ລອດໂຕຣີ ຫລື ສະຫລາກກິນແບ່ງທີ່ຫລາຍລັດຮວມກັນຂາຍທີ່ພວກເຈົ້າໜ້າທີ່ສະຫະລັດ
ກ່າວວ່າ ເປັນເງິນລາງວັນຈໍານວນຫລາຍທີ່ສຸດຂອງໂລກ ມີຄົນຖືກໄປແລ້ວ ຢູ່ໃນ 3 ລັດ.
ບັນດາເຈົ້າໜ້າທີ່ລອດໂຕຣີ ຫລືລອດໂຕ Mega Millions ກ່າວວ່າບັດເລກລອດໂຕທີ່
ອອກຊຶ່ງເປັນເງິນລາງວັນມະຫາສານ 640 ລ້ານໂດລາເປັນປະວັດການນີ້ແມ່ນຂາຍຢູ່ໃນ
ສາມລັດ ຄື ລັດແມຣີແລນ ແຄນຊັສ ແລະ ອິລລິນອຍສ໌.
ຜູ້ຖືກແຕ່ລະລາຍໃນສາມລາຍນັ້ນ ຈະໄດ້ແບ່ງກັນປະມານ 213 ລ້ານໂດລາ ກ່ອນຕັດ
ພາສີ. ເວລານີ້ ຍັງບໍ່ມີຂໍ້ມູນເທື່ອວ່າຜູ້ໃດຖືກລາງວັນນີ້ ຫລືວ່າມີຈັກຄົນທີ່ຈະຕ້ອງໄດ້ຮັບ
ສ່ວນແບ່ງເງິນລາງວັນຄັ້ງນີ້.
http://www.voanews.com/templates/widgetDisplay.html?id=145414835&player=article
ຄວາມຝັນທີ່ຈະຖືກລອດໂຕ ເງິນລາງວັນຫລາຍກວ່າຫ້າຮ້ອຍລ້ານໂດລາຄັ້ງນີ້ ໄດ້ດຶງດູດ
ຝຸງຊົນຈໍານວນຫລວງຫລາຍ ໃຫ້ພາກັນລຸຫລັ່ງໄປຊື້ລອດ ໂຕງວດນີ້ ຢູ່ໃນຫລາຍໆເຂດ
ຂອງສະຫະລັດ. Mega Millions ລອດໂຕ ແມ່ນມີຂາຍຢູ່ໃນ 42 ລັດ ຂອງ 50 ລັດ
ແລະຢູ່ໃນເມືອງຫລວງວໍຊິງຕັນດີຊີ ແລະໝູ່ເກາະ Virgin ຂອງສະຫະລັດ ນໍາ.
ໂອກາດທີ່ຈະຖືກເລກລອດໂຕທັງໝົດແມ່ນ 1 ໃນ 176 ລ້ານໂຕ ແຕ່ ນັ້ນ ກໍບໍ່ຂັດຂວາງ
ພວກທີ່ຫວັງຈະເປັນເສດຖີທັງຫລາຍ ທີ່ພາກັນລຸຫລັ່ງໄປຊື້ເລກ ໃນອັດຕາປະມານ 1
ລ້ານ$ ຕໍ່ນາທີໃນລະຫວ່າງເວລາ 5 ໂມງແລງ ຫາ 10 ໂມງກາງຄືນ ກ່ອນເລກຈະອອກ
ໃນຄືນວັນສຸກນັ້ນ.
ເງິນລາງວັນຫລື jackpot ໄດ້ເພີ່ມຫລາຍຂື້ນເລື້ອຍໆຈົນເປັນປະວັດການຂອງໂລກ ຫລັງ
ຈາກບໍ່ມີໃຜຖືກລາງວັນໃນເດືອນມັງກອນຜ່ານມາ ແລະກໍບໍ່ມີຄົນຖືກ ໃນອີກ 18 ງວດຕໍ່
ມາ ຊຶ່ງເລກອອກ ອາທິດລະສອງຄັ້ງ.