ
ລວມເຖິງການຂັດແຍ້ງກັນກ່ຽວກັບສິດທິ ໃນການລ້ຽງດູລູກ ແລະ
ການຮຽກຮ້ອງເອົາຄ່າລ້ຽງລູກ ແຕ່ທີ່ຖືວ່າເປັນສິ່ງທີ່ສະທ້ອນເຖິງ
ຄວາມເສື່ອມທາງສິນລະທໍາໃນລາວຫຼາຍຂຶ້ນນັບມຶ້ ກໍຄືຄະດີກ່ຽວ
ກັບການລະເມີດທາງເພດ ຫຼືການຂົ່ມຂືນ ທີ່ຜູ້ເປັນພໍ່ກະທໍາ ຕໍ່ລູກຂອງຕົນ.
ຍິ່ງໄປກວ່ານັ້ນ ສະພາບຂອງການເຊື່ອຖືແລະງົມງາຍຂອງບັນດາ
ຊົນເຜົ່າຕ່າງໆ ທີ່ຢູ່ໃນເຂດຊົນນະບົດ ແລະມີບັນຫາຍາກຈົນທີ່
ສຸດນັ້ນ ກໍຍັງເປັນສາເຫດທີ່ເຮັດໃຫ້ບັນຫາດັ່ງກ່າວນີ້ ມີທ່າອຽງເພີ່ມຫຼາຍຂຶ້ນນັບມື້ອີກດ້ວຍ
ດັ່ງທີ່ເຈົ້າໜ້າທີ່ຂັ້ນສູງໃນກະຊວງຍຸຕິທໍາຂອງລາວ ໄດ້ໃຫ້ການຢືນຢັນວ່າ:
“ການປະຕິບັດສິດສະເໝີພາບລະຫວ່າງຍິງ-ຊາຍ ຍັງບໍ່ທັນໄດ້ດີ ໂດຍສະເພາະ
ແມ່ນຢູ່ເຂດຊົນນະບົດ ຍັງໜັກໄປທາງການປະຕິບັດຕາມຮີດຄອງປະເພນີຂອງ
ບາງເຜົ່າ ແລະມີການເຊື່ອຖືງົມງາຍ ຍັງມີປາກົດການລະເມີດສິດທິຂອງແມ່ຍິງ
ເປັນຕົ້ນມີການຂົ່ມຂືນກະທໍາຊໍາເລົາ ການຄ້າໂສເພນີ ການຄ້າມະນຸດໃນຮູບ
ແບບຕ່າງໆ ມີການໃຊ້ແຮງງານໜັກໜ່ວງເກີນໄປໃນຄອບຄົວ.”
ນອກນີ້ ເຈົ້າໜ້າທີ່ຂັ້ນສູງຂອງລາວ ກໍຍັງໄດ້ໃຫ້ການຍອມຮັບດ້ວຍວ່າ ການພິຈາລະນາ
ເພື່ອການຕັດສິນຄະດີ ຂອງສານປະຊາຊົນລາວ ໄດ້ດໍາເນີນໄປຢ່າງຊັກຊ້າຫຼາຍ ເນື່ອງ
ຈາກວ່າສານປະຊາຊົນລາວໃນທົ່ວປະເທດ ມີຈໍານວນຜູ້ພິພາກສາພຽງແຕ່ 384 ຄົນ
ເທົ່ານັ້ນ ຈຶ່ງເຮັດໃຫ້ການແກ້ໄຂບັນດາຄະດີຄວາມຕ່າງໆ ບໍ່ເທົ່າທັນກັບສະພາບບັນຫາ
ທີ່ເພີ່ມຂຶ້ນຢ່າງໄວວານັ້ນເອງ.
ເພາະສະນັ້ນ ດ້ວຍການປະກອບສ່ວນຂອງ UNDP ຮ່ວມກັນກັບສະຫະພາບຢູໂຣບແລະ
ສະຫະລັດໃນຄັ້ງລ່າສຸດນີ້ ກໍເຮັດໃຫ້ທາງການລາວແລະຄູ່ຮ່ວມພັດທະນາທັງ 3 ພາກສ່ວນ
ດັ່ງກ່າວມີຄວາມເຊື່ອໝັ້ນວ່າ ລະບົບກົດໝາຍແລະການບັງຄັບໃຊ້ກົດໝາຍໃນລາວ ຈະມີ
ຄວາມຍຸຕິທໍາ ແລະມີປະສິດທິພາບສູງຂຶ້ນຢ່າງຕັ້ງໜ້າ.
ເພື່ອການພັດທະນາ ແລະສະຫະພາບຢູໂຣບ ເພື່ອໃຫ້ການ
ຊ່ວຍເຫຼືອແກ່ລາວ ທີ່ແນໃສ່ການພັດທະນາໄປສູ່ການເປັນ
ລັດແຫ່ງກົດໝາຍ ແລະຄວາມສະເໝີພາບ.
