ນາງ Chelsea Manning ທະຫານກອງທັບບົກສະຫະລັດ ທີ່ມອບເອກກະສານ
ລັບທາງທະຫານ ແລະ ການທູດ ຫລາຍຮ້ອຍພັນໜ້າ ໃຫ້ແກ່ກຸ່ມ WikiLeaks ໃນ
ປີ 2010 ນັ້ນ ມີກຳນົດຈະຖືກປ່ອຍອອກຈາກຄຸກ ໃນວັນພຸດມື້ນີ້ ຫລັງຈາກໄດ້ຮັບ
ໃຊ້ໂທດເປັນເວລາ 7 ປີຂອງຈຳນວນທັງໝົດ 35 ປີຢູ່ທີ່ນັ້ນ.
ພວກທະນາຍຄວາມຂອງນາງ ແລະ ກອງທັບບົກສະຫະລັດບໍ່ໄດ້ແຈ້ງໃຫ້ຊາບ ກ່ຽວກັບ
ເວລາທີ່ແນ່ນອນ ໃນການປ່ອຍນາງ ຈາກຄຸກລັດຖະບານກາງທີ່ລັດແຄນຊັສຍ້ອນມີ
ຄວາມເປັນຫ່ວງ ໃນເລື່ອງຄວາມປອດໄພ. ແຕ່ທະນາຍຄວາມຂອງນາງ Manning
ກ່າວວ່າ ນາງມີແຜນການທີ່ຈະເດີນທາງໄປລັດ Maryland ຫລັງຈາກຖືກປ່ອຍໂຕ
ແລ້ວ.
ເອກກະສານທີ່ນາງໄດ້ເປີດເຜີຍ ແມ່ນຮວມທັງລາຍງານຈາກສະໜາມລົບ ໃນສົງ
ຄາມຢູ່ອີຣັກແລະອັຟການິສຖານ ຕະຫລອດທັງ ໂທລະເລກຂອງ ກະຊວງການຕ່າງ
ປະພເທດແລະໄດ້ເຮັດໃຫ້ກຸ່ມ WikiLeaks ກາຍເປັນກຸ່ມທີ່ມີຄວາມສຳຄັນ ລະດັບ
ສາກົນ. ພວກຕ້ອງຕິກ່າວວ່າ ການເປີດເຜີຍດັ່ງກ່າວແມ່ນເຮັດໃຫ້ຄວາມລັບສຸດ
ຍອດຂອງປະເທດຮົ່ວໄຫລ ແລະ ພວກທີ່ມີລາຍຊື່ຢູ່ໃນເອກກະສານ ເຊັ່ນພວກທີ່
ຊ່ວຍທະຫານສະຫະລັດ ໃນຕ່າງປະເທດຕົກຢູ່ໃນອັນຕະລາຍ.
ນາງ Manning ກ່າວວ່າ ນາງໄດ້ເຮັດໄປ “ຍ້ອນເປັນຫ່ວງປະເທດຂອງຂ້ອຍ”
ພົນລະເຮືອນທີ່ບໍ່ມີຄວາມຜິດໄດ້ເສຍຊີວິດຢູ່ໃນສົງຄາມແລະເພື່ອສະໜັບ
ສະໜຸນ “ຄວາມໂປ່ງໃສແລະຄວາມຮັບຜິດຊອບຂອງສາທາລະນະ.”
ນາງໄດ້ຮັບເອົາຄວາມຮັບຜິດຊອບຢ່າງເຕັມທີ່ໃນການເປີດເຜີຍເອກກະສານເຫຼົ່າ
ນີ້ ແຕ່ຄັດຄ້ານຕໍ່ການຖືກຄຸມຂັງເປັນເວລາຍາວນານຊຶ່ງດົນກວ່າບຸກຄົນໃດໆທັງ
ທີ່ໄດ້ເປີດເຜີຍເອກກະສານລັບແບບນີ້.
Your browser doesn’t support HTML5
US Chelsea Manning