ທີ່ປຶກສາດ້ານຄວາມໝັ້ນຄົງແຫ່ງຊາດ ຂອງຮອງປະທານາທິບໍດີ
ສະຫະລັດ ທ່ານ ໂຈ ບາຍເດັນ ກ່າວໃນວັນອັງຄານວານນີ້ ວ່າ
ເຖິງແມ່ນວ່າ ຝ່າຍຄ້ານໄດ້ພະຍາຍາມຢ່າງທີ່ສຸດ ທີ່ຈະປະນາມ
ຂໍ້ຕົກລົງນິວເຄລຍອີຣ່ານ ວ່າບໍ່ດີ ກໍຕາມ ແຕ່ສະຫະລັດ ກໍກຳລັງ
ເດີນໜ້າຕໍ່ໄປກັບຂໍ້ຕົກລົງນີ້.
ທ່ານ ຄໍລິນ ແຄວລ໌ ກ່າວຕໍ່ ວີໂອເອພາສາ ເປີເຊຍ ວ່າ “ພວກເຮົາ
ຈະຈັດຕັ້ງປະຕິບັດ ຂໍ້ຕົກລົງ ຖ້າຫາກອີຣ່ານ ປະຕິບັດຕາມ
ການຕົກລົງຂອງຕົນ ພວກເຮົາກໍຈະເຮັດຕາມ ການຕົກລົງ
ຂອງພວກເຮົາ ແລະ ຂ້າພະເຈົ້າຄິດວ່າ ການທົດສອບ ຈະຢູ່
ໃນການກະທຳນັ້ນ.”
ປະທານສະພາຕ່ຳ ທ່ານ John Boehner ຈາກລັດ ໂອຮາຍໂອ ສັງກັດພັກຣີພັບບລີກັນ ກ່າວຖະແຫລງ ໃນກອງປະຊຸມຖະແຫລງຂ່າວ ຢູ່ທີ່ລັດຖະສະພາ ໃນນະຄອນຫຼວງ ວໍຊິງຕັນ ວ່າ ພັກຂອງທ່ານ ຈະສືບຕໍ່ສູ້ຊົນ ຕໍ່ຕ້ານ ຂໍ້ຕົກລົງນິວເຄລຍ ກັບອີຣ່ານ, ວັນທີ 10 ກັນຍາ 2015.
ບັນດາສະມາຊິກ ພັກຣີພັບບລີກັນ ໃນລັດຖະສະພາ ໄດ້ຄັດຄ້ານຢ່າງແຂງຂັນ ຕໍ່ຂໍ້ຕົກລົງ
ທີ່ໄດ້ບັນລຸກັນ ເມື່ອເດືອນກໍລະກົດຜ່ານມາ ລະ ຫວ່າງອີຣ່ານ ແລະ ກຸ່ມປະເທດມະຫາ
ອຳນາດ ລວມມີ ສະຫະລັດ ອັງກິດ ຈີນ ຝຣັ່ງ ຣັດເຊຍ ແລະ ເຢຍຣະມັນ. ບັນດາສະມາຊິກ
ສະພາສະຫະລັດ ມີເວລາ 60 ມື້ ເພື່ອກວດກາເບິ່ງເງື່ອນໄຂຕ່າງໆ ແລະ ຈະຕ້ອງລົງຄະແນນສຽງ ເຫັນດີ ຫຼື ບໍ່ເຫັນດີກັບຂໍ້ຕົກລົງນັ້ນ ແຕ່ບັນດາສະມາຊິກພັກຣີພັບບລີກັນ ມາເຖິງເວລານີ້ ຍັງບໍ່ສາມາດ ໃນຄວາມພະຍາຍາມຂອງພວກຕົນ ທີ່ຈະຮັບຜ່ານຮ່າງຍັດຕິດ ເພື່ອປະຕິເສດ
ຕໍ່ຂໍ້ຕົກລົງ ຢູ່ໃນສະພາໄດ້.
ສະມາຊິກ ພັກຣີພັບບລີກັນ ບາງທ່ານ ທີ່ພວມລົງແຂ່ງຂັນສະໝັກເລືອກຕັ້ງເປັນປະທານາທິບໍດີ ໃນປີໜ້າ ຍັງໄດ້ກ່າວອີກວ່າ ພວກເພິ່ນຈະຫາທາງປ່ຽນແປງ ຫຼື ຍົກເລີກຂໍ້ຕົກລົງນີ້ທັງໝົດ.
ອຳນວຍການໃຫຍ່ ອົງການ ແຮງງານ ປະລະມານູ ສາກົນ ທ່ານ Yukiya Amano ກ່າວຖະແຫລງຕໍ່ບັນດາຜູ້ສື່ຂ່າວ ຢູ່ນອກ Palais Coburg ຊຶ່ງເປັນສະຖານທີ່ ຈັດການເຈລະຈານິວເຄລຍ ໃນນະຄອນວຽນນາ, ວັນທີ 4 ກໍລະກົດ 2015.
ທ່ານ ແຄວລ໌ ເວົ້າວ່າ “ຂ້າພະເຈົ້າຄິດວ່າ ດຽວນີ້ພວກເຮົາມີປີເຄິ່ງ ກ່ອນ ທີ່ປະທານາ
ທິບໍດີ ຄົນຕໍ່ໄປ ຈະເຂົ້າຮັບຕຳແໜ່ງ ເພື່ອທີ່ຈະສະແດງໃຫ້ເຫັນເຖິງ ປະຫວັດການ
ປະຕິບັດຕາມຂໍ້ຕົກລົງ ຂອງທັງສອງຝ່າຍ ທີ່ສາມາດສ້າງຄວາມໝັ້ນໃຈໃຫ້ແກ່
ຂໍ້ຕົກລົງ ແລະ ເວລາໃດ ມີຄວາມໝັ້ນໃຈຫຼາຍຂຶ້ນ ໃນຂໍ້ຕົກລົງ ມັນກໍຈະມີໂອກາດ
ຢູ່ລອດໄດ້ ຫຼາຍຂຶ້ນ ໃນທາງດ້ານການເມືອງ.”
ເພື່ອເປັນການແລກປ່ຽນ ໃນການຈຳກັດໂຄງການນິວເຄລຍຂອງຕົນນັ້ນ ອີຣ່ານຈະໄດ້ຮັບ
ການຜ່ອນຜັນ ໃນການລົງໂທດ ພາຍໃຕ້ຂໍ້ຕົກລົງ ດັ່ງກ່າວ. ແຕ່ທ່ານ ແຄວລ໌ ໄດ້ເນັ້ນຢ້ຳ
ວ່າ ມາດຕະການລົງໂທດຕ່າງໆ ທີ່ຈະຖືກຍົກເລີກນັ້ນ ແມ່ນເປັນພວກທີ່ໄດ້ຖືກບັງຄັບໃຊ້
ຍ້ອນ ການເຄື່ອນໄຫວ ດ້ານນິວເຄລຍ ຂອງອີຣ່ານ.
Your browser doesn’t support HTML5
Colin Kahl on Iran Nuclear Deal