ເຮືອບິນລົບອາຍພົ່ນ 4 ລຳຂອງສະຫະລັດ ບິນຜ່ານເກົາຫລີໃຕ້
ໃນວັນພຸດມື້ນີ້ ຊຶ່ງເປັນການສະແດງກຳລັງເທື່ອຫຼ້າສຸດ ຕໍ່ເກົາຫຼີ
ເໜືອ ໃນການທົດລອງລະເບີດນິວເຄລຍ ແລະຍິງລູກສອນໄຟ
ຂີປະນາວຸດຫວ່າງບໍ່ດົນຜ່ານມານີ້.
ເຮືອບິນລົບ ທີ່ເຣດ້າຈັບບໍ່ໄດ້ F-22 ໄດ້ລົງຈອດທີ່ຖານທັບອາ
ກາດໂອຊານ ໃກ້ກັບນະຄອນຫຼວງໂຊລ ບໍ່ເທົ່າໃດຊົ່ວໂມງລຸນ
ຫລັງທີ່ໄດ້ບິນຂຶ້ນຈາກຖານທັບປະຈຳການທີ່ເກາະໂອກີນາວາ
ຂອງຍີ່ປຸ່ນ.
ພົນໂທ Terren O’Shaughnessy ຜູ້ບັນຊາການກຳລັງທາງອາກາດຮ່ວມລະຫວ່າງສະ
ຫະລັດກັບເກົາຫຼີ ກ່າວວ່າ ການປະຕິບັດງານນີ້ແມ່ນສະແດງໃຫ້ເຫັນເຖິງຄວາມເຂັ້ມແຂງ
ໃນການເປັນພັນທະມິດລະຫວ່າງສະຫະລັດກັບສາທາລະນະລັດເກົາຫຼີ ແລະການຕັດສິນ
ໃຈຂອງປະເທດທັງສອງເພື່ອຮັກສາສະຖຽນລະພາບຢູ່ໃນແຫລມເກົາຫລີ.
ການປະຕິບັດງານໃນວັນພຸດມື້ນີ້ ມີຂຶ້ນ 10 ມື້ຫລັງຈາກພຽງຢາງໄດ້ຍິງລູກສອນໄຟໄລຍະ
ໄກ ແລະນຳເອົາອັນທີ່ພຽງຢາງເວົ້າວ່າ ເປັນດາວທຽມສັງເກດການໂລກຂຶ້ນສູ່ວົງໂຄຈອນ.
ການຍິງລູກສອນໄຟດັ່ງກ່າວ ແມ່ນໄດ້ຖືກປະນາມໂດຍປະຊາຄົມນາໆຊາດວ່າເປັນການ
ລະເມີດການລົງໂທດຂອງສະຫະປະຊາຊາດ ຕໍ່ການທົດລອງລູກສອນໄຟໄລຍະໄກຂອງ
ເກົາຫລີເໜືອ ໃນຄັ້ງກ່ອນ.
ກຳປັ່ນດຳນ້ຳ USS North Corolina ກໍໄດ້ເດີນທາງໄປເຖິງເກົາຫຼີໃຕ້ ໃນວັນຈັນທີ່ຜ່ານ
ມາ ເພື່ອເຂົ້າຮ່ວມການຊ້ອມລົບ ລະຫວ່າງສະຫະລັດກັບເກົາຫລີໃຕ້. ອົງການຂ່າວຢອນ
ຮັບລາຍງານວ່າ ກຳປັ່ນບັນທຸກເຮືອບິນທີ່ແລ່ນດ້ວຍພະລັງນິວເຄລຍ John C. Stennis
ກໍຈະເຂົ້າຮ່ວມການຊ້ອມລົບປະຈຳປີ ລະຫວ່າງສະຫະລັດ ກັບເກົາຫລີໃຕ້ຊຶ່ງຈະມີຂຶ້ນໃນ
ເດືອນໜ້ານີ້.
Your browser doesn’t support HTML5
Koreas Tensions