ໂຄສົກກະຊວງຕ່າງປະເທດ ສະຫະລັດ ກ່າວວ່າ ສະຫລັດ
ບໍ່ຕ້ອງການຢາກເຫັນ ຣັດເຊຍ ສົ່ງ “ຫລັກສູດ” ໃນຊີເຣຍ
ເຂົ້າໄປໃຊ້ໃນອີຣັກ.
ທ່ານ Mark Toner ກ່າວໃນວັນອັງຄານວານນີ້ ຫລັງຈາກ
ສະມາຊິກສະພາ ຣັດເຊຍທ່ານນຶ່ງ ກ່າວວ່າ ມົສກູຈະພິຈາ
ລະນາ ຂະຫຍາຍການໂຈມຕີທາງອາ ກາດເຂົ້າໄປໃນອີຣັກ
ຖ້າຫາກໄດ້ຮັບຄຳຮ້ອງຂໍຢ່າງເປັນທາງການ ຈາກລັດຖະ
ບານອີຣັກ.
ອີງຕາມອົງການຂ່າວ Interfax ຂອງຣັດເຊຍ ປະທານສະ
ພາສະຫະພັນຣັດເຊຍ ທ່ານນາງ Valentina Matviyenko ກ່າວວ່າ ມົສກູ ຈະພິຈາລະນາ “ກ່ຽວກັບຄວາມເໝາະສົມທາງດ້ານການເມືອງ ແລະການທະຫານ” ໃນການເຂົ້າຮ່ວມ
ການປະຕິບັດງານໂຈມຕີທາງອາກາດ ໃນອີຣັກ.
ທ່ານນາງ Matviyenko ໄດ້ກ່າວໃນຂະນະທີ່ພົບປະກັບບັນດາເຈົ້າໜ້າທີ່ ຈໍແດນ ໃນ
ວັນອັງຄານວານນີ້. ທ່ານນາງກ່າວເພີ້ມເຕີມວ່າ ຣັດເຊຍ ຍັງບໍ່ທັນໄດ້ຮັບການຮ້ອງຂໍ
ຈາກອີຣັກເທື່ອ.
ທ່ານ Hakim al-Zamili ຫົວໜ້າຄະນະກໍາມະການປ້ອງກັນປະເທດ ແລະ ຄວາມໝັ້ນ
ຄົງ ຢູ່ໃນສະພາແຫ່ງຊາດອີຣັກ ກ່າວຕໍ່ອົງການຂ່າວຣອຍເຕີ້ໃນວັນພຸດມື້ນີ້ວ່າ ອີຣັກ
ອາດຈະຮ້ອງຂໍໃຫ້ຣັດເຊຍຊ່ວຍ ໃນໄລຍະສອງສາມມື້ຫຼືສອງສາມອາທິດຂ້າງໜ້ານີ້ ຂຶ້ນຢູ່ກັບຄວາມສຳເລັດຂອງຣັດເຊຍໃນຊີເຣຍ.
ໃນອາທິດແລ້ວນີ້ ນາຍົກລັດຖະມົນຕີອີຣັກ ທ່ານ Haider al-Abadi ກ່າວວ່າ ທ່ານພໍ
ໃຈ ທີ່ຈະພິຈາລະນາ ອະນຸຍາດໃຫ້ຣັດເຊຍ ປະຕິບັດງານທາງອາກາດໂຈມຕີເປົ້າໝາຍຂອງກຸ່ມລັດອິສລາມ ຢູ່ໃນປະເທດຂອງທ່ານ.
ຢູ່ໃນການໃຫ້ສຳພາດແກ່ໂທລະພາບ ຝຣັ່ງ 24 ທ່ານກ່າວວ່າ “ພວກເຮົາຄາດວ່າ ກຳລັງແນວໂຮມນາໆຊາດ ທີ່ນຳພາໂດຍອາເມຣິກັນ ຈະນຳເອົາກຳລັງທາງອາກາດອັນຍິ່ງ
ໃຫຍ່ເພື່ອມາປົກປ້ອງກຳລັງຂອງພວກເຮົາ.
ທ່ານໄດ້ກ່າວຢູ່ນອກກອງປະຊຸມສະມັດຊາໃຫຍ່ ສະຫະປະຊາຊາດວ່າ “ພວກເຮົາຍັງບໍ່
ທັນໄດ້ຮັບການປົກປ້ອງເທື່ອ”.
ທ່ານ Toner ກ່າວວ່າ ບັນດາເຈົ້າໜ້າທີ່ສະຫະລັດ ຕ້ອງການຢາກເຫັນຣັດເຊຍ ຫລີ້ນບົດ
ບາດ “ທີ່ສ້າງສັນ” ໃນການໂຈມຕີເປົ້າໝາຍກຸ່ມລັດອິສລາມ ໃນຊີເຣຍ. ທ່ານກ່າວເພີ້ມວ່າ
“ໃນຂອບເຂດທີ່ກວ້າງຂວາງແລ້ວພວກເຮົາຍັງບໍ່ໄດ້ເຫັນຫຍັງ ເທື່ອ.”
Your browser doesn’t support HTML5
Russia Syria