ເວັບໄຊທ໌ນຶ່ງຂອງລັດຖະບານສະຫະລັດ ໄດ້ພິມເຜີຍແຜ່ ໃນອັນທີ່ເອີ້ນວ່າ
ເປັນຮູບພາບຫລັກຖານຂອງຂຸມຝັງສົບໃນການສັງຫານໝູ່ ແລະການໂຈມຕີ
ຕໍ່ເຂດທີ່ມີພົນລະເຮືອນຢູ່ ຂອງກໍາລັງລັດຖະບານຊີເຣຍ.
ເວັບໄຊທ໌ humanright.gov ທີ່ຄວບຄຸມໂດຍກະຊວງການຕ່າງປະເທດສະຫະລັດ
ໄດ້ເຜີຍແຜ່ຮູບພາບທາງດາວທຽມດັ່ງກ່າວ ໃນວັນສຸກວານນີ້.
ຫລາຍກວ່າ 100 ຄົນ ໄດ້ຖືກສັງຫານໝູ່ ຢູ່ໃນເມືອງ Houla ໃນວັນທີ 25 ພຶດສະ
ພາຜ່ານມານີ້ຊຶ່ງເກືອບເຄິ່ງນຶ່ງແມ່ນເປັນພວກເດັກນ້ອຍ. ການສັງຫານດັ່ງກ່າວ
ໄດ້ສ້າງຄວາມໂກດແຄ້ນຢ່າງກວ້າງຂວາງ ຊຶ່ງບັນດາຜູ້ນໍານັກການທູດບາງທ່ານ
ໄດ້ຮຽກຮ້ອງໃຫ້ນາໆຊາດ ຈັດຕັ້ງກຳລັງປະສົມຂຶ້ນເພື່ອໂຄ່ນລົ້ມປະ ທານາທິບໍດີ
ຊີເຣຍ ທ່ານ Bashar al-Assad.
ເອກອັກຄະລັດຖະທູດສະຫະລັດປະຈຳຊີເຣຍ ທ່ານ Rpbert Ford ກ່າວຢູ່ໃນ
ຖະແຫຼງຂ່າວສະບັບນຶ່ງ ທີ່ພິມເຜີຍແຜ່ໂດຍເວັບໄຊທ໌ວ່າ ການໂຈມຕີຂອງຊີເຣຍ ທີ່
ເມຶືອງ Houla “ເປັນການຟ້ອງຮ້ອງທີ່ຈະແຈ້ງທີ່ສຸດ” ຕໍ່ອຳນາດການປົກຄອງ ຂອງ
ຊີເຣຍ ມາເທົ້າເຖິງດຽວນີ້.
ຫົວໜ້າດ້ານສິດທິມະນຸດຂອງອົງການສະຫະປະຊາຊາດໄດ້ຮຽກຮ້ອງໃຫ້ມີການ
ສືບສວນຢ່າງເປັນອິດສະຫຼະ ໃນການສັງຫານໝູ່ຢູ່ເມືອງ Houla. ທ່ານນາງ Navi
Pillay ກ່າວວ່າ ລັດຖະບານຊີເຣຍ ຄວນໃຫ້ການຮ່ວມມືຢ່າງເຕັມທີ່ແກ່ ບັນດາຜູ້ສືບ
ສວນ ເພື່ອຊອກຫາໃນອັນທີ່ອາດຈະເປັນອາຊະຍາກໍາຕ້ານມະນຸດ ຊາດ.
ໃນວັນສຸກວານນີ້ ບັນດານັກເຄື່ອນໄຫວຊີເຣຍໄດ້ລາຍງານວ່າ ມີການສັງຫານພົນ
ລະເຮືອນອີກ 12 ຄົນ.