ສະຫະລັດກ່າວວ່າ 11 ປະເທດໄດ້ລົດປະລິມານການຊື້ນໍ້າມັນຂອງອິຣ່ານ ລົງໄປຢ່າງ
ຫລວງຫລາຍແລ້ວ ແລະຈະບໍ່ຖືກສະຫະລັດ ທຳການລົງໂທດ ທີ່ຕັ້ງໃຈຈະກົດດັນອີຣ່ານ
ກ່ຽວກັບໂຄງການນີວເຄລຍທີ່ເປັນຂໍ້ໂຕ້ແຍ້ງນັ້ນ.
ໃນຖະແຫລງການສະບັບນຶ່ງເມື່ອວັນອັງຄານວານນີ້ ທ່ານນາງ ຮິລແລຣີ ຄລິນຕັນ ໄດ້
ຊົມເຊີຍພວກປະເທດຕ່າງໆ ສ່ວນໃຫຍ່ແມ່ນພວກປະເທດພາກພື້ນຢູໂຣບ ແລະຂະນະ
ດຽວກັນກໍໄດ້ຮຽກຮ້ອງໃຫ້ພວກປະເທດອື່ນໆ ທີ່ນໍາເຂົ້ານໍ້າມັນຂອງອິຣ່ານໃຫ້ປະຕິບັດ
ຕາມ. ທ່ານນາງ ໄດ້ສະແດງຄວາມຍ້ອງຍໍຍີ່ປຸ່ນເປັນພິເສດ ໂດຍກ່າວວ່າຍີ່ປຸ່ນໄດ້ຕັດການ
ນໍາເຂົ້ານໍ້າ ມັນຂອງອິຣ່ານລົງ ທັງໆທີ່ຕົນກໍາລັງປະເຊີນກັບບນັາທ້າທາຍດ້ານພະລັງ
ງານຢ່າງໜັກໜ່ວງຢູ່ກໍຕາມ.
ທ່ານ Osamu Fujimura ຫົວໜ້າຫ້ອງການລັດຖະບານຂອງຍີ່ປຸ່ນກ່າວ ເມື່ອວັນພຸດມື້ີ
ນີ້ວ່າ ປະເທດຂອງທ່ານພ້ອມທີ່ຈະປະຕິບັດການກ່ຽວກັບເລຶ່ອງນີ້ຫລາຍຂຶ້ນໄປອີກ.
ທ່ານ ຟູຈິມູຣະ ກ່າວອີກວ່າ ຍີ່ປຸ່ນໄດ້ບອກສະຫະລັດໄປແລ້ວວ່າ ຍີ່ປຸ່ນະເລັ່ງຕັດການ
ນໍາເຂົ້ານໍ້າມັນຂຶ້ນອີກ.
ພວກປະເທດອື່ນໆທີ່ມີທະນາຄານຂອງຕົນ ບໍ່ໄດ້ຮັບຜົນກະທົບຈາກການລົງໂທດນັ້ນ
ກໍມີປະເທດເບຍຢ້ຽມ ສາທາລະນະລັດເຊັກ ຝຣັ່ງ ເຢຍຣະມັນ ກຣີສ ອິຕາລີ ເນເທີແລນ
ໂປແລນ ສະເປນ ແລະອັງກິດ. ການຍົກເວັ້ນ ຈະໃຊ້ໄດ້ເຖິງໄລຍະຕໍ່ອາຍຸ 180 ມື້.
ທ່ານ Timothy Geithner ລັດຖະມົນຕີກຊວງການເງິນສະຫະລັດບອກ ຄະນະກໍາມະ
ການສະພາຕໍ່າສະຫະລັດເມື່ອວັນອັງຄານວານນີ້ວ່າ ການສະໜັບສະໜຸນຂອງຢູໂຣບໃນ
ເລຶ່ອງນີ້ຖືວ່າສໍາຄັນທີ່ສຸດ ແລະວ່າສະຫະລັດກໍໄດ້ຮັບກຳລັງໃຈຍ້ອນການໃຫ້ຄວາມຮ່ວມ
ມືຢ່າງກວ້າງຂວາງກັບພວກພາຄີການຄ້າຂອງອິຣ່ານນັ້ນນໍາ.