ຈາກຕົ້ນໝາກເຊີຣີ ໄປສູ່ການປ້ອງກັນຮ່ວມກັນ, ສະຫະລັດ ແລະ ຍີ່ປຸ່ນ ໄດ້ສະຫຼອງການເປັນພັນທະມິດທີ່ຍາວຫຼາຍທົດສະວັດຂອງພວກເຂົາເຈົ້າໃນວັນ ພຸດວານນີ້, ໃນຂະນະທີ່ປະທານາທິບໍດີສະຫະລັດ ທ່ານໂຈ ໄບເດັນ ຈັດການ ຕ້ອນຮັບນາຍົກລັດຖະມົນຕີຍີ່ປຸ່ນ ທ່ານຟູມິໂອະ ກິຊິດະ ຢູ່ທີ່ທຳນຽບຂາວ ສໍາລັບການຢ້ຽມຢາມຢ່າງເປັນທາງການ ແລະງານລ້ຽງອາຫານຄ່ຳຂອງລັດຖະ ບານ.
ຜູ້ນຳທັງສອງ ໄດ້ປະກາດຂໍ້ລິເລີ້ມໃໝ່ກ່ຽວກັບເທັກໂນໂລຈີ ແລະດ້ານຄວາມ ໝັ້ນຄົງ, ລວມທັງການຍົກລະດັບການຈັດການບັນຊາ ແລະຄວບຄຸມຂອງພັນ ທະມິດ ສຳລັບກອງກຳລັງຂອງສະຫະລັດ ແລະ ຍີ່ປຸ່ນ, ການລົງທຶນ ແລະການ ຮ່ວມມືອັນໃໝ່ໃນດ້ານອະວະກາດ, ປັນຍາປະດິດ, ໜ່ວຍພະລັງງານ ຄວານທຳ (quantum), ເຊມີຄອນດັກເຕີ້ (semiconductors) ແລະດ້ານພະລັງງານ ສະອາດ.
ປະທານາທິບໍດີ ໂຈ ໄບເດັນ ແລະ ນາຍົກລັດຖະມົນຕີຍີ່ປຸ່ນ ທ່ານຟູມິໂອະ ກິຊິດະ ພາກັນຟັງເພງຊາດ ໃນລະຫວ່າງພິທີການຕ້ອນຮັບຢ່າງເປັນທາງການ ຢູ່ບໍລິເວນສວນກໍ້າໃຕ້ຂອງທໍານຽບຂາວ, ວັນທີ 10 ເມສາ 2024.
ແຕ່ເປົ້າໝາຍອັນສໍາຄັນທີ່ສຸດ ແມ່ນສຸມໃສ່ການປ້ອງກັນທາງທະຫານ ເພື່ອເພີ້ມທະວີການຮ່ວມມືທາງທະເລຢູ່ໃນຂົງເຂດທະເລຈີນໃຕ້, ເຊັ່ນດຽວກັບການປ້ອງກັນທາງອາກາດ.
ທ່ານ ໄບເດັນ ກ່າວວ່າ “ເປັນຄັ້ງທຳອິດ, ທີ່ ຍີ່ປຸ່ນ, ສະຫະລັດ ແລະ ອອສເຕຣເລຍ ຈະພາກັນສ້າງລະບົບເຄືອຂ່າຍກ່ຽວກັບລູກສອນໄຟທາງອາກາດ ແລະໂຄງສ້າງກ່ຽວກັບການປ້ອງກັນ.”
ຜູ້ນຳທັງສອງ ໄດ້ລົງນາມໃນຂໍ້ຕົກລົງສໍາລັບການສະໜອງຍານສຳຫຼວດ ເພື່ອ ສະໜັບສະໜຸນນັກບິນອາວະກາດທີ່ກໍາລັງປະຕິບັດງານກ່ຽວກັບດວງຈັນໃຫ້ແກ່ ຍີ່ປຸ່ນ. ສະຫະລັດ ຈະຈັດສັນໂອກາດໃຫ້ແກ່ ຍີປຸ່ນ ໃນການສົ່ງນັກບິນນັກບິນອະວະກາດສອງຄົນຂຶ້ນສູ່ພື້ນດວງຈັນ ສໍາລັບພາລະກິດຂອງອາທີມິສໃນ ອະນາຄົດ.
ທ່ານ ໄບເດັນ ກ່າວວ່າ ນຶ່ງໃນນັກບິນອະວະກາດຊາວຍີ່ປຸ່ນເຫຼົ່ານັ້ນ “ຈະກາຍ ມາເປັນຄົນທຳອິດທີ່ບໍ່ແມ່ນຄົນສັນຊາດອາເມຣິກັນ ທີ່ໄດ້ລົງຈອດຢູ່ເທິງດວງ ຈັນ.”
Your browser doesn’t support HTML5
Biden, Kishida bolster defense ties in Japanese PM's official US visit
ທ່ານ ໄບເດັນ ຮ້ອງ ທ່ານ ກິຊິດະ ວ່າ "ເປັນຜູ້ນໍາທີ່ມີວິໄສທັດ ແລະກ້າຫານ" ສໍາລັບຂັ້ນຕອນທີ່ທ່ານໄດ້ປະຕິບັດ ເພື່ອສະຫນັບສະຫນຸນຢູເຄຣນ ໃນການຕໍ່ ສູ້ຕ້ານການຮຸກຮານຂອງ ຣັດເຊຍ. ທ່ານໄດ້ສະແດງຄວາມຊົມເຊີຍຕໍ່ການຜັກດັນຂອງ ທ່ານ ກິຊິດະ ເພື່ອຊຸກຍູ້ຄວາມອາດສາມາດດ້ານຄວາມໝັ້ນຄົງຂອງຍີ່ປຸ່ນ.