ສະຖານທູດ ສະຫະລັດ ໃນ ໄຕ້ຫວັນ ກ່າວໃນວັນພະຫັດມື້ນີ້ວ່າ ກິດຈະກຳທາງທະຫານຂອງ ຈີນ ໃນພາກພື້ນດັ່ງກ່າວກຳລັງເພີ່ມສູງຂຶ້ນໃນປັດຈຸບັນນີ້ ແຕ່ບໍ່ເຫັນວ່າກິດຈະກຳທີ່ວ່ານັ້ນຈະເປັນການຕອບໂຕ້ຕໍ່ການຢ້ຽມຢາມ ສະຫະລັດ ຂອງປະທານາທິບໍດີ ລາຍ ຈິງ ເຕ ເມື່ອບໍ່ດົນມານີ້.
ທ່ານ ລາຍ, ຜູ້ທີ່ ຈີນ ກ່າວວ່າເປັນ “ນັກແບ່ງແຍກດິນແດນ,” ໄດ້ເດີນທາງກັບບ້ານຈາກການເດີນທາງໄປພາກພື້ນມະຫາສະໝຸດປາຊີຟິກເມື່ອວັນສຸກທີ່ຜ່ານມາ, ໃນລະຫວ່າງນັ້ນທ່ານໄດ້ເຮັດສິ່ງທີ່ເປັນການຢຸດແວ່ຢ່າງເປັນທາງການໃນລັດ ຮາວາຍ ແລະ ເກາະ ກວາມ ທີ່ເປັນດິນແດນຂອງ ສະຫະລັດ.
ກະຊວງປ້ອງກັນປະເທດຂອງ ໄຕ້ຫວັນ ເມື່ອວັນຈັນທີ່ຜ່ານມາໄດ້ປະກາດແຈ້ງເຕືອນ ຫຼັງຈາກມີລາຍງານ ກ່ຽວກັບ ການເພີ່ມຂຶ້ນໃນກິດຈະກຳທາງທະຫານຢ່າງຫຼວງຫຼາຍຂອງ ຈີນ, ທັງຢູ່ອ້ອມເກາະ ແລະ ກວ້າງອອກໄປໃນທະເລຈີຕາເວັນອອກ ແລະ ໃຕ້.
ໂຄສົກສະຖາບັນ ອາເມຣິກັນ ໃນ ໄຕ້ຫວັນ ກ່າວວ່າເຂົາເຈົ້າໄດ້ສືບຕໍ່ຕິດຕາມດ້ວຍຄວາມເປັນຫ່ວງໃນກິດຈະກຳທາງທະຫານຂອງ ຈີນ ໃກ້ເກາະ ໄຕ້ຫວັນ ແລະ ໃນພາກພື້ນ.
ເຂົາເຈົ້າໄດ້ກ່າວ, ໂດຍອ້າງເຖິງສາທາລະນະລັດປະຊາຊົນ ຈີນ ວ່າ “ເຖິງແມ່ນ ສປ ຈີນ ຈະບໍ່ໄດ້ປະກາດການຊ້ອມທະຫານ “ດາບຮ່ວມ” ໃນການຕອບໂຕ້ຕໍ່ການຢຸດແວ່ຂອງປະທານາທິບໍດີ ລາຍ ກໍຕາມ, ກິດຈະກຳຂອງກອງທັບ ສປ ຈີນ ກໍໄດ້ເພີ່ມຂຶ້ນຢູ່ໃນພາກພື້ນ, ເຊິ່ງສອດຄ່ອງກັບລະດັບທີ່ພວກເຮົາໄດ້ເຫັນໃນລະຫວ່າງການຊ້ອມລົບຂະໜາດໃຫຍ່ອື່ນໆ.”
