ທາງການສະຫະລັດ ຈັດໂຄງການເຝິກອົບຮົມ ລະດັບປະຕິບັດ
ການໃຫ້ພະນັກງານພາສີ ຂອງລັດຖະບານລາວ ເພື່ອເພີ້ມປະສິດ
ທິພາບ ການສືບສວນກ່ຽວກັບບັນຫາ ການລະເມີດສິດທິ ໃນຊັບ
ສິນທາງປັນຍາ.
Your browser doesn’t support HTML5
ຟັງລາຍງານ ສຫລ ຈັດໂຄງການ ເຝິກອົບຮົມ ລະດັບ ປະຕິບັດການ ໃຫ້ພະນັກງານພາສີຂອງລາວ.
ການດຳເນີນໂຄງການເຝິກອົບຮົມ ລະດັບປະຕິບັດການ ໃຫ້ແກ່
ພະນັກງານຂັ້ນສູງດ້ານພາສີຂອງລັດຖະບານລາວ ຈາກທົ່ວປະເທດໃນຄັ້ງນີ້ ໄດ້ຮັບຄວາມ
ຊ່ວຍເຫຼືອຈາກສຳນັກງານພາສີ ແລະກວດຄົນເຂົ້າເມືອງຂອງລັດຖະບານສະຫະລັດອາເມ
ຣິກາ ໂດຍມີເປົ້າໝາຍເພື່ອເສີມສ້າງປະສິດທິພາບ ໃນການປະຕິບັດໜ້າທີ່ຂອງພະນັກງານພາສີຂອງທາງການລາວ ໃນການສືບສວນກ່ຽວກັບບັນຫາການລະເມີດສິດທິໃນຊັບສິນທາງປັນຍາ ທັງພາຍໃນລາວ ແລະ ທີ່ພົວພັນລະຫວ່າງລາວກັບຕ່າງປະເທດ.
ໂດຍຄວາມສຳຄັນຂອງການເຝິກອົບຮົມດັ່ງກ່າວນີ້ ໄດ້ເນັ້ນໜັກໄປໃນດ້ານການສືບສວນ ເພື່ອການຕິດຕາມຈັບກຸ່ມຜູ້ທີ່ກະທຳຄວາມຜິດ ໃນຖານລະເມີດສິດໃນຊັບສິນທາງປັນຍາມາລົງໂທດ ແລະ ປັບໄໝຕາມກົດໝາຍ ໃຫ້ໄດ້ຢ່າງມີປະສິດທິພາບ ທັງນີ້ໂດຍທີ່ຜູ້ຊ່ຽວ
ຊານຂອງສະຫະລັດ ໄດ້ໃຫ້ການຖ່າຍທອດປະສົບການໂດຍກົງ ແກ່ພະນັກງານພາສີຂອງ
ລັດຖະບານລາວອີກດ້ວຍ.
ໂຄງການເຝິກອົບຮົມດັ່ງກ່າວນີ້ ຖືເປັນພາກສ່ວນໜຶ່ງໃນບົດບັນທຶກຄວາມເຂົ້າໃຈຮ່ວມ (MOU) ລະຫວ່າງທາງການລາວກັບສະຫະລັດ ວ່າດ້ວຍການເຊື່ອມໂຍງອາຊ່ຽນ ແລະ ສາກົນລະຍະທີ 2 ຊຶ່ງໄດ້ລົງນາມຮ່ວມກັນ ລະຫວ່າງກະຊວງອຸດສາຫະກຳ ແລະການຄ້າ
ຂອງລາວກັບສະຖານທູດສະຫະລັດ ແລະອົງການພັດທະນາສາກົນຂອງສະຫະລັດ (USAID) ປະຈຳພາກພື້ນເອເຊຍ ເມື່ອບໍ່ນານມານີ້.
ອົງການ USAID ຍັງໄດ້ ສະໜັບສະໜຸນດ້ານເງິນທຶນ ໃນມູນຄ່າລວມ 9 ລ້ານດອນລາ ຊຶ່ງແບ່ງເປັນ 8.5 ລ້ານດອນລາ ສຳຫລັບໂຄງການຮ່ວມມື ດ້ານການເຊື່ອມໂຍງອາຊ່ຽນ ແລະ ສາກົນ.
