ທ່ານ John McCain ສະມາ ຊິກສະພາສູງສະຫະລັດ ຮຽກຮ້ອງໃຫ້ສະຫະລັດທໍາການ
ໂຈມຕີທາງອາກາດຕໍ່ຊີເຣຍ ເພື່ອປົກປ້ອງສູນກາງປະຊາຊົນແຫ່ງຕ່າງໆແລະສ້າງຕັ້ງເຂດ
ປອດໄພຂຶ້ນໃຫ້ແກ່ພວກຝ່າຍຄ້ານຕໍ່ຕ້ານອໍານາດການປົກຄອງຊີເຣຍນັ້ນ.
ທ່ານ John Mc Cain ຊຶ່ງເປັນສະມາຊິກ ສັງກັດພັກ Republican ທີ່ມີອິດທິພົນຈາກ
ລັດ Arizona ໄດ້ກົດດັນໃຫ້ມີການແຊກແຊງທາງທະຫານຂອງຕ່າງປະເທດໃນການກ່າວ
ຖະແຫລງຕໍ່ສະພາສູງສະຫະລັດໃນວັນຈັນວານນີ້.
ທ່ານກ່າວວ່າ ການສ້າງຕັ້ງເຂດປອດໄພຂຶ້ນນັ້ນສາມາດຊ່ອຍພວກກອງທັບຊີເຣຍເສລີແລະ
ກຸ່ມປະກອບອາວຸດອື່ນໆເພື່ອທໍາການເຝິກແອບແລະຈັດຕັ້ງເຂົາເຈົ້າເອງ ແລະອາດຈະຊ່ອຍ
ໃນການຈັດສົ່ງການຊ່ອຍເຫລືອໃນດ້ານມະນຸດສະທໍາແລະທາງທະຫານໄປໃຫ້ນັ້ນ.
ທ່ານ McCain ຍັງເວົ້າເຊ່ນກັນວ່າ ສະຫະລັດມີຜົນປະໂຫຍດທາງດ້ານຄວາມປອດໄພ
ແຫ່ງຊາດຢ່າງຈະແຈ້ງໃນການຍຸຕິຄວາມຮຸນແຮງໃນຊີເຣຍແລະບັງຄັບໃຫ້ປະທານາທິບໍດີ
Bashar al-Assad ແຫ່ງ
ຊີເຣຍລາອອກຈາກອໍານາດໄປ. ທ່ານກ່າວຕື່ມວ່າ ຊີເຣຍຈະກາຍເປັນປະເທດທີມີບັນຫາ
ຂັດແຍ້ງກັນໃນດ້ານອາວຸດຢ່າງເຕັມສ່ວນ ແລະວ່າ ທ່ານອັສສັດຈະຕ້ອງຮູ້ຈັກວ່າທ່ານຈະ
ບໍ່ຊະນະໃນເລື້ອງນີ້.
ທ່ານ John McCain ໄດ້ເປັນຜູ້ສະມັກຮັບເລືອກຕັ້ງປະທານາທິບໍດີສະຫະລັດຂອງພັກ
Republican ໃນປີ 2008 ເວລາທ່ານເສຍໄຊ ໃຫ້ແກ່ທ່ານບາຣັກ ໂອບາມາສັງກັດພັກ
ເດໂມກຣັດນັ້ນ.