Your browser doesn’t support HTML5
ຟັງລາຍງານ US, UN, EU ຊ່ວຍພັດທະນາລາວໃຫ້ເປັນລັດແຫ່ງກົດໝາຍ
ພິທີການລົງນາມໃນຂໍ້ຕົກລົງ ເພື່ອໃຫ້ຄວາມຊ່ວຍເຫຼືອແກ່
ທາງການລາວ ໃນການຈັດຕັ້ງປະຕິບັດແຜນແມ່ບົດ ວ່າດ້ວຍການພັດທະນາລັດແຫ່ງ
ກົດໝາຍ ໄດ້ມີຂຶ້ນເມື່ອບໍ່ດົນມານີ້ຢູ່ນະຄອນວຽງຈັນ ໂດຍການເປັນປະທານຮ່ວມກັນ
ລະຫວ່າງ ທ່ານຈະເລີນ ເຢຍປາວເຮີລັດຖະມົນຕີວ່າການກະຊວງຍຸຕິທໍາ ກັບທ່ານ Minh
Pham ຜູ້ຕາງໜ້າອົງການສະຫະປະຊາຊາດເພື່ອການພັດທະນາ (UNDP) ໃນລາວ
ພ້ອມດ້ວຍຄະນະທູຕານຸທູດຂອງສະຫະພາບຢູໂຣບ ແລະສະຫະລັດອາເມຣິກາ ໄດ້ເຂົ້າ
ຮ່ວມໃນພິທີການຄັ້ງນີ້ດວຍ.
ທັງນີ້ກໍເນື່ອງຈາກວ່າ ການໃຫ້ຄວາມຊ່ວຍເຫຼືອແກ່ລັດຖະບານລາວໃນຄັ້ງນີ້ ເປັນການຮ່ວມມື
ລະຫວ່າງ UNDP ກັບສະຫະພາບຢູໂຣບ ແລະສະຫະລັດ ຊຶ່ງມີມູນຄ່າລວມເຖິງ 3.9 ລ້ານໂດ
ລ່າ ທີ່ຈະນໍາໃຊ້ເຂົ້າໃນການປັບປຸງແລະພັດທະນາ ການເຂົ້າເຖິງສະຖາບັນທາງກົດໝາຍ
ແລະລະບົບຍຸຕິທໍາຂອງປະຊາຊົນໃນລາວ ໃຫ້ດີຂຶ້ນ ລວມໄປເຖິງສົ່ງເສີມໃຫ້ມີການສ້າງກົດ
ໝາຍ ແລະລະບຽບການທີ່ມີຄວາມຊັດເຈນ ສອດຄ່ອງ ແລະຕອບສະໜອງຕາມຄວາມ
ຮຽກຮ້ອງຕ້ອງການໃນປັດຈຸບັນ.
ຍິ່ງໄປກວ່ານັ້ນ ການໃຫ້ຄວາມຊ່ວຍເຫຼືອແກ່ລາວດັ່ງກ່າວນີ້ ຍັງໄດ້ໃຫ້ຄວາມສໍາຄັນເປັນ
ພິເສດກັບການພັດທະນາເພື່ອຄວາມສະເໝີພາບ ລະຫວ່າງຍິງ-ຊາຍ ທັງຕໍ່ໜ້າກົດໝາຍແລະທາງສັງຄົມອີກດ້ວຍ. ທັງນີ້ກໍເນື່ອງຈາກວ່າຄວາມບໍ່ສະເໝີພາບລະຫວ່າງຍິງ-ຊາຍ
ໄດ້ກໍ່ໃຫ້ເກີດບັນຫາຂັດແຍ້ງໃນຄອບຄົວຂອງຄົນລາວ ຫຼາຍຂຶ້ນນັບມື້ ໂດຍຈະເຫັນໄດ້
ຈາກລາຍງານລ່າສຸດຂອງກະຊວງຍຸຕິທໍາໃນລາວ ທີ່ລະບຸວ່າ ລະຍະນັບແຕ່ເດືອນຕຸລາ
2012 ເຖິງທ້າຍເດືອນມັງກອນ 2014 ນີ້ ສານປະຊາຊົນລາວ ໄດ້ຮັບການຟ້ອງຮ້ອງລະ
ຫວ່າງເອກະຊົນຫຼາຍ ກວ່າ 16,000 ກໍລະນີ ໂດຍໃນນີ້ ກໍປາກົດວ່າ ມີຈໍານວນຫຼາຍກວ່າ
13,000 ກໍລະນີ ທີ່ເປັນບັນຫາຂັດແຍ້ງກ່ຽວກັບຄອບຄົວ.
