ລັດຖະມົນຕີ ປ້ອງກັນປະເທດສະຫະລັດ ທ່ານ Ashton Carter
ໄດ້ສະແດງການສະໜັບສະໜູນຢ່າງເຕັມທີ່ ໃນການຍົກຍ້າຍຜູ້
ຖືກກັກຂັງຢູ່ອ່າວ Guantanamo.
ທ່ານ Carter ໄດ້ເນັ້ນໜັກ ຢູ່ກອງປະຊຸມນັກຂ່າວ ໃນວັນພະຫັດ
ວ່ານນີ້ວ່າ ບໍ່ໄດ້ມີຄວາມກົດດັນໃດໆຈາກທຳນຽບຂາວ ໃນການ
ຍົກຍ້າຍພວກນັກໂທດຢູ່ ອ່າວ Guantanamo ຊຶ່ງທ່ານກ່າວ
ເພີ້ມອີກວ່າ “ຂ້າພະເຈົ້າເຫັນດີ ຄືກັນກັບປະທານາທິບໍດີເຫັນດີ.
” ພາຍໃຕ້ກົດໝາຍ ສະຫະລັດ ລັດຖະມົນຕີ ປ້ອງກັນປະເທດ
ເປັນບຸກຄົນສຸດທ້າຍ ທີ່ສາມາດໃຫ້ການອະນຸມັດ ຕໍ່ການຍົກຍ້າຍໃດໆກໍຕາມຈາກອ່າວ Quantanamo.
ທ່ານຢືນຢັນຕໍ່ລາຍງານຂອງວີໂອເອ ຫວ່າງມໍ່ໆມານີ້ວ່າ ຄະນະທຳນຽບຫ້າແຈ ກຳລັງຊອກ
ເບິ່ງສະຖານທີ່ຕ່າງໆຢູ່ໃນສະຫະລັດ ເພື່ອຍົກຍ້າຍບັນດານັກໂທດ ທີ່ກຳລັງຖືກກັກຂັງຢູ່
ຖານທັບເຮືອສະຫະລັດ ໃນຄິວບາດັ່ງກ່າວ.
ທ່ານ Carter ກ່າວວ່າ ສະຖານທີ່ສຳຄັນສອງບ່ອນ ກຳລັງຢູ່ພາຍໃຕ້ການກໍ່ສ້າງ ເປັນຄຸກ
ຄຸມຂັງຂອງທະຫານ ທີ່