ໂດຍພາຍໃຕ້ບົດບັນທຶກຄວາມເຂົ້າໃຈສະບັບນີ້ USAID ໄດ້
ສະໜັບສະໜຸນດ້ານເງິນ ໃນມູນຄ່າລວມ 9 ລ້ານດອນລາ ຊຶ່ງ
ແບ່ງເປັນ 8 ລ້ານ 5 ແສນດອນລາ ສຳຫລັບໂຄງການຮ່ວມມື
ດ້ານການເຊື່ອມໂຍງອາຊ່ຽນ ແລະ ສາກົນ ທີ່ມີເປົ້າໝາຍໃຫ້
ການສະໜັບສະໜຸນປະເທດລາວ ເພື່ອບັນລຸພັນທະຕ່າງໆ ໃນ
ການເຂົ້າເປັນສະມາຊິກໃນອົງການຄ້າໂລກ (WTO) ແລະປະ
ຕິບັດຂໍ້ຜູກພັນ ໃນການກ້າວໄປເປັນປະຊາຄົມເສດຖະກິດອາ
ຊ່ຽນ ພາຍໃນທ້າຍປີ 2015 ຕໍ່ໄປ.
ສ່ວນອີກ 5 ແສນດອນລານັ້ນ ເປັນການປະກອບສ່ວນເຂົ້າໃນ
ກອງທຶນຊ່ວຍເຫຼືອລ້າຫຼາຍຝ່າຍ ທີ່ອົງການ USAID ໄດ້ຮ່ວມມື
ກັບທະນາຄານໂລກ ແລະອົງການສາກົນ ໃຫ້ການຊ່ວຍເຫຼືອລາວ
ເຂົ້າໃນການພັດທະນາທາງການຄ້າ ລະຍະທີ 2 ເຊັ່ນດຽວກັນ ຊຶ່ງລວມເຖິງການຊ່ວຍເຫຼືອ
ໃນການຈັດຕັ້ງປະຕິບັດ ບັນດາຄວາມຮຽກຮ້ອງຕ້ອງການຕ່າງໆ ພາຍໃຕ້ສັນຍາການຄ້າ
ທັງລະຫວ່າງລາວ ກັບ ສະຫະລັດ ແລະ ສາກົນດ້ວຍ ໂດຍຜົນສຳເລັດ ທີ່ຜ່ານມາ ກໍຄືການ ຊຸກຍູ້ໃຫ້ລາວ ໄດ້ເປັນສະມາຊິກຂອງ WTO ໃນປີ 2012 ນັ້ນເອງ.
ທັງນີ້ ເນື່ອງຈາກວ່າບັນຫາໜຶ່ງ ທີ່ຍັງເປັນອຸປະສັກຕໍ່ການຂະຫຍາຍ ການຄ້າຂອງລາວໃນ
ຕະຫລາດສາກົນ ໃນປັດຈຸບັນກໍຄື ການດຳເນີນມາດຕະການຄຸ້ມຄອງຊັບສິນທາງປັນຍາ
ໃນລາວຍັງບໍ່ເປັນທີ່ຍອມຮັບຂອງສາກົນ ທັງຍັງໄດ້ກາຍເປັນຊ່ອງທາງໃຫ້ຂະບວນການ
ອາຊະຍາກຳຂ້າມຊາດ ໄດ້ສວຍໃຊ້ລາວ ເປັນສູນກາງໃນການກໍ່ອາຊະຍາກຳ ເພີ້ມຂຶ້ນ
ນັບມື້ ດັ່ງທີ່ເຈົ້າໜ້າທີ່ຂັ້ນສູງຂອງລາວໄດ້ຢືນຢັນວ່າ:
“ອັນທີ່ເປັນຕົນເປັນໂຕ ທີ່ເຮົາເຫັນນີ້ ອັນທີໜຶ່ງນີ້ ແມ່ນການ copy ຊີດີນີ້ຫລະ ສອງມາກະການເອົາບົດເພັງ ບົດຮ້ອງ ບົດຫຍັງຕ່າງໆ ນີ້ ເອົາໄປຮ້ອງ ໄປກິນ ໄປແບບບໍ່ຕ້ອງໄດ້ມີສິ່ງໃດ ທີ່ຈະຕອບແທນໃຫ້ແກ່ຜູ້ປະດິດສ້າງ ແຕ່ດຽວນີ້ ໂລກຢ້ານແຮງຫລະແມ່ນໂຕເລື້ອງການ load ຜ່ານລະບົບ digital ນີ້.”
ສຳຫລັບຂະບວນການອາຊະຍາກຳທາງອິນເຕີເນັດຂ້າມຊາດ ທີ່ເຂົ້າມາສວຍໃຊ້ລາວ
ຫຼາຍທີ່ສຸດໃນປັດຈຸບັນນີ້ ກໍຄືກຸ່ມແກ້ງຈາກປະເທດຈີນ ທີ່ໄດ້ລັກລອບນຳເອົາເຄື່ອງຜະລິດ
ແຜ່ນເພງ ແລະ ແຜ່ນຮູບເງົາເຂົ້າມາໃນລາວ ຫຼາຍຂຶ້ນນັບມື້.