ເອກອັກຄະລັດຖະທູດ ສະຫະລັດ ປະຈຳ ສປປ ລາວ ພະນະ
ທ່ານ Daniel A. Clune ເດີນທາງໄປຢ້ຽມຢາມປະຊາຄົມ
ລາວ-ອາເມຣິກັນໃນເຂດນະຄອນSacramento ລັດ
California ເມື່ອວັນເສົາທີ 31 ຕຸລາຜ່ານມານີ້. ຕິດຕາມ
ທ່ານທູດ Clune ໃນຄັ້ງນີ້ກໍມີທ່ານອຸເດດ ສຸວັນນະວົງ ຫົວ
ໜ້າຫ້ອງການໆຄ້າແຫ່ງ ສປປ ລາວ. ຈຸດປະສົງໃນການມາ
ຢ້ຽມຢາມກໍເພື່ອຊັກຊວນໃຫ້ຊາວລາວ-ອາເມຣິກັນ ພົວພັນກັບ ສປປ ລາວ ຫຼາຍຂຶ້ນ.
ນອກນັ້ນ ພະນະທ່ານເອກອັກຄະລັດຖະທູດ Clune ຍັງໄດ້ລາຍງານໃຫ້ປະຊາຊົນໃນ
ເຂດດັ່ງກ່າວຊາບ ເຖິງຈຸດສຳຄັນ ກ່ຽວກັບນະໂຍບາຍການຕ່າງປະເທດສະຫະລັດ ທີ່ມີ
ຕໍ່ ສປປ ລາວ ຊຶ່ງທ່ານກ່າວວ່າ ປັດຈຸບັນນີ້ ຢູ່ໃນລະດັບສູງສຸດໂດຍສະເພາະການສືບຕໍ່
ໃຫ້ທຶນ ເພີ້ມຂຶ້ນໃນການເກັບກູ້ລະເບີດທີ່ບໍ່ທັນແຕກຫລື UXO ທີ່ຍັງຕົກຕ້າງແຕ່ສະໄໝ
ສົງຄາມຢູ່ໃນລາວ ການຊອກຫາຊາກສົບ ທະຫານອະເມຣິກັນ ທີ່ຫາຍສາບສູນໃນປາງ
ສົງຄາມ ແລະທ່ານຢາກຊ່ວຍໃຫ້ ສປປ ລາວ ໃຫ້ເພິ່ງພາຕົນເອງຫຼາຍຂຶ້ນ.
ການເຕົ້າໂຮມຮັບຟັງລາຍງານຂອງພະນະທ່ານເອກອັກຄະລັດຖະທູດ Clune ຄັ້ງນີ້
ໄດ້ຈັດຂື້ນທີ່ໂບດແຫ່ງໜຶ່ງໃນນະຄອນ Sacramento ຊຶ່ງເປັນເມືອງຫຼວງ California
ໂດຍມີພີ່ນ້ອງ ຊາວມົ້ງ ມ້ຽນ ຂະມຸ ແລະລາວລຸ່ມ ປະມານ 200 ກວ່າຄົນເຂົ້າຮ່ວມ ແລະ
ມີໂອກາດສໍ້ຖາມຂໍ້ຂ້ອງໃຈ. ໃນຕອນແລງຂອງວັນດຽວກັນ ກໍມີພິທີກິນລ້ຽງສັງສັນ ຢູ່ທີ່
ຣ້ານອາຫານຫວຽດຈີນ ໂດຍມີການສະແດງສິນລະປະຟ້ອນພື້ນເມືອງ ມ້ວນທ້າຍພິທີ
ດັ່ງກ່າວ.
ພະນະທ່ານ ເອກອັກຄະລັດຖະທູດ Daniel A Clune ແລະບັນດາລູກແສ້ຫລານສາວ ລາວ-ອາເມຣິກັນ
ພະນະທ່ານ Daniel A. Clune ໄດ້ຖືກແຕ່ງຕັ້ງໂດຍ ປະທານາ
ທິບໍດີ Barack Obamaໃຫ້ໄປປະຈຳໜ້າທີ່ຢູ່ ສປປ ລາວ ໃນ
ເດືອນສິງຫາ ປີ 2013.
ນັບແຕ່ປີ 1992 ເປັນຕົ້ນມາ ສະຫະລັດອາເມຣິກາແລະ ສປປ ລາວ ໄດ້ແລກປ່ຽນເອກ
ອັກຄະລັດຖະທູດຜູ້ມີອຳນາດເຕັມກັບ ໃນຂະນະທີ່ ບັນດານັກການທູດ ດຳລົງຢູ່ໃນຕຳ
ແໜ່ງນັ້ນ ມີຫລາຍໆທ່ານພາກັນເດີນທາງກັບມາຢ້ຽມຢາມປະຊາຄົມລາວ-ອາເມຣິກັນ
ໂດຍຊັກຊວນໃຫ້ເຂົາເຈົ້າ ກັບຄືນໄປຢ້ຽມຢາມບ້ານເກີດເມືອງນອນ ເຮັດການຄ້າ ລົງ
ທຶນ ແລະແລກປ່ຽນວັດທະນາທຳ. ບ່ອນທີ່ບັນດານັກການທູດມັກມາຢ້ຽມຢາມນັ້ນ ແມ່ນ
ຢູ່ໃນຂົງເຂດທີ່ມີບັນດາຊາວລາວແລະຊົນຊາດຊົນເຜົ່າ ພາກັນຕັ້ງຖິ່ນຖານຢູ່ຫລາຍ
ໂດຍສະເພາະ ຢູ່ທີ່ເຂດນະຄອນແຊນ ແຟຣນຊິສໂກ ແລະນະຄອນຫລວງ