ຜູ້ພິພາກສາ ສະຫະລັດ ຄົນນຶ່ງ ໄດ້ຕັດສິນລົງໂທດ ໃຫ້ນັກສອນ
ສາສະໜາ ອິສລາມຫົວຮຸນແຮງ ຕິດຄຸກຕະຫລອດຊີວິດ ແປດ
ເດືອນຫລັງຈາກຜູ້ກ່ຽວໄດ້ຖືກພົບເຫັນວ່າມີຄວາມຜິດ ໃນຂໍ້ຫາ
ກໍ່ການຮ້າຍຂອງລັດຖະບານກາງ.
ຜູ້ພິພາກສາ ໃນວັນສຸກວານນີ້ ໄດ້ຕັດສິນລົງໂທດ ໃຫ້ນັກສອນ
ສາສະໜາ Mustafa Kamel Mustafa ທີ່ຮູ້ກັນໃນຊື່ທຳມະດາ
ວ່າ Abu Hamza ຢູ່ທີ່ສານລັດຖະບານກາງແຫ່ງນຶ່ງ ໃນນະ
ຄອນນິວຢອກ.
ທ້າວ Hamza ເປັນຄົນຕາບອດເບື້ອງນຶ່ງແລະມືກຸດສອງເບື້ອງ
ໄດ້ມີໜ້າຢູ່ໃນສານເວລາຕັດສິນລົງໂທດ. ບັນດາທະນາຍຄວາມຂອງລາວ ໄດ້ຮຽກຮ້ອງ
ໃຫ້ຜູ້ພິພາກສາ ພິຈາລະນາເຖິງຮູບຮ່າງພິການຂອງລາວ ໃນເວລາຕັດສິນລົງໂທດ.
ໃນເດືອນພຶດສະພາ ແລ້ວນີ້ ທ້າວ Hamza ໄດ້ຖືກພົບເຫັນວ່າ ມີຄວາມຜິດ ທັງໝົດ 11
ກະໂທງ ທີ່ຜູ້ກ່ຽວປະເຊີນໜ້າຢູ່ ໃນການສະໜອງວັດຖຸໃຫ້ການສະ ໜັບສະໜຸນແກ່ພວກ
ກໍ່ການຮ້າຍ. ສິ່ງເຫລົ່ານີ້ແມ່ນຮວມທັງການສົ່ງບັນດາຜູ້ທີ່ ເຫຼື້ອມໄສ ໄປຕັ້ງຄ້າຍເຝິກ
ແອບຜູ້ກໍ່ການຮ້າຍ ຢູ່ໃນສະຫະລັດ ສົ່ງພວກຜູ້ຊາຍໄປຊ່ວຍກຸ່ມ al-Qaida ໃນອັຟກາ
ນິສຖານ ແລະສົ່ງໂທລະສັບ ໃຊ້ຜ່ານດາວ ທຽມໄປໃຫ້ພວກຫົວຮຸນແຮງໃນເຢເມນ ທີ່
ລັກພາໂຕບັນດານັກທ່ອງທ່ຽວຕາເວັນຕົກໃນປີ 1998.
ຜູ້ຖືກລັກພາໂຕສີ່ຄົນໄດ້ເສຍຊີວິດ ລະຫວ່າງເຈົ້າໜ້າທີ່ພະຍາຍາມບຸກເຂົ້າໄປ ຊ່ວຍ.
ຢູ່ໃນຖະແຫຼງການສະບັບນຶ່ງໃນວັນສຸກວານນີ້ ລັດຖະມົນຕີຊ່ວຍວ່າການກະຊວງ ຍຸດຕິ
ທໍາ ທ່ານ John Carlin ຮ້ອງ ທ້າວ Hamza ວ່າ ຜູ້ກໍ່ການຮ້າຍທີ່ບໍ່ຮູ້ ສຶກສຳນຶກຜິດໃນ
ການກະທຳຂອງຕົນ.