ລັດຖະສະພາ ສະຫະລັດ ໄດ້ລົງຄະແນນສຽງ ປະຕິເສດຕໍ່ການໃຊ້ສິດຍັບຍັ້ງ ຫຼື ວີໂຕ້ ຂອງປະທານາທິບໍດີ ບາຣັກ ໂອບາມາ ຕໍ່ຮ່າງກົດໝາຍ ທີ່ອະນຸຍາດໃຫ້ຟ້ອງຮ້ອງຊາອຸດີ ອາຣາເບຍ ໄດ້ ໃນການໂຈມຕີກໍ່ການຮ້າຍ ເມື່ອວັນທີ 11 ກັນຍາ 2001.
ການລົງຄະແນນສຽງ ໃນວັນພຸດວານນີ້ ຢູ່ໃນທັງສອງສະພາ ຂອງ ສະຫະລັດ ແມ່ນໄດ້ຮັບການສະໜັບສະໜຸນຢ່າງຖ້ວມລົ້ນ. ມັນເປັນເທື່ອທຳອິດ ທີ່ການວີໂຕ້ຂອງປະທານາທິບໍດີ ໂອບາມາ ໄດ້ຖືກຕ່າວປີ້ນ.
ການລົງຄະແນນສຽງຢູ່ໃນສະພາສູງ ແມ່ນ 97 ຕໍ່ 1 ສຽງ ໂດຍມີຜູ້ ນຳສຽງສ່ວນນ້ອຍ ຂອງພັກເດໂມແຄຣດ ທ່ານ Harry Reid ຈາກລັດ Nevada ທີ່ເປັນສະມາຊິກ ພຽງ ຄົນດຽວ ທີ່ເຂົ້າຂ້າງປະທານາທິ ບໍດີ. ສ່ວນຢູ່ໃນສະພາຕ່ຳນັ້ນ ຄະແນນສຽງ ແມ່ນ 348 ຕໍ່ 77 ສຽງ.
ຜົນທີ່ອອກມານັ້ນ ແມ່ນເປັນໄຊຊະນະ ອັນໃຫຍ່ ສຳລັບບັນດາຄອບຄົວຂອງພວກທີ່ ເສຍຊີວິດ ໃນການໂຈມຕີກໍ່ການຮ້າຍ ເມື່ອວັນທີ 11 ກັນຍາ 2001. ຈົນມາເຖິງເວລານີ້ ຄວາມ ພະຍາຍາມ ເພື່ອຊອກຫາຄວາມຍຸຕິທຳ ຢູ່ທີ່ສານຂອງສະຫະລັດ ຂອງພວກເຂົາ ເຈົ້າ ໄດ້ຖືກກີດຂວາງໂດຍການທີີ່ ຊາອຸດີ ອາຣາເບຍ ໄດ້ຮັບການຄຸ້ມຄອງ ຈາກການຟ້ອງ ຮ້ອງທາງດ້ານກົດໝາຍ.
ປະທານາທິບໍດີ ໂອບາມາ ໄດ້ກ່າວຕໍ່ ໂທລະພາບ CNN ວ່າ ການຕັດສິນໃຈ ຂອງ ລັດຖະສະພາ ເພື່ອໃຫ້ມີການຟ້ອງຮ້ອງໄດ້ນັ້ນ ແມ່ນເປັນ “ຄວາມຜິດພາດ.”
ທ່ານໄດ້ກ່າວວ່າ ຜູ້ເຄາະຮ້າຍ ໃນວັນທີ 11 ກັນຍາ ແລະ ບັນດາຄອບຄົວຂອງເຂົາເຈົ້າ ຄວນໄດ້ຮັບການສະໜັບສະໜູນ ແລະ ຄ່າຊົດເຊີຍ ຈາກທຶນທີ່ໄດ້ຕັ້ງຂຶ້ນ ໂດຍລັດຖະບານ ຂອງທ່ານ. ແຕ່ທ່ານໄດ້ກ່າວວ່າ ການອະນຸຍາດໃຫ້ສ່ວນບຸກຄົນຟ້ອງຮ້ອງປະເທດໃດປະເທດ ໜຶ່ງ ໃນຂໍ້ກ່າວຫາວ່າ ດຳເນີນການບໍ່ພຽງພໍ ເພື່ອຢຸດຢັ້ງການກໍ່ການຮ້າຍນັ້ນ ອາດຈະ ກັບຄືນມາສ້າງຄວາມເສຍຫາຍ ໃຫ້ແກ່ສະຫະລັດໄດ້.
ທ່ານໂອບາມາ ເວົ້າວ່າ “ຖ້າພວກເຮົາລົບລ້າງແນວຄິດ ການໄດ້ຮັບຄຸ້ມຄອງ ຈາກການ ຟ້ອງຮ້ອງຂອງປະເທດ ຫຼັງຈາກນັ້ນ ພວກທະຫານຜູ້ຊາຍ ແລະ ແມ່ຍິງ ຂອງພວກເຮົາ ທີ່ຢູ່ໃນທົ່ວທຸກມຸມໂລກ ອາດເປັນໄປໄດ້ວ່າ ຈະເລີ່ມເຫັນພວກເຮົາເອງ ທີ່ຈະໄດ້ຮັບ ຜົນສະທ້ອນຄືນ ຂອງກົດໝາຍນັ້ນ. ມັນເປັນນຳຂ້າພະເຈົ້າເອງ ທີ່ບໍ່ຢາກໃຫ້ສະຖາ ນະການນີ້ ເຊິ່ງພວກເຮົາຈະຕົກເປັນຜູ້ຮັບຜິດຊອບ ໃນທັນທີທັນໃດ ຕໍ່ທຸກວຽກງານ ທີ່ພວກເຮົາເຮັດ ໃນທົ່ວໂລກນັ້ນ.”
ອ່ານຂ່າວນີ້ຕື່ມ ເປັນພາສາອັງກິດ
Your browser doesn’t support HTML5
US Congress Overrides Obama Veto of 9/11 Bill