ລັດຖະມົນຕີກະຊວງປ້ອງກັນປະເທດສະຫະລັດທ່ານ Robert Gates ໄດ້ປະກາດກ່ຽວກັບ
ການຕັດເງິນ 78 ພັນລ້ານໂດລາ ຈາກງົບປະມານທຳນຽບ 5 ແຈໃນໄລຍະ 5 ປີຂ້າງໜ້າ
ເພີ່ມຕື່ມໃສ່ຈໍານວນ 100 ພັນລ້ານໂດລາ ທີ່ທາງກອງທັບທຸກເຫລົ່າຂອງສະຫະລັດຈຳເປັນ
ຕ້ອງໄດ້ປະຢັດ ຕາມຄໍາສັ່ງຂອງລັດຖະສະພານັ້ນ.
ໃນວັນພະຫັດວານນີ້ ທ່ານ Gates ໄດ້ພົບປະກັບພວກຜູ້ນຳລັດຖະສະພາສະຫະລັດເພື່ອ
ແຈ້ງໃຫ້ຊາບໂດຍສັງເຂບ ກ່ຽວກັບການປ່ຽນແປງຕ່າງໆ ຮວມທັງການລົບລ້າງການສ້າງ
ຍານສະເທີນນໍ້າສະເທີນບົກໃນມູນຄ່າ 14 ພັນລ້ານໂດລາທີ່ໄດ້ມີການວາງແຜນໄວ້ສຳລັບ
ທະຫານມາຣີນ.
ແຜນການຕັດການໃຊ້ຈ່າຍຂອງລັດຖະມົນຕີປ້ອງກັນປະເທດສະຫະລັດທີ່ວ່ານີ້ແມ່ນໝາຍ
ຄວາມວ່າ ຈະຕ້ອງໄດ້ປັບປຸງປະສິດທິພາບຂອງທໍານຽບ 5 ແຈ ໂດຍການຕັດໂຄງການ
ຕ່າງໆທີ່ບໍ່ມີຄວາມສຳຄັນສູງ ໂຄງການທີ່ມີຫຼາຍເກີນຄວາມຈຳເປັນແລະໂຄງການທີ່ລ້າ
ສະໄໝແລ້ວ ແລະນຳເງິນທີ່ປະປັດໄດ້ນັ້ນ ໄປໃຊ້ສຳລັບໂຄງການອື່ນໆ.
ທ່ານ Gates ກ່າວຕໍ່ພວກນັກຂ່າວ ໃນວັນພະຫັດວານນີ້ວ່າ ການປ່ຽນແປງທີ່ວ່ານີ້ຈະຕັດ ການໃຊ້ຈ່າຍທີ່ຟູມເຟືອຍແລະບໍ່ຈຳເປັນລົງ ແຕ່ແຜນການດັ່ງກ່າວ ອາດຈະໄດ້ຮັບການຄັດ
ຄ້ານ ຈາກລັດຖະສະພາສະຫະລັດ ບ່ອນທີ່ສະມາຊິກໃນບາງຄັ້ງມີຄວາມລັງເລໃຈທີ່ຈະຕັດ
ການໃຊ້ຈ່າຍ ທີ່ໃຫ້ຜົນປະໂຫຍດແກ່ເຂດເລືອກຕັ້ງຂອງພວກເຂົາເຈົ້ານັ້ນ.
ຍານສະເທີນນໍ້າສະເທີນບົກ ທີ່ທ່ານ Gates ສະເໜີໃຫ້ຕັດນີ້ ໄດ້ມີການຊັກຊ້າມາ ເປັນ
ເວລາຫຼາຍໆປີແລ້ວ ແລະມີລາຄາແພງກວ່າທີ່ໄດ້ຄາດໄວ້ ຫຼາຍພັນລ້ານໂດລາ.