ສະຫະລັດ ໄດ້ປະກາດມາດຕະການລົງໂທດໃໝ່ຕໍ່ ອີຣ່ານ ໃນວັນອັງຄານວານນີ້, ກ່ຽວກັບ ການສະໜອງລູກສອນໄຟຂອງ ອີຣ່ານ ໃຫ້ ຣັດເຊຍ ເພື່ອໃຊ້ໃນການບຸກລຸກ ຢູເຄຣນ ຂອງ ມົສກູ. ເຮັນຣີ ຣິດຈແວລ ມີລາຍງານຈາກນະຄອນຫຼວງ ລອນດອນ, ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ສະຫະລັດ ວາງມາດຕະການລົງໂທດຕໍ່ ອີຣ່ານ ຍ້ອນການສະໜອງລູກສອນໄຟ ຂີປະນາວຸດໃຫ້ ຣັດເຊຍ
ອີຣ່ານ ໄດ້ສະໜອງໂດຣນໃຫ້ ຣັດເຊຍ ທີ່ສ້າງຄວາມຫາຍະນະໃຫ້ເມືອງຕ່າງໆຂອງ ຢູເຄຣນ ເປັນເວລາດົນນານແລ້ວ.
ການພົບປະລະຫວ່າງລັດຖະມົນຕີຕ່າງປະເທດ ອັງກິດ ທ່ານ ເດວິດ ແລມມີ ກັບລັດຖະມົນຕີການຕ່າງປະເທດ ສະຫະລັດ ໃນນະຄອນຫຼວງ ລອນດອນ ເມື່ອວັນອັງຄານວານນີ້ໄດ້ຢືນຢັນວ່າ ລັດຖະບານ ເຕຫະຣ່ານ ໄດ້ເລີ່ມສະໜອງລູກສອນໄຟຂີປະນາວຸດໄປໃຫ້ ມົສກູ.
ທ່ານ ແອນໂທນີ ບລິງເຄັນ ລັດຖະມົນຕີການຕ່າງປະເທດ ສະຫະລັດ ກ່າວວ່າ “ຄວາມຄືບໜ້ານີ້, ແລະ ການຮ່ວມມືທີ່ກຳລັງເຕີບໂຕຂຶ້ນລະຫວ່າງ ຣັດເຊຍ ແລະ ອີຣ່ານ, ໄດ້ເປັນໄພຂົ່ມຂູ່ຕໍ່ຄວາມໝັ້ນຄົງຂອງ ຢູໂຣບ ແລະ ໄດ້ສະແດງໃຫ້ເຫັນອິດທິພົນທີ່ສ້າງຄວາມບໍ່ໝັ້ນຄົງຂອງ ອີຣ່ານ ໄດ້ແຜ່ອອກໄປໄກກວ່າເຂດຕາເວັນອອກກາງ. ສຳລັບພາກສ່ວນຂອງເຂົາເຈົ້າ, ຣັດເຊຍ ແມ່ນໄດ້ແບ່ງປັນເທັກໂນໂລຈີທີ່ ອີຣ່ານ ກຳລັງຊອກຫາ. ນີ້ແມ່ນຖະໜົນທີ່ມີເສັ້ນທາງສວນກັນ, ລວມທັງບັນຫາດ້ານນິວເຄລຍ, ພ້ອມກັບຂໍ້ມູນ ກ່ຽວກັບ ອະວະກາດຈຳນວນນຶ່ງ.”
ທ່ານ ບລິງເຄັນ ໄດ້ປະກາດມາດຕະການໃໝ່ຕໍ່ລັດຖະບານ ເຕຫະຣ່ານ.
ທ່ານ ແອນໂທນີ ບລິງເຄັນ ກ່າວວ່າ “ສະຫະລັດ ຈະປະກາດມາດຕະການໃໝ່ຕໍ່ ອີຣ່ານ ໃນແລງຂອງມື້ນີ້, ລວມທັງມາດຕະການເພີ່ມເຕີມຕໍ່ສາຍການບິນ Iran Air.”
