ບັນດາສະມາຊິກສະພານິຕິບັນຍັດໃນລັດວໍຊິງຕັນ ໃນພາກຕາເວັນຕົກສຽງເໜືອຂອງ
ສະຫະລັດໄດ້ຮັບຮອງເອົາຮ່າງຍັດຕິສະບັບນຶ່ງ ທີ່ເຮັດໃຫ້ການແຕ່ງງານຂອງຄົນເພດ
ດຽວກັນຖືກຕ້ອງຕາມກົດໝາຍຂອງລັດ.
ສະພາຕໍ່າຂອງລັດ ໄດ້ຮັບຜ່ານຮ່າງຍັດຕິດັ່ງກ່າວໃນວັນພຸດວານນີ້ດ້ວຍ ຄະແນນສຽງ
ເຫັນດີ 55 ຕໍ່ 43 ສຽງຄັດຄ້ານ ນຶ່ງສັບປະດາຫລັງຈາກ ສະພາສູງຂອງລັດໄດ້ຮັບຜ່ານ
ຮ່າງຍັດຕິດັ່ງກ່າວ ຢາງຫວຸດຫວິດນັ້ນ.
ພວກຄັດຄ້ານຕໍ່ຮ່າງຍັດຕິດັ່ງກ່າວຢືນຢັດວ່າ ການຮັບຮອງເອົາຮ່າງຍັດຕິສະບັບນີ້ ຈະ
ບ່ອນທໍາລາຍສະຖາບັນແຫ່ງການແຕ່ງງານຕາມປະເພນີນິຍົມທົ່ວໄປ ຄືລະຫວ່າງຜູ້ຊາຍ
ກັບແມ່ຍິງນັ້ນ. ແຕ່ທ່ານ Jamie Pedersen ຫົວໜ້ານຳສະເໜີຮ່າງຍັດຕິສະບັບດັ່ງ
ກ່າວຊຶ່ງເປັນກະເທີຍ ແລະສະມາຊິກສະພານິຕິບັນຍັດສັງກັດພັກເດໂມກຣັດ ໂຕ້ແຍ້ງ
ວ່າ ຄໍາວ່າການແຕ່ງານແມ່ນຄໍາເວົ້ານຶ່ງທີ່ສັງຄົມຂອງເຮົາໃຊ້ກັນເພື່ອບັນລະຍາຍເຖິງ
ຄວາມສໍາພັນທີ່ໃຫ້ຄໍາໜັ້ນສັນຍາຈະຢູ່ຮ່ວມກັນຕະຫຼອດຊີວິດ.
ຮ່າງຍັດຕິດັ່ງກ່າວໄດ້ຮັບການສະໜັບສະໜຸນຢ່າງແຂງແຮງຈາກທ່ານ ນາງ Christine
Gregoire ຜູ້ປົກຄອງລັດສັງກັດພັກເດໂມກຣັດ ແລະວົງການທຸລະກິດທີ່ມີຊື່ສຽງຫລາຍ
ແຫ່ງໃນລັດວໍຊິງຕັນ ຮວມທັງບໍລິສັດເຕັກໂນໂລຈີຍັກໃຫຍ່ Microsoft ແລະເຄືອບໍລິສັດ
ຂາຍກະເຟ Starbuck.
ທ່ານນາງ Gregoire ຈະລົງນາມໃນຮ່າງມະຕິດັ່ງກ່າວໃຫ້ໃຊ້ເປັນກົດໝາຍໃນສັບປະດາ
ໜ້າ ແຕ່ຈະບໍ່ມີຜົນບັງຄັບໃຊ້ໄດ້ຈົນຮອດຕົ້ນເດືອນມິຖຸນາ. ເຖິງຢ່າງໃດກໍດີ ກົດໝາຍທີ່
ວ່ານີ້ ສາມາດຖືກສັ່ງໃຫ້ໂຈະບໍ່ ໃຫ້ມີການນຳໃຊ້ເທື່ອ ຖ້າພວກນິຍົມແນວທາງເດີມດ້ານ
ສາສະໜາສາມາດສະສົມລາຍເຊັນຂອງພວກປ່ອນບັດໄດ້ພຽງພໍ ເພື່ອໃຫ້ມີການລົງຄະ
ແນນສຽງກັນໃນການເລືອກຕັ້ງທົ່ວໄປໃນເດືອນພະຈິກປີນີ້ ທີ່ຈະລົບລ້າງກົດໝາຍສະ
ບັບນີ້ໄດ້.
ການລົງມະຕິກັນໃນລັດວໍຊິງຕັນມີຂຶ້ນໃນເວລານຶ່ງມື້ ຫລັງຈາກສານອຸທອນລັດຖະບານ
ກາງຂອງສະຫະລັດໃນລັດ California ອອກ ຄໍາຕັດສິນວ່າ ການລົງປະຊາມະຕິໃນປີ
2008 ທີ່ຫ້າມການແຕ່ງ ງານຂອງຄົນເພດດຽວກັນໃນລັດດັ່ງກ່າວນັ້ນ ຜິດຕໍ່ກົດໝາຍ
ລັດຖະທໍາມະນູນ.
ເບິ່ງວີດີໂອ ສານທີ່ລັດກາລີຟໍເນຍຕ່າວປີ້ນການຫ້າມບໍ່ໃຫ້ຄົນເພດດຽວ ແຕ່ງງານ ກັນ
http://www.voanews.com/templates/widgetDisplay.html?id=138956939&player=article