ກະຊວງການເງິນສະຫະລັດກ່າວວ່າ ໃນວັນພະຫັດວານນີ້ ສະຫະລັດໄດ້ທຳການລົງ
ໂທດຮອບໃໝ່ ຕໍ່ເກົ້າບໍລິສັດ ແລະສາມສ່ວນບຸກຄົນ ທີ່ສົງໄສມີການພົວພັນກັບໂຄງ
ການລູກສອນໄຟຂອງເກົາຫລີເໜືອ.
ການເອົາມາດຕະການໃນວັນພະຫັດວານນີ້ ຈະຂັດຂວາງບໍ່ໃຫ້ສ່ວນບຸກຄົນແລະບໍລິ
ສັດຕ່າງໆ ຮວມທັງສອງບໍລິສັດຂອງຣັດເຊຍ ບໍ່ໃຫ້ເຮັດທຸລະກິດກັບ ຄົນສັນຊາດສະ
ຫະລັດ ແລະຈະກັກຊັບສິນຕ່າງໆທີ່ເຂົາເຈົ້າມີຢູ່ໃນສະຫະລັດ.
ການເຄື່ອນໄຫວນີ້ ມີຂຶ້ນໃນຂະນະທີ່ສະຫະລັດ ພວມດິ້ນລົນຫາທາງທີ່ຈະຄວບຄຸມໂຄງການອາວຸດນິວເຄລຍ ແລະລູກສອນໄຟຂອງເກົາຫລີເໜືອ ແລະຫລັງຈາກທີ່ປະເທດດັ່ງກ່າວໄດ້ຍິງລູກສອນໄຟຂີປະນາວຸດສອງລູກໃນອາທິດແລ້ວນີ້.
ການລົງໂທດໃນວັນພະຫັດວານນີ້ ແມ່ນຮວມທັງສອງບໍລິສັດຂອງຣັດເຊຍ ຄືບໍລິສັດ
Ardis-Bearings LLC ແລະບໍລິສັດ Independence Petroleum ທີ່ໄດ້ຖືກຈັດຊື່
ເຂົ້າໃນບັນຊີດຳ ຍ້ອນເປັນຜູ້ສະໜອງນໍ້າມັນ ແລະຊິ້ນສ່ວນອຸບປະ ກອນລູກສອນໄຟ
ໃຫ້ແກ່ເກົາຫຼີເໜືອ.
ທ່ານ Sergei Ryabkov ຮອງລັດຖະມົນຕີຕ່າງປະເທດ ສະຫະພັນຣັດເຊຍ ກ່າວຢູ່ທີ່ສະຫະປະຊາຊາດ ວັນທີ 4 ພຶດສະພາ 2010.
ທ່ານ John Smith ຜູ້ອຳນວຍການຫ້ອງການຄວບຄຸມຊັບສິນຕ່າງປະເທດ ກະຊວງ
ການເງິນສະຫະລັດ ກ່າວວ່າ “ກະຊວງການເງິນກຳລັງປະຕິບັດງານກັບພັນທະມິດ
ຂອງພວກເຮົາ ເພື່ອຮັບມືກັບເຄືອຂ່າຍທີ່ຊ່ວຍໃຫ້ເກົາຫລີເໜືອສ້າງຄວາມບໍ່ທຸ່ນທ່ຽງ
ແລະພວກເຮົາຂໍຮຽກຮ້ອງ ໃຫ້ພາຄີຂອງພວກເຮົາເອົາບາດກ້າວແບບດຽວກັນນີ້ເພື່ອ
ຕັດແຫລ່ງທຶນຂອງເຂົາເຈົ້າ.”
ລົດບັນທຸກກຳລັ'ແລ່ນຂ້າມຂົວ ທີ່ເຊື່ອມຕໍ່ລະຫວ່າງ ເກົາຫລີເໜືອ ແລະຈີນ.
ຕໍ່ມາໃນວັນພະຫັດວານນີ້ ສະຫະລັດແລະບັນດານັກການທູດຈີນ ກໍຄາດວ່າຈະຂໍຮ້ອງ
ໃຫ້ສະພາຄວາມໝັ້ນຄົງສະຫະປະຊາຊາດ ທຳການລົງໂທດເພີ່ມຕື່ມ ຕໍ່ສ່ວນບຸກຄົນ
ແລະບັນດາບໍລິສັດ ທີ່ພົວພັນກັບໂຄງການລູກສອນໄຟຂອງປະເທດດັ່ງກ່າວ.ພ້ອມໆ
ກັບການລົງໂທດນັ້ນ ປະທານາທິບໍດີ ດໍໂນລ ທຣໍາ ໄດ້ສົ່ງກຳປັ່ນຂອງ ກອງທັບເຮືອໄປ
ຍັງເຂດນ່ານນໍ້າ ນອກຝັ່ງແຫລມເກົາຫຼີ ແລະເຂົ້າຮ່ວມຊ້ອມລົບ ກັບເກົາຫລີໃຕ້ ເພື່ອ
ເປັນການເຕືອນ.