ເອກອັກຄະລັດຖະທູດສະຫະລັດ ປະຈໍາລາວ ທ່ານ Dan Clune (ຂວາ) ຫຼັງຈາກເຊັນສັນຍາມອບການຊ່ວຍເຫຼືອໃຫ້ລາວ ຜ່ານອົງການ UNDP. (ພາບຈາກໂທລະພາບແຫ່ງຊາດລາວ)
ທັງນີ້ ໂດຍສະເພາະແມ່ນການຂັດແຍ້ງລະຫວ່າງສາມີ-ພັນລະຍາ
ທີ່ຟ້ອງຮ້ອງກັນໃນຄະດີການຢ່າຮ້າງ ການຍາດແຍ່ງເອົາຊັບສິນ
ລວມເຖິງການຂັດແຍ້ງກັນກ່ຽວກັບສິດທິ ໃນການລ້ຽງດູລູກ ແລະ
ການຮຽກຮ້ອງເອົາຄ່າລ້ຽງລູກ ແຕ່ທີ່ຖືວ່າເປັນສິ່ງທີ່ສະທ້ອນເຖິງ
ຄວາມເສື່ອມທາງສິນລະທໍາໃນລາວຫຼາຍຂຶ້ນນັບມຶ້ ກໍຄືຄະດີກ່ຽວ
ກັບການລະເມີດທາງເພດ ຫຼືການຂົ່ມຂືນ ທີ່ຜູ້ເປັນພໍ່ກະທໍາ ຕໍ່ລູກຂອງຕົນ.
ຍິ່ງໄປກວ່ານັ້ນ ສະພາບຂອງການເຊື່ອຖືແລະງົມງາຍຂອງບັນດາ
ຊົນເຜົ່າຕ່າງໆ ທີ່ຢູ່ໃນເຂດຊົນນະບົດ ແລະມີບັນຫາຍາກຈົນທີ່
ສຸດນັ້ນ ກໍຍັງເປັນສາເຫດທີ່ເຮັດໃຫ້ບັນຫາດັ່ງກ່າວນີ້ ມີທ່າອຽງເພີ່ມຫຼາຍຂຶ້ນນັບມື້ອີກດ້ວຍ
ດັ່ງທີ່ເຈົ້າໜ້າທີ່ຂັ້ນສູງໃນກະຊວງຍຸຕິທໍາຂອງລາວ ໄດ້ໃຫ້ການຢືນຢັນວ່າ:
“ການປະຕິບັດສິດສະເໝີພາບລະຫວ່າງຍິງ-ຊາຍ ຍັງບໍ່ທັນໄດ້ດີ ໂດຍສະເພາະ
ແມ່ນຢູ່ເຂດຊົນນະບົດ ຍັງໜັກໄປທາງການປະຕິບັດຕາມຮີດຄອງປະເພນີຂອງ
ບາງເຜົ່າ ແລະມີການເຊື່ອຖືງົມງາຍ ຍັງມີປາກົດການລະເມີດສິດທິຂອງແມ່ຍິງ
ເປັນຕົ້ນມີການຂົ່ມຂືນກະທໍາຊໍາເລົາ ການຄ້າໂສເພນີ ການຄ້າມະນຸດໃນຮູບ
ແບບຕ່າງໆ ມີການໃຊ້ແຮງງານໜັກໜ່ວງເກີນໄປໃນຄອບຄົວ.”
ນອກນີ້ ເຈົ້າໜ້າທີ່ຂັ້ນສູງຂອງລາວ ກໍຍັງໄດ້ໃຫ້ການຍອມຮັບດ້ວຍວ່າ ການພິຈາລະນາ
ເພື່ອການຕັດສິນຄະດີ ຂອງສານປະຊາຊົນລາວ ໄດ້ດໍາເນີນໄປຢ່າງຊັກຊ້າຫຼາຍ ເນື່ອງ
ຈາກວ່າສານປະຊາຊົນລາວໃນທົ່ວປະເທດ ມີຈໍານວນຜູ້ພິພາກສາພຽງແຕ່ 384 ຄົນ
ເທົ່ານັ້ນ ຈຶ່ງເຮັດໃຫ້ການແກ້ໄຂບັນດາຄະດີຄວາມຕ່າງໆ ບໍ່ເທົ່າທັນກັບສະພາບບັນຫາ
ທີ່ເພີ່ມຂຶ້ນຢ່າງໄວວານັ້ນເອງ.
ເພາະສະນັ້ນ ດ້ວຍການປະກອບສ່ວນຂອງ UNDP ຮ່ວມກັນກັບສະຫະພາບຢູໂຣບແລະ
ສະຫະລັດໃນຄັ້ງລ່າສຸດນີ້ ກໍເຮັດໃຫ້ທາງການລາວແລະຄູ່ຮ່ວມພັດທະນາທັງ 3 ພາກສ່ວນ
ດັ່ງກ່າວມີຄວາມເຊື່ອໝັ້ນວ່າ ລະບົບກົດໝາຍແລະການບັງຄັບໃຊ້ກົດໝາຍໃນລາວ ຈະມີ
ຄວາມຍຸຕິທໍາ ແລະມີປະສິດທິພາບສູງຂຶ້ນຢ່າງຕັ້ງໜ້າ.