ທ່ານມິດ ຣອມນີ ຜູ້ຫວັງຄວ້າຕໍາແໜ່ງປະທານາທິບໍດີຂອງພັກຣີພັບບລີກັນ ກໍາລັງຫັນຄວາມສົນໃຈຂອງທ່ານ ໄປຍັງການເລືອກຕັ້ງທົ່ວປະເທດ ໃນເດືອນພະຈິກທ້າຍປີນີ້ ແລະປະທານາທິບໍດີ ບາຣັກ ໂອບາມາ ຫລັງຈາກໄດ້ຮັບການຄໍ້າປະກັນທີ່ສົມບູນໃນການຖືກແຕ່ງຕັ້ງໃຫ້ເປັນຜູ້ຕາງໜ້າພັກເຂົ້າແຂ່ງຂັນເອົາຕຳແໜ່ງປະທານາທິບໍດີຈາກໄຊຊະນະໃນການເລືອກຕັ້ງຂັ້ນຕົ້ນຢູ່ໃນຫ້າລັດເມື່ອວັນອັງຄານວານນີ້.
ທ່ານ ຣອມນີ ໄດ້ຊະນະຢ່າງງ່າຍດາຍໃນຫ້າລັດທາງພາກຕາເວັນອອກ ສຽງເໜືອຂອງສະຫະລັດປະກອບດ້ວຍ ລັດ Connecticut, Delaware, Rhode Island, Pennsylvania ແລະລັດ New York. ໃນຄໍາປາໄສຮັບໄຊຊະນະທີ່ລັດ New Hampshire ນັ້ນ ທ່ານມິດ ຣອມນີ ບອກພວກສະໜັບສະໜຸນທ່ານວ່າ ປະທານາທິບໍດີໂອບາມາ ບໍ່ສາມາດກອບກູ້ເສດຖະກິດຂອງປະເທດຊາດ ທີ່ໄດ້ລົ້ມລຸກຄຸກຄານ ຍ້ອນສະພາວະການວ່າງງານໃນລະດັບສູງຢ່າງຊໍາເຮື້ອມາ ນັບຕັ້ງແຕ່ເກີດສະພາວະຖົດຖອຍ ທົ່ວໂລກເມື່ອປີ 2008 ນັ້ນ. ທ່ານຣອມນີປະກາດວ່າ ອາເມຣິກາທີ່ດີຂຶ້ນ ແມ່ນເລິ່ມຕົ້ນ ໃນຄໍ່າຄືນນີ້ແລ້ວ.
ທ່ານມິດ ຣອມນີອະດີດຜູ້ວ່າການລັດ Massachusetts ກໍາລັງອ້າງເອົາ ການຖືກແຕ່ງຕັ້ງເປັນຜູ້ສະມັກປະທານາທິບໍດີຂອງພັກແລ້ວ ຫລັງຈາກລະ ດູການເລືອກຕັ້ງຂັ້ນຕົ້ນ ທີ່ດຳເນີນມາເປັນເວລາດົນນານແລ້ວນັ້ນ. ເສັ້ນທາງຂອງທ່ານຣອມນີໄປສູ່ການຖືກສະເໜີຊື່ໃຫ້ເປັນຜູ້ຕາງໜ້າຂອງພັກນັ້ນ ເປັນໄປຢ່າງແຈ້ງຂາວແລ້ວ ເວລາຄູ່ແຂ່ງຄົນສໍາຄັນຂອງທ່ານຄືອະດີດສະ ມາຊິກສະພາສູງ Rick Santorum ໄດ້ຖອນອອກຈາກການແຂ່ງຂັນເມື່ອສອງອາທິດຜ່ານມາ.
| Gingrich | Paul | Romney | Santorum* | Reporting | |
|---|---|---|---|---|---|
|
Source: AP |
*Campaign suspended | ||||
| Delaware | 27.1% | 10.6% | 56.5% | 5.9% | 100% |
| Rhode Island | 6.1% | 23.9% | 63.2% | 5.7% | 100% |
| Pennsylvania | 10.5% | 13.2% | 58.0% | 18.3% | 99% |
| Connecticut | 10.3% | 13.5% | 67.4% | 6.9% | 99% |
| New York | 12.9% | 15.7% | 62.4% | 9.0% | 93% |