ການດຳເນີນຄະດີ ຕໍ່ນັກຂ່າວສະຫະລັດ ທີ່ຖືກກ່າວຫາວ່າສອດແນມ ໃນຣັດເຊຍ

ນັກຂ່າວຂອງສະຫະລັດ ທ້າວ ແອເວັນ ເກີສໂກວິຈ (Evan Gershkovich) ຈະປະເຊີນກັບການເລີ່ມຕົ້ນພິຈາລະນາຄະດີແບບປິດລັບ ໃນຂໍ້ກ່າວຫາ ສອດແນມຢູ່ໃນຣັດເຊຍ ໃນວັນພຸດມື້ນີ້, ເຊິ່ງເປັນເວລາຫຼາຍກວ່ານຶ່ງປີ ຫຼັງຈາກທີ່ລາວກາຍເປັນນັກຂ່າວຊາວຕາເວັນຕົກຄົນທຳອິດ ນັບຕັ້ງແຕ່ສະໄໝເປັນໂຊວຽດ ທີ່ໄດ້ຖືກກັກຂັງໃນຂໍ້ກ່າວຫາດັ່ງກ່າວ