ນາຍ Gorge Clooney ດາລາທີ່ໄດ້ຮັບຕຸກກະຕາຄຳຂອງສະຫະລັດໄດ້ຖືກຈັບຢູ່ກຸງວໍຊິງ
ຕັນ ນອກສະຖານທູດຊູດານຂະນະທີ່ທຳການປະທ້ວງກ່ຽວກັບສະຖານະການໃນປະເທດຊູ
ດານ.
ໃນວັນສຸກວານນີ້ ຕຳຫຼວດໄດ້ຈັບ ນາຍ Clooney ສະມາຊິກລັດຖະສະພາ ຫຼາຍໆຄົນຕະ
ຫຼອດທັງ ພວກຜູ້ນຳສາສະໜາ ແລະພວກນັກເຄື່ອນໄຫວຈຳນວນນຶ່ງ ຮວມທັງລູກຊາຍກົກ
ຂອງມື້ລາງທ່ານ Martin Luther King, Jr. ພວກປະທ້ວງບໍ່ໄດ້ເອົາຫົວຊາຕໍ່ການເຕືອນ
3 ຄັ້ງຂອງຕຳຫຼວດ ເພື່ອໃຫ້ພາກັນແຍກຍ້າຍໜີໄປຈາກບໍລິເວນສະຖານທູດ ແລະພວກເຂົາ
ເຈົ້າກໍໄດ້ຖືກຈັບ.
ນາຍ Clooney ເວົ້າວ່າ ຈຳເປັນຕ້ອງໄດ້ມີການຈັດສົ່ງການຊ່ອຍເຫຼືອທາງດ້ານມະນຸດສະ
ທຳເຂົ້າໄປໃນປະເທດຊູດານທັນທີ ກ່ອນທີ່ຈະກາຍເປັນ ໃນອັນທີ່ລາວເອີ້ນວ່າ “ວິກິດການ
ທາງດ້ານມະນຸດສະທຳທີ່ຮ້າຍແຮງສຸດຂອງໂລກ”. ລາວກ່າວວ່າ ລັດຖະບານຊູດານຕ້ອງ
ໄດ້ຍຸຕິ ການສັງຫານແບບບໍ່ເລືອກໜ້າ ພວກຜູ້ຊາຍ ແມ່ຍິງແລະເດັກນ້ອຍຂອງຕົນ ຕະ
ຫຼອດທັງຍຸຕິການຂົ່ມຂືນສຳເລົາແລະຂັດຂວາງບໍ່ໃຫ້ພວກເຂົາເຈົ້າມີອາຫານການກິນ.
http://www.voanews.com/templates/widgetDisplay.html?id=143015655&player=article
ນາຍ Clooney ໄດ້ຖືກປ່ອຍໃນເວລາສອງສາມຊົ່ວໂມງຕໍ່ມາ ຫຼັງຈາກໄດ້ຈ່າຍຄ່າປັບໄໝ
100 ໂດລາ.
ນາງ Selma Telhagebril ຜູ້ປະທ້ວງອາຍຸ 26 ປີຈາກນະຄອນຫຼວງຄາທູມ ປະເທດ
ຊູດານກ່າວວ່າ ມັນເປັນສິ່ງທີ່ຮັບເອົາບໍ່ໄດ້ກ່ຽວກັບສິ່ງທີ່ພວມເກີດຂຶ້ນຢູ່ໃນປະເທດຊູດານ.
ນອກນັ້ນ ນາງຍັງໄດ້ຮຽກຮ້ອງ ໃຫ້ມີການອອກມະຕິແກ້ໄຂວິກິດການ ໂດຍເວົ້າວ່າສິ່ງທີ່
ໄດ້ເກີດຂຶ້ນໃນຊູດານ ຈະບໍ່ມີໂອກາດເກີດຂຶ້ນຢູ່ ໃນປະເທດຕາເວັນຕົກ.
ນາຍ Clooney ເປັນຜູ້ສະໜັບສະໜຸນຢ່າງແຂງຂັນ ເພື່ອໃຫ້ມີສັນຕິພາບໃນຊູດານມາ
ໄດ້ຫຼາຍປີແລ້ວ ແລະເມື່ອໄວໆມານີ້ ກໍໄດ້ເດີນທາງກັບຄືນມາຈາກການໄປຢ້ຽມຢາມປະ
ເທດດັ່ງກ່າວ. ໃນການໃຫ້ການຕໍ່ຄະນະກຳມາທິການຕ່າງປະເທດຂອງສະພາສູງສະຫະ
ລັດໃນມື້ວັນພຸດຜ່ານມານີ້ ລາວໄດ້ເຕືອນກ່ຽວກັບວິກິດການທາງດ້ານມະນຸດສະທຳໃນບໍ
ລິເວນຊາຍແດນລະຫວ່າງຊູດານແລະຊູດານໃຕ້ທີ່ຫາກໍໄດ້ຮັບເອກກະລາດໃໝ່ໆນັ້ນ.