ເຈົ້າໜ້າທີ່ສືບລັບສູງສຸດຂອງສະຫະລັດ ຈະບໍ່ຢູ່ປະຕິບັດງານຕໍ່ກັບປະທານາທິ ບໍດີທີ່ຖືກເລືອກໃໝ່ ທ່ານ Donald Trump ແລະໄດ້ກ່າວຕໍ່ບັນດາສະມາຊິກສະພາວ່າ ທ່ານໄດ້ຍື່ນໃບລາອອກຂອງທ່ານແລ້ວ.
ຜູ້ອຳນວຍການອົງການສືບລັບແຫ່ງຊາດສະຫະລັດ ຫຼື DNI ທ່ານ James Clapper ໄດ້ສ້າງຄວາມແປກໃຈແກ່ບັນດາຜູ້ເຂົ້າຮ່ວມຈຳນວນນຶ່ງ ໂດຍການລາອອກຢ່າງເປັນທາງ ການ ໃນຕອນເລີ້ມຕົ້ນການຮັບຟັງຄຳໃຫ້ການຂອງຄະນະກຳມະການສືບລັບລັດຖະສະ ພາສະຫະລັດ ໃນວັນພະຫັດວານນີ້.
ທ່ານ Clapper ໄດ້ກ່າວຕໍ່ບັນດາສະມາຊິກສະພາວ່າ “ຂ້າພະເຈົ້າໄດ້ຍື່ນໜັງສືລາອອກໃນຄືນແລ້ວນີ້ ຊຶ່ງມີຄວາມຮູ້ສຶຶກດີຫລາຍ.”
ທ່ານໄດ້ກ່າວເພີ້ມອີກວ່າ “ຂ້າພະເຈົ້າມີເວລາເຫລືອຢູ່ອີກ 64 ມຶື້ ແລະຂ້າພະເຈົ້າຄິດວ່າ ຂ້າພະເຈົ້າມີບັນຫາໜັກ ກັບພັນລະຍາຂອງຂ້າພະເຈົ້າ ຖ້າຫາກຢູ່ເກີນໄປກວ່ານັ້ນ.”
ການປະກາດດັ່ງກ່າວ ໄດ້ພາໃຫ້ເກີດມີການຄາດຄະເນກັນ ໃນທັນທີວ່າ ທ່ານ Clapper ອາດພະຍາຍາມສົ່ງຂ່າວໄປໃຫ້ລັດຖະບານຂອງທ່ານ Trump ທີ່ຈະເຂົ້າມາຮັບໜ້າທີ່. ແຕ່ວ່າໂຄສົກຄົນນຶ່ງໄດ້ພະຍາຍາມບໍ່ກ່າວເຖິງຄວາມເປັນຫ່ວງດັ່ງກ່າວ.
Your browser doesn’t support HTML5
US Director of National Intelligence James Clapper Submits Resignation
ໂຄສົກກ່າວວ່າ ທ່ານ Clapper ຈາກອົງການ DNI ໄດ້ເຊັນໜັງສືຂອງທ່ານຕາມທີ່ໄດ້
ບັງຄັບໄວ້ ໂດຍບັນດາເຈົ້າໜ້າທີ່ ທີ່ຖືກແຕ່ງຕັ້ງທັງໝົດ ແຕ່ໄດ້ເສັດສິ້ນສະໄໝເຮັດວຽກ ຂອງທ່ານໄປແລ້ວ.
ໂຄສົກ ໄດ້ກ່າວຢ້ຳເພີ້ມອີກວ່າ ການລາອອກ ຂອງທ່ານ Clapper ຈະມີຜົນບັງຄັບໃຊ້
"ໃນຕອນທ່ຽງວັນທີ 20 ເດືອນມັງກອນ ປີ 2017” ຊຶ່ງເປັນວັນດຽວກັນກັບທີ່ທ່ານ Trump ເຂົ້າຮັບຕຳແໜ່ງ.
ທ່ານ Clapper ໄດ້ໃຫ້ຮ່ອງຮອຍມາເປັນເວລານານແລ້ວ ທີ່ທ່ານຈະລາອອກໃນເວລາສິ້ນສຸດສະໄໝການດຳລົງຕຳແໜ່ງຂອງລັດຖະບານ ທ່ານ Obama.