ເທີກີກ່າວວ່າ ຕົນກຳລັງຊ່ອຍຊາວເຄີດໃນອີຣັກ ໃຫ້ຂ້າມຊາຍ
ແດນເຂົ້າໄປໃນຊີເຣຍ ເພື່ອໄປຊ່ອຍເຫຼືອພວກນັກລົບຊາວ
ເຄີດຢູ່ໃນເມືອງໂຄບານີ ໃນຂະນະທີ່ພວກເຂົາເຈົ້າກຳລັງຕໍ່ສູ້
ເພື່ອຕ້ານຢັນການບຸກຄືບໜ້າ ຂອງພວກຫົວຮຸນແຮງກຸ່ມລັດ
ອິສລາມນັ້ນ.
ລັດຖະມົນຕີຕ່າງປະເທດເທີກີ ທ່ານ Mevlut Cavusoglu
ບໍ່ໄດ້ໃຫ້ລາຍລະອຽດເພີ້ມຕື່ມໃນວັນຈັນມື້ນີ້ ເວລາທ່ານຖະ
ແຫຼງຕໍ່ບັນດານັກຂ່າວ ກ່ຽວກັບການຊ່ອຍເຫຼືອພວກກຳລັງ
ຊາວເຄີດນັ້ນ.
Your browser doesn’t support HTML5
islamicstate20october14
ການເຄື່ອນໄຫວດັ່ງກ່າວມີຂຶ້ນນຶ່ງມື້ ຫຼັງຈາກປະທານາທິບໍດີເທີກີ ທ່ານ Recep Tayyip Erdogan ກ່າວວ່າ ປະເທດຂອງທ່ານຈະບໍ່ປະກອບອາວຸດ ໃຫ້ພວກນັກລົບຊາວເຄີດ
ໂດຍເອີ້ນພວກເຂົາເຈົ້າວ່າ ມີສະຖາ ນະພາບ “ເທົ່າກັນກັບ” ພັກແຮງງານເກີດິສຖານ ທີ່
ທັງເທີກີ ແລະ ສະຫະລັດຖືວ່າເປັນກຸ່ມກໍ່ການຮ້າຍນັ້ນ.
ນອກນັ້ນ ການເຄື່ອນໄຫວດັ່ງກ່າວຍັງມີຂຶ້ນ ຫຼັງຈາກເຮືອບິນບັນທຸກຂອງສະຫະລັດຫຼາຍ
ລຳໄດ້ນຳເອົາ ອາວຸດພ້ອມດ້ວຍລູກປືນແລະສະບຽງການແພດຈາກເຈົ້າໜ້າທີ່ຊາວເຄີດ
ໃນອີຣັກ ໄປຖິ້ມລົງໃຫ້ພວກຊາວເຄີດ ທີ່ກຳລັງຕໍ່ສູ້ກັບກຸ່ມຫົວຮຸນແຮງລັດອິສລາມ ໃນເມືອງໂຄບານີ ກົງກັນຂ້າມກັບຊາຍແດນຂອງເທີກີນັ້ນ.
ວີດີໂອ: ຊາວເມືອງໂກບານີ ດີໃຈ ທີ່ສະຫະລັດເອົາສຳພາລະ ໄປຖິ້ມລົງໃຫ້
Your browser doesn’t support HTML5
Kobani Refugees Welcome, Turkey Criticizes, US Airdrop
ບັນດາເຈົ້າໜ້າທີ່ຂັ້ນອາວຸໂສສະຫະລັດບອກນັກຂ່າວວ່າ ປະທານາທິບໍດີ ບາຣັກ ໂອບາມາ
ໄດ້ ແຈ້ງໃຫ້ທ່ານ Erdogan ຊາບ ໃນລະຫວ່າງ ການສົນທະນາກັນທາງໂທລະສັບ ໃນວັນ
ເສົາຜ່ານມາວ່າ ກອງທັບສະຫະລັດຈະດຳເນີນການຖິ້ມເຄື່ອງຊ່ອຍເຫຼືອເຫຼົ່ານີ້.
ບັນດາເຈົ້າໜ້າທີ່ກ່າວວ່າ ສະຫະລັດເຂົ້າອົກເຂົ້າໃຈດີເຖິງ “ຄວາມເປັນຫ່ວງທີ່ມີມາຍາວ
ນານຂອງເທີກີ” ແຕ່ວ່າເວລານີ້ ທັງສອງປະເທດກຳລັງປະເຊີນໜ້າກັບສັດຕູຄົນດຽວກັນ.
ວີດີໂອ: ສະຫະລັດແລະເທີກີ ບໍ່ເຫັນພ້ອມກັນ ກ່ຽວກັບຍຸທະສາດຕ້ານຢັນ ກຸ່ມ IS
Your browser doesn’t support HTML5
US, Turkey at Odds Over Strategy Against Islamic State