ນອກຈາກມາດຕະການເພີ່ມເຕີມຕໍ່ສາຍການບິນ Iran Air ແລ້ວ, ສະຫະລັດ ແມ່ນກຳລັງວາງມາດຕະການລົງໂທດຕໍ່ບຸກຄົນຕ່າງໆ, ທຸລະກິດ ແລະ ກຳປັ່ນທີ່ມີສ່ວນຮ່ວມໃນການຂົນສົ່ງອາວຸດຂອງ ອີຣ່ານ ໄປໃຫ້ ຣັດເຊຍ.
ວັງ ເຄຣັມລິນ ໄດ້ຢືນຢັນວ່າ ເຕຫະຣ່ານ ແມ່ນກຳລັງຮ່ວມມືກັບ ມົສກູ ໃນຂົງເຂດທີ່ມີຄວາມລະອຽດອ່ອນເປັນຢ່າງສູງ ໂດຍປາສະຈາກການລະບຸເຖິງອາວຸດທີ່ສະເພາະເຈາະຈົງ.
ທ່ານ ດິມິທຣີ ເປັສກອຟ ແມ່ນໂຄສົກຂອງວັງ ເຄຣັມລິນ.
ທ່ານ ດິມິທຣີ ເປັສກອຟ ກ່າວວ່າ “ອີຣ່ານ ແມ່ນຄູ່ຮ່ວມມືທີ່ສຳຄັນຂອງພວກເຮົາ. ພວກເຮົາແມ່ນກຳລັງພັດທະນາການຮ່ວມມືຂອງພວກເຮົາ ແລະ ການສົນທະນາໃນທຸກຂົງເຂດທີ່ເປັນໄປໄດ້, ລວມທັງອັນທີ່ມີຄວາມລະອຽດອ່ອນທີ່ສຸດ.”
ທ່ານ ບລິງເຄັນ ແລະ ທ່ານ ແລມມີ ໄດ້ກ່າວວ່າ ມັນມັນ “ຊ່ວງເວລາທີ່ສຳຄັນ” ເພື່ອສະໜັບສະໜູນ ຢູເຄຣນ. ທັງສອງທ່ານແມ່ນມີກຳນົດທີ່ຈະເດີນທາງໄປນະຄອນຫຼວງ ກີຢິບ ນຳກັນໃນອາທິດນີ້.
ປະທານາທິບໍດີ ຢູເຄຣນ ທ່ານ ໂວໂລດີເມຍ ເຊເລັນສກີ ແມ່ນມີຄວາມເປັນໄປໄດ້ວ່າຈະກົດດັນພັນທະມິດຕາເວັນຕົກ ເພື່ອອະນຸຍາດໃຫ້ ຢູເຄຣນ ໃຊ້ລູກສອນໄຟໄລຍະໄກຂອງເຂົາເຈົ້າຕໍ່ເປົ້າໝາຍຢູ່ໃນ ຣັດເຊຍ, ກ່າວໂດຍນັກວິເຄາະທ່ານ ກາເຣັດ ມາຕິນ.
ທ່ານ ກາເຣັດ ມາຕິນ, ຈາກມະຫາວິທະຍາໄລ ອາເມຣີກັນກ່າວວ່າ “ໂດຍທົ່ວໄປແລ້ວ, ສະຫະຣາຊະອານາຈັກ ແມ່ນມັກຈະຢູ່ແຖວໜ້າຫຼາຍກວ່າ ບາງເທື່ອອາດຕະເປັແນວໜ້າໃນການສະໜັບສະໜູນ ຢູເຄຣນ ຫຼາຍກວ່າ. ດັ່ງນັ້ນຄຳຖາມກໍຄື ໂດຍສະເພາະຢ່າງຍິ່ງ ຖ້າຫາກເຈົ້າກຳລັງຄິດເຖິງການໂຕ້ຖຽງ ກ່ຽວກັບ ການໂຈມຕີໄລຍະໄກນັ້ນ, ພວກເຂົາເຈົ້າສາມາດສະແດງຈຸດຢືນທີ່ຄ້າຍຄືກັນໄດ້ຫຼືບໍ່?
