ໄພນ້ຳຖ້ວມໃນລະດູໜາວ ທີ່ບໍ່ຄ່ອຍມີມາກ່ອນ ໄດ້ເຮັດໃຫ້
ຢ່າງໜ້ອຍ 13 ຄົນເສຍຊີວິດ ແລະ ໄດ້ສ້າງຄວາມເສຍຫາຍ
ຢ່າງໜັກ ແກ່ເຮືອນຊານປະຊາຊົນ ຫຼາຍຮ້ອຍຫລັງ ໃນລັດ
Missouri ຢູ່ທາງພາກກາງ ຂອງສະຫະລັດ ຊຶ່ງໄດ້ຮັບຜົນ
ກະທົບຢ່າງໜັກ ເປັນປະຫວັດການ ຈາກຝົນທີ່ຕົກລົງມາ
ເມື່ອສອງສາມມື້ຜ່ານມານີ້.
ຜູ້ປົກຄອງລັດ Missouri ທ່ານ Jay Nixon ໄດ້ປະກາດພາວະ
ສຸກເສີນ ແລະ ໄດ້ຮຽກຮ້ອງໃຫ້ ກອງກຳລັງພິທັກຊາດ ມາຊ່ອຍ
ໃນອັນທີ່ທ່ານເອີ້ນວ່າ “ໄພນ້ຳຖ້ວມ ທີ່ຮ້າຍແຮງເປັນປະຫວັດ
ການ ແລະເປັນອັນ ຕະລາຍທີ່ສຸດ.”
ລະດັບນ້ຳທີ່ກຳລັງສູງຂຶ້ນ ໄດ້ກົດດັນໃຫ້ທາງການປິດ ບາງສ່ວນຂອງ ທາງຫລວງທີ່
ສຳຄັນ 2 ສາຍ ແລະຖະໜົນອື່ນໆອີກບາງສ່ວນ ເກືອບ 500 ແຫ່ງ ຕາມສະຖານທີ່ຕ່າງໆ
ໃນທົ່ວລັດ. ທ່ານ Nixon ໄດ້ຂໍຮ້ອງໃຫ້ພວກຄົນທີ່ສັນຈອນໄປມາຕາມທ້ອງຖະໜົນ ຫລີກລ່ຽງ ເສັ້ນທາງຕ່າງໆ ທີ່ຖືກນ້ຳຖ້ວມ.
ລົດສອງຄັນ ຈົມຢູ່ໃນນ້ຳ ທີ່ຖ້ວມ ສວນແຫ່ງໜຶ່ງ ໃນເມືອງ Kimmswick ຂອງລັດ Missouri, ວັນທີ 28 ທັນວາ 2015.
ທ່ານ Nixon ກ່າວຢູ່ທີ່ກອງປະຊຸມຖະແຫລງຂ່າວວ່າ “ການເສຍຊີວິດ ຢ່າງຫລວງຫຼາຍ
ຂອງພົນລະເມືອງພວກເຮົານັ້ນ ແລະ ຂ້າພະເຈົ້າຢາກເນັ້ນຢ້ຳອີກຕື່ມ ເຖິງການຂັບລົດ
ເຂົ້າໄປໃນນ້ຳ ແລະໂດຍສະເພາະຂັບລົດເຂົ້າໄປໃນບ່ອນທີ່ເກີດນ້ຳຖ້ວມໃນຍາມ
ຄ່ຳຄືນ”.
ລັດ Missouri ໄດ້ຮັບຜົນກະທົບ ຈາກລະບົບພາຍຸທີ່ເຮັດໃຫ້ມີຝົນຕົກ ໜັກເປັນເວລາ
ສອງສາມມື້ ແລະ ຍັງໄດ້ກໍ່ໃຫ້ເກີດພາຍຸຫົວກຸດ ຫຼືໂທເນໂດຫຼາຍຫົວ ໃນພາກສ່ວນອື່ນໆ
ທາງພາກກາງ ແລະ ພາກໃຕ້ຂອງສະຫະລັດ. ຫລັງຈາກນັ້ນ ຝົນກໍໄດ້ເຄື່ອນຍ້າຍອອກໄປ
ແຕ່ບັນດາເຈົ້າໜ້າທີ່ ໄດ້ເຕືອນໃຫ້ລະວັງໄພນ້ຳຖ້ວມ ທີ່ຍັງສືບຕໍ່ສູງຂຶ້ນຢູ່ນັ້ນ.
ບັນດານັກພະຍາກອນອາກາດ ຄາດກັນວ່າ ແມ່ນ້ຳ Mississippi ຈະສູງຂຶ້ນສຸດຂີດ ເຖິງ
15.1 ແມັດ ໃນວັນສຸກມື້ຮືນີ້ ຊຶ່ງຈະເທົ່າກັບລະ ດັບ ເຫດການນ້ຳຖ້ວມໃຫຍ່ “Great
Flood” ໃນປີ 1993. ແມ່ນ້ຳ Missouri ແມ່ນຄາດກັນວ່າ ຈະສູງຂຶ້ນສຸດຂີດ ເຖິງ 14.5
ແມັດ ໃນວັນເສົາຈະມາເຖິງນີ້ ໂດຍຈະທຳລາຍສະຖິຕິ ທີ່ໄດ້ຈົດບັນທຶກໄວ້ໃນເມື່ອກ່ອນ.