ກະຊວງການຕ່າງປະເທດສະຫະລັດ ກ່າວວ່າ ຂະບວນການຄ້າ
ມະນຸດ ທີ່ເກີດຂຶ້ນຢ່າງກວ້າງຂວາງ ແມ່ນຊ່ວຍເພີ້ມ ຄວາມຮັ່ງມີ
ຢ່າງຫຼວງຫຼາຍ ໃຫ້ແກ່ເສດຖະກິດຂອງໂລກ ໂດຍເຮັດໃຫ້ຫຼາຍ
ລ້ານຄົນ ຖືກສວຍໃຊ້ເອົາລັດເອົາປຽບ ໂດຍພວກໄຮ້ມະນຸດສະ
ທຳ ທີ່ກຳກັບເບິ່ງແຍງພວກກຳມະກອນ ແລະ ພວກຄ້າປະເວນີ
“ຢູ່ໃນເກືອບວ່າທຸກໆປະເທດໃນໂລກ.”
ຢູ່ໃນລາຍງານກ່ຽວ ກັບສິດທິມະນຸດ ປະຈຳປີດັ່ງກ່າວ ກະຊວງ
ການຕ່າງປະເທດ ເອີ້ນການສວຍໃຊ້ເອົາລັດເອົາປຽບດັ່ງກ່າວ
ວ່າ ເປັນ “ລະບົບຂ້າທາດແບບໃໝ່” ທີ່ທຳຮ້າຍທາລຸນພວກຍິງ
ສາວ ແລະ ແມ່ຍິງ ໃຫ້ກາຍເປັນໂສເພນີ ແລະ ບັງຄັບໃຫ້ພວກ
ຜູ້ຊາຍແມ່ຍິງແລະເດັກນ້ອຍ ໄປເຮັດວຽກທີ່ມີຄ່າຈ້າງຕ່ຳໃນທົ່ວໂລກ ແມ່ນກະທັງວ່າ ພວກ
ເຂົາເຈົ້າອາດບໍ່ໄດ້ຮັບຄ່າຈ້າງແຮງງານສຳຫລັບວຽກທີ່ພວກເຂົາເຈົ້າໄດ້ເຮັດໄປນັ້ນ.
ລັດຖະມົນຕີຕ່າງປະເທດສະຫະລັດ ທ່ານ John Kerry ກ່າວວ່າ ຂະບວນການຄ້າມະນຸດ ແລະ ລະບົບຂ້າທາດແບບໃໝ່ “ແມ່ນເປັນລະບົບອຸດສາຫະກຳ” ທີ່ມີມູນຄ່າ 150 ຕື້ໂດລາ
ຕໍ່ປີ. ທ່ານກ່າວອີກວ່າ ລາຍງານໃນປີນີ້ ແມ່ນເປັນການຮຽກຮ້ອງໃຫ້ດຳເນີນການແລະຊຸກ
ຍູ້ໃຫ້ບັນດາລັດຖະບານຕ່າງໆເສີມຄວາມເຂັ້ມແຂງແລະປະຕິບັດຕາມກົດໝາຍຂອງພວກ
ເຂົາຢ່າງເຂັ້ມງວດ.
ທ່ານ Kerry ເວົ້າວ່າ “ເຊັ່ນດຽວກັນກັບທຸກໆປະເທດ ພວກເຮົາມີຄວາມຮັບຜິດຊອບທີ່ຈະຕ້ອງໄດ້ເຮັດ ໃຫ້ດີກວ່ານີ້” ຢູ່ໃນສະຫະລັດ ເພື່ອປາບປາມ ການບັງຄັບໃຊ້ແຮງງານ ແລະ ການລັກລອບຄ້າປະ ເວນີ.
ລາຍງານກ່າວວ່າ “ຂະບວນການຄ້າມະນຸດ ແມ່ນບໍ່ມີພົມແດນ ແລະບໍ່ເຄົາລົບຕໍ່ກົດໝາຍໃດໆ. ມັນເກີດຂຶ້ນ ຢູ່ໃນລະບົບ ແລະ ນອກລະບົບ ຂອງຕະຫຼາດແຮງງານ ທີ່ເປັນອຸດສາ ຫະກຳ ທັງຖືກຕ້ອງຕາມກົດໝາຍ ແລະຜິດຕໍ່ກົດໝາຍ ທີ່ສົ່ງຜົນກະທົບຕໍ່ພວກຄົນງານທີ່
ມີຄວາມຮູ້ຄວາມສາມາດ ແລະບໍ່ມີຄວາມຮູ້ຄວາມສາມາດຈາກທຸກໆລະດັບການສຶກສາ.”