ສານສູງສຸດສະຫະລັດ ຈະຮັບຟັງເລື້ອງກົດລະບຽບກ່ຽວກັບການໃຊ້ຫ້ອງນໍ້າສຳ ລັບພວກ ນັກຮຽນທີ່ປ່ຽນເພດ ຊຶ່ງນັບເປັນເທື່ອທຳອິດທີ່ສານສູງສຸດ ໄດ້ຕົກົງເຫັນດີທີ່ຈະຟັງຄະດີທີ່ພົວພັນກັບສິດທິຂອງຜູ້ປ່ຽນເພດ.
ຄະດີດັ່ງກ່າວ ພົວພັນກັບ ທ້າວ Gavin Grimm ອາຍຸ 17 ປີ ທີ່ເກີດມາເປັນແມ່ຍິງ ແຕ່ ໄດ້ຖືກລະບຸວ່າເປັນຜູ້ຊາຍ ແລະກຳລັງຟ້ອງຮ້ອງເອົາສິດ ການໃຊ້ຫ້ອງນໍ້າຜູ້ຊາຍ ຢູ່ທີ່ ໂຮງຮຽນຂອງລາວ.
ທ້າວ Grimm ໄດ້ຮັບອະນຸຍາດໃຫ້ໃຊ້ຫ້ອງນໍ້າຜູ້ຊາຍ ມາເປັນເວລາຫລາຍອາທິດໃນປີ 2014 ຢູ່ໂຮງຮຽນມັດທະຍົມຂອງລາວ ໃນລັດ Virginia ແຕ່ວ່າຄະນະກຳມະການບໍລິ ຫານໂຮງຮຽນໄດ້ປ່ຽນນະໂຍບາຍ ຫລັງຈາກພໍ່ແມ່ຜູ້ປົກ ຄອງຈຳນວນນຶ່ງໄດ້ຕິຕຽນ.
ບັນດາຜູ້ພິພາກສາສານສູງສຸດ ໄດ້ຕົກລົງທີ່ຈະຮັບຟັງການຂໍອຸທອນຂອງຄະນະ ການບໍລິຫານໂຮງຮຽນເຂດເມືອງ Gloucester ກ່ຽວກັບການຕັດສິນຂອງສານຊັ້ນຕົ້ນ ທີ່ອະນຸຍາດໃຫ້ທ້າວ Grimm ໃຊ້ຫ້ອງນໍ້າຜູ້ຊາຍໄດ້. ເຂົາເຈົ້າໄດ້ໂຈະ ການຕິດສິນຂອງສານຊັ້ນຕົ້ນ ຈົນກວ່າວ່າໄດ້ມີການພິຈາລະນາເລື້ອງດັ່ງກ່າວ ໝາຍຄວາມວ່າ ທ້າວ Grimm ບໍ່ສາມາດທີ່ຈະໃຊ້ຫ້ອງນໍ້າຜູ້ຊາຍໄດ້ ລະຫວ່າງປີສຸດທ້າຍຢູ່ໃນໂຮງຮຽນມັດ ທະຍົມ.
ສານສູງສຸດຈະຮັບຟັງຄະດີ ແລະທຳການການຕັດສິນກ່ອນທ້າຍເດືອນມິຖຸນາປີໜ້າ.
ປະທານຄະນະກຳມະການບໍລິຫານໂຮງຮຽນ ເມືອງ Gloucester ທ່ານ Troy Andersen ຍິນດີກັບການຕັດສິນໃຈຂອງສານ ທີ່ຈະຟັງຄະດີດັ່ງກ່າວນີ້.
ທ່ານ Andersen ກ່າວວ່າ “ຄະນະກຳມະການບໍລິຫານ ຈະເບິ່ງໄປໜ້າທີ່ຈະອະທິບາຍຕໍ່ສານວ່າ ນະໂຍບາຍຫ້ອງນໍ້າ ແລະຫ້ອງຖ່າຍເຄື່ອງໄດ້ຮັກສາໃຫ້ມີຄວາມກໍ້າເກີ່ງຢ່າງລະມັດລະວັງສຳລັບຜົນປະໂຫຍດຂອງນັກຮຽນທັງໝົດ ແລະ ພໍ່ແມ່ຜູ້ປົກຄອງ ຢູ່ລະບົບໂຮງຮຽນເມືອງ Gloucester.”
ຢູ່ໃນຖະແຫລງການ ຫຼັງຈາກການປະກາດ ຂອງສານສູງສຸດ ທ້າວ Grimm ກ່າວວ່າ “ຂ້ອຍບໍ່ຄິດບໍ່ຝັນວ່າ ການໃຊ້ຫ້ອງນໍ້າຂອງຂ້ອຍ ໄດ້ກາຍມາເປັນການໂຕ້ຖຽງແຫ່ງຊາດ. ສິ່ງດຽວທີ່ຂ້ອຍຂໍຮ້ອງກໍຄື ຂ້ອຍຢາກມີສິດທິຄືກັນກັບທີ່ທຸກໆຄົນໄດ້ຮັບ.”