ທ່ານ Joe Biden ຮອງປະທານາທິບໍດີສະຫະລັດກຳລັງສະເຫລີມ ສະຫລອງວັນເອກກະລາດຂອງສະຫະລັດໃນວັນທີ 4 ກໍລະກົດ ມື້ນີ້
ກັບພວກທະຫານສະຫະລັດໃນອິຣັກ.ລາຍການວັນອາທິດມື້ນີ້ ສຳລັບຮອງປະທານາທິບໍດີແມ່ນຮວມທັງການ ພົບປະຫາລື ກັບນາຍົກລັດຖະມຸນຕີ
Nouri al-Maliki ແຫ່ງອີຣັກແລະຄູ່ແຂ່ງຂັນຄົນສຳຄັນຂອງທ່ານ ຄືທ່ານ Ayad Allawi ນັ້ນ. ນອກນີ້ ທ່ານ Biden ຍັງມີແຜນການຈະພົບປະ
ກັບທ່ານ Jalal Talabani ປະທານາທິບໍດີອິຣັກເຊັ່ນກັນ.
ບັນດານັກການເມືອງອິຣັກໄດ້ມີການຜິດຖຽງກັນມາ ກ່ຽວກັບວ່າຜູ້ໃດ ຈະໄດ້ມີໂອກາດເປັນຜູ້ນຳພາປະເທດ ນັບແຕ່ໄດ້ການເລືອກຕັ້ງສະພາ
ແຫ່ງຊາດ ທີ່ບໍ່ມີຜູ້ໃດໄດ້ຮັບໄຊຊະນະໂດຍເດັດຂາດ ເມື່ອວັນທີ 7 ມີນາຜ່ານມາ ຊຶ່ງນັບແຕ່ນັ້ນມາ ອິຣັກກໍໄດ້ປະເຊີນກັບຄື້ນຟອງແຫ່ງ
ຄວາມຮຸນແຮງ ມາຢ່າງຕໍ່ເນື່ອງ.
ໃນຖ້ອຍຖະແຫລງຕໍ່ນັກຂ່າວໃນວັນເສົາວານນີ້ ທ່ານ Biden ກ່າວວ່າ ທ່ານມີຄວາມຮູ້ສຶກໃນແງ່ດີວ່າ ຈະມີການປະກອບລັດຖະບານໃໝ່ທີ່
ຕາງໜ້ໍາທຸກພັກຝ່າຍ ຂຶ້ນມາໄດ້.
ບັນດາເຈົ້າໜ້າທ່ີພາກັນຢ້ານວ່າ ພວກກະບົດອາດຈະສວາຍໂອກາດ ໃນສະພາວະການເມືອງທ່ີຕົກຢູ່ໃນສະພາບບໍ່ໄປບໍ່ມານີ້ ພະຍາຍາມ
ທຳລາຍແຜນການຄວາມປອດໄພຂອງປະເທດ.