ນາຍົກລັດຖະມົນຕີ ອັງກິດ ທ່ານ ເຄຍ ສຕາເມີ ແມ່ນມີກຳນົດທີ່ຈະຢ້ຽມຢາມປະທານາທິບໍດີ ສະຫະລັດ ທ່ານ ໂຈ ໄບເດັນ ໃນນະຄອນຫຼວງ ວໍຊິງຕັນ ວັນສຸກນີ້, ດ້ວຍ ຢູເຄຣນ ແລະ ເຂດຕາເວັນອອກກາງ ແມ່ນຫົວຂໍ້ສູງສຸດໃນວາລະແຜນການພົບປະກັນ.
ໃນອາທິດທີ່ຜ່ານມາ, ອັງກິດ ໄດ້ປະກາດການຫ້າມຂາຍອາວຸດບາງປະເພດໃຫ້ ອິສຣາແອລ ຍ້ອນຄວາມເປັນຫ່ວງວ່າການກະທຳຂອງເຂົາເຈົ້າໃນເຂດ ກາຊາ ໄດ້ລະເມີດກົດໝາຍມະນຸດສະທຳ, ເຊິ່ງ ອິສຣາແອລ ໄດ້ປະຕິເສດ. ສະຫະລັດ ແມ່ນໄດ້ສືບຕໍ່ສະໜອງອາວຸດ ແລະ ເວົ້າວ່າເຂົາເຈົ້າບໍ່ເຊື່ອວ່າ ອິສຣາແອລ ໄດ້ລະເມີດກົດໝາຍສາກົນ.
ອ່ານຂ່າວນີ້ເປັນພາສາອັງກິດ
Iran has long supplied Russia with drones that wrought devastation on Ukrainian cities.
Meeting British Foreign Secretary David Lammy in London Tuesday, U.S. Secretary of State Antony Blinken confirmed that Tehran had begun supplying ballistic missiles to Moscow.
“This development, and the growing cooperation between Russia and Iran, threatens European security and demonstrates how Iran's destabilizing influence reaches far beyond the Middle East. For its part, Russia is sharing technology that Iran seeks. This is a two-way street, including on nuclear issues, as well as some space information.”
Blinken announced new measures against Tehran.
“The United States will be announcing further sanctions on Iran later today, including additional measures on Iran Air.”
In addition to Iran Air, the U.S. is sanctioning individuals, businesses and vessels involved in the transfer of Iranian weapons to Russia.
The Kremlin confirmed that Tehran is cooperating with Moscow in highly sensitive areas without specifically identifying particular weapons.
Dmitry Peskov is the Kremlin spokesman.
“Iran is our important partner; we are developing our cooperation and dialogue in all possible areas, including the most sensitive ones.”
Blinken and Lammy said it was a “critical moment” to support Ukraine. The two are due to travel together to Kyiv this week.
Ukrainian President Volodymyr Zelenskyy will likely push for the Western allies to allow Ukraine to use their long-range missiles on targets inside Russia, says analyst Garret Martin.
“Generally, the U.K. has been often more at the forefront, maybe more at the vanguard of being more supportive of Ukraine. So, it's a question here — especially if you're thinking about the debates over long-range strikes — are they able now to come up on a sort of similar position?”
British Prime Minister Keir Starmer is due to visit U.S. President Joe Biden in Washington Friday, with Ukraine and the Middle East topping the agenda.
Last week, Britain announced the suspension of some arms sales to Israel over concerns its actions in Gaza breach humanitarian law, which Israel denies.
The U.S. is continuing to supply weapons and says it does not believe Israel is breaking international law.