ວັນອາທິດວານນີ້ ສະຫະລັດໄດ້ກ່າວວ່າ ຕົນກຳລັງປະເມີນເບິ່ງວ່າການໂຈມຕີທາງອາກາດໃນ ລີເບຍ ໄດ້ສັງຫານຫົວໜ້າກຸ່ມຫົວຮຸນແຮງທີ່ເປັນ ເຄືອຂ່າຍ al-Qaida ທ້າວ Mokhtar Belmokhtar ຫຼືບໍ່.
ລັດຖະບານ ລີເບຍ ທີ່ຖືກຮັບຮູ້ໂດຍສາກົນ ໄດ້ກ່າວວ່າ ການໂຈມຕີໄດ້ເກີດຂຶ້ນໃນວັນເສົາທີ່ຜ່ານມາ ໃນພາກຕາເວັນອອກຂອງປະເທດ ແລະ ໄດ້ສັງຫານທ້າວ Belmokhtar.
ໃນຖະແຫຼງການທີ່ອອກເມື່ອຕອນແລງວັນອາທິດວານນີ້, ກະຊວງປ້ອງກັນປະເທດສະຫະລັດ ບໍ່ໄດ້ຢືນຢັນການຕາຍຂອງທ້າວ Belmokhtar, ແຕ່ໂຄສົກກະຊວງປ້ອງກັນປະເທດ ພັນເອກ Steve Warren ໄດ້ກ່າວວ່າ ເຈົ້າໜ້າທີ່ເຊື່ອວ່າການໂຈມຕີທາງອາກາດແມ່ນປະສົບຜົນສຳເລັດ.
ພັນເອກ Warren ເວົ້າວ່າ “ຂ້າພະເຈົ້າສາມາດຢືນຢັນວ່າ ເປົ້າໝາຍຂອງການໂຈມຕີຕໍ່ຕ້ານການກໍ່ການຮ້າຍໃນຄ່ຳຄືນວານນີ້ໃນ ລີເບຍ ແມ່ນທ້າວ Mokhtar Belmokhtar.” ການໂຈມຕີແມ່ນມີຂຶ້ນ ໂດຍເຮືອບິນສະຫະລັດ. ພວກເຮົາກຳລັງສືບຕໍ່ປະເມີນຜົນ ຂອງການປະຕິບັດການ ແລະ ຈະສະໜອງຂໍ້ມູນເພີ່ມເຕີມໃນເວລາທີ່ເໝາະສົມ.”
ກະຊວງປ້ອງກັນປະເທດສະຫະລັດ ໄດ້ປະກາດໃຫ້ຄ່າຫົວທ້າວ Belmokhtar ເປັນຈຳນວນເງິນ 5 ລ້ານໂດລາ ຊຶ່ງເປັນຫົວໜ້າຂອງກຸ່ມທີ່ເອີ້ນຕົນເອງວ່າ ສັນຍາລັກໃນກອງທັບເລືອດ.
ເຈົ້າໜ້າທີ່ ສະຫະລັດ ປະນາມລາວວ່າ ເປັນໂຕການນຳພາ ໃນການໂຈມຕີກໍ່ການຮ້າຍໃນປີ 2013 ຢູ່ບໍ່ນ້ຳມັນໃນປະເທດ Algeria ທີ່ເຮັດໃຫ້ມີຄົນເສຍຊີວິດ 37 ຄົນ, ເຊິ່ງລວມມີ
ຊາວອາເມຣິກັນ 3 ຄົນ.
Your browser doesn’t support HTML5
Libya - US Airstrike