ອະດີດປະທານາທິບໍດີ ໂປແລນ ທ່ານ Aleksander Kwas-
niewski ກ່າວວ່າ ໂປແລນ ໄດ້ອະນຸຍາດໃຫ້ ອົງກາງສືບລັບ
CIA ຂອງສະຫະລັດ ປະຕິບັດການ ຄຸກລັບຢູ່ໃນດິນແດນຂອງ
ຕົນ ແຕ່ທ່ານກ່າວວ່າ ບັນດາເຈົ້າໜ້າທີ່ໂປແລນ ບໍ່ໄດ້ ອະນຸ
ຍາດໃຫ້ທຳການລົງໂທດໜັກ ຫລືທາລຸນ ບັນດາຜູ້ຕ້ອງສົງໄສ
ຢູ່ທີ່ນັ້ນ.
ໃນການໃຫ້ສຳພາດໃນວັນພຸດວານນີ້ ກັບສະຖານີວິທະຍຸ TOK
FM ຢູ່ນະຄອນຫລວງວໍຊໍ ທ່ານ Kwasniewski ກ່າວວ່າ ທ່ານ
ໄດ້ຮຽກຮ້ອງໃຫ້ທ່ານ George W. Bush ຊຶ່ງໃນເວລານັ້ນ ດຳ
ລົງປະທານາທິບໍດີສະຫະລັດ ຍຸດຕິ ຄວາມພະຍາຍາມສືບລັບ
ທັງໝົດ ຂອງສະຫະລັດ ຢູ່ທີ່ຄຸກແຫ່ງນັ້ນ ເມື່ອສິບ ກວ່່າປີມາແລ້ວ.
ທ່ານ Kwasniewski ກ່າວວ່າ ຄວາມພະຍາຍາມນັ້ນໄດ້ຖືກຢຸດໄວ້ ໃນຈຸດໃດຈຸດໜຶ່ງ.
ນີ້ເປັນຄັ້ງທຳອິດທີ່ ອະດີດປະທານາທິບໍດີໂປແລນ ໄດ້ຮັບຮູ້ຢ່າງເປີດເຜີຍວ່າ ມີຄຸກດັ່ງ
ກ່າວ ຫລັງຈາກໄດ້ປະຕິເສດມາໄດ້ຫລາຍປີ.
ມັນເປັນທີ່ເຊື່ອກັນວ່າ CIA ໄດ້ປະຕິບັດການຄຸກສືບລັບ ຢູ່ໃນໂປແລນ ໃນປີ 2002 ແລະ
2003.
ທ່ານ Kwasniewski ໄດ້ຖະແຫລງ ນຶ່ງມື້ຫລັງການເປີດເຜີຍລາຍງານຂອງ ສະພາສູງ
ສະຫະລັດ ທີ່ບອກວ່າ CIA ທີ່ໄດ້ໃຊ້ວິທີການອັນໂຫດຮ້າຍທາລຸນ ໃນການສອບສວນ
ພວກນັກໂທດ ຫລັງຈາກການໂຈມຕີຂອງ ພວກກໍ່ການຮ້າຍຕໍ່ສະຫະລັດ ເມື່ອວັນທີ່ 11 ເດືອນກັນຍາ ປີ 2001 ນັ້ນ.
Your browser doesn’t support HTML5
US Officials: Respecting Human Rights Boosts National Security