ປະທານາທິບໍດີ Barack Obama ຄາດວ່າໃນວັນພຸດມື້ນີ້ ຈະ
ປະກາດແຜນຖອນທະຫານອາເມຣິກັນເກືອບທັງໝົດ ທີ່ໄດ້ຖືກ
ສົ່ງໄປປະຕິບັດງານ ຕໍ່ຕ້ານ ການລະບາດເຊື້ອອີໂບລາໃນອາ
ຟຣິກາຕາເວັນຕົກ ແລະຈະປະກາດວ່າ ການ ດຳເນີນຄວາມ
ພະຍາຍາມຂອງກອງທັບສະຫະລັດ ໄດ້ຮັບຜົນສຳເລັດ.
ກອງທັບສະຫະລັດ ຄາດວ່າ ຈະຖອນທະຫານເກືອບທັງໝົດ
1,300 ຄົນທີ່ກຳລັງປະຕິບັດງານໃນ Liberia ແລະ Senegal
ບ່ອນທີ່ບັນດາເຈົ້າໜ້າທີ່ເຊື່ອວ່າ ວິກິດການສ່ວນໃຫຍ່ ແມ່ນ
ໄດ້ຮັບການຄວບຄຸມແລ້ວ.
ຈະມີທະຫານພຽງແຕ່ 100 ຄົນ ຍັງຢູ່ໃນອາຟຣິກຕາເວັນຕົກ ຫລັງຈາກວັນທີ 30 ເດືອນເມສານີ້ ເພື່ອປະຕິບັດງານຮ່ວມກັບທະຫານ Liberia ບັນດາຄູ່ຕຳແໜ່ງຢູ່ໃນຂົງເຂດ ແລະພົນລະເຮືອນສະຫະລັດ ເພື່ອສືບຕໍ່ວຽກງານ ຕໍ່ຕ້ານອີໂບລາ.
ການລະບາດຂອງອີໂບລາ ທີ່ຮ້າຍແຮງສຸດໃນປະຫວັດສາດໂລກ ໄດ້ເຮັດໃຫ້ມີຜູ້ເສຍຊີວິດກວ່າ 9,000 ຄົນ.
ອົງການອະນາໄມໂລກ ຊຶ່ງເປັນພະແນກການນຶ່ງຂອງສະຫະປະຊາຊາດ ເຕືອນວ່າ ບັນຫາທ້າທາຍຍັງມີຢູ່ ເພື່ອນຳເອົາກໍລະນີການລະບາດລົງມາສູ່ສູນ. ການແຜ່ລະບາດຄາດວ່າ ຈະເຮັດໃຫ້ສາມປະເທດທີ່ໄດ້ຮັບຜົນກະທົບຮ້າຍແຮງສຸດຄື Liberia, Sierra Leone ແລະ Guinea ຢ່າງໜ້ອຍ 1 ພັນ 6 ລ້ານໂດລາ ຊຶ່ງໄດ້ສ້າງຄວາມເສຍຫາຍໃຫ້ແກ່ການເຕີບໂຕທາງດ້ານເສດຖະກິດໃນປີນີ້.
Your browser doesn’t support HTML5
US EBOLA VO