ຈີນ ໄດ້ຈັດການຊ້ອມລົບສອງຮອບຢູ່ອ້ອມ ໄຕ້ຫວັນ ໃນປີນີ້ຊື່ວ່າ “ດາບຮ່ວມ-2024A” ແລະ “ດາບຮ່ວມ- 2024B,” ເຊິ່ງຄັ້ງສຸດທ້າຍແມ່ນໃນເດືອນຕຸລາ. ກອງທັບຂອງເຂົາເຈົ້າບໍ່ໄດ້ທຳການປະກາດ ກ່ຽວກັບ ການຊ້ອມລົບໃດໆທີ່ເກີດຂຶ້ນໃນປັດຈຸບັນນີ້.
ໂຄສົກ ສະຫະລັດ ໄດ້ກ່າວຕື່ມວ່າ “ກິດຈະກຳທີ່ເພີ່ມຂຶ້ນໃນທະເລຈີນຕາເວັນອອກ ແລະ ທະເລຈີນໃຕ້ ມີຂຶ້ນລຸນຫຼັງການຂະຫຍາຍທ່າທີທາງທະຫານທີ່ກວ້າງຂວາງອອກຂອງກອງທັບປົດປ່ອຍປະຊາຊົນ ແລະ ການຊ້ອມທະຫານໃນຫຼາຍປີທີ່ຜ່ານມາ. ດ້ວຍເຫດນັ້ນ, ພວກເຮົາຈຶ່ງບໍ່ໄດ້ເຫັນກິດຈະກຳທີ່ກວ້າງອອກນີ້ເປັນການຕອບໂຕ້ຕໍ່ການຢຸດແວ່ຂອງປະທານາທິບໍດີ ລາຍ.”
ກອງທັບຂອງ ຈີນ ມີຊື່ວ່າ ກອງທັບປົດປ່ອຍປະຊາຊົນ.
ແຫຼ່ງຂ່າວດ້ານຄວາມໝັ້ນຄົງໄດ້ກ່າວວ່າ ຈີນ ສາມາດຈັດການຝຶກຊ້ອມຮອບໃໝ່ ໃຫ້ເກີດຂຶ້ນພ້ອມການຢ້ຽມຢາມພາກພື້ນມະຫາສະໝຸດປາຊີຟິກຂອງທ່ານ ລາຍ, ແລະ ຍັງໄດ້ສົ່ງຂໍ້ຄວາມເຖິງລັດຖະບານທ່ານ ທຣຳ ທີ່ໃກ້ຈະເຂົ້າມາ ກ່ຽວກັບ “ເສັ້ນສີແດງ” ຂອງ ຈີນ ດ້ວຍ.
ອ່ານຂ່າວນີ້ເປັນພາສາອັງກິດ
TAIPEI, Dec 12 (Reuters) - The de facto U.S. embassy in Taiwan said on Thursday that Chinese military activity in the region is currently elevated but it did not see that wider activity as a response to President Lai Ching-te's recent U.S. visit.
Lai, who China detests as a "separatist", returned from a trip to the Pacific last Friday, during which he made what are officially transits in Hawaii and the U.S. territory of Guam.
Taiwan's defence ministry on Monday went on the alert after reporting a large rise in Chinese military activity, both around the island and more broadly in the East and South China Seas.
A spokesperson for the American Institute in Taiwan said it continued to monitor with concern Chinese military activity near Taiwan and in the region.
"Although the PRC has not announced a 'Joint Sword' military exercise in response to President Lai's transit, PRC military activity is elevated in the region, consistent with levels we have seen during other large exercises," it said, referring to the People's Republic of China.
China has held two round of war games around Taiwan so far this year, "Joint Sword-2024A" and "Joint Sword-2024B", the last one being in October. Its military has made no announcement about any drills currently taking place.
"The elevated activity in the East China Sea and South China Sea follows a broader increase in the PLA's military posture and military exercises over the last several years. With that said, we do not see this wider activity as a response to President Lai's transit," the U.S. spokesperson added.
China's military is called the People's Liberation Army.
Security sources had said China could stage new drills to coincide with Lai's Pacific visit, and also to send a message to the incoming Trump administration about China's "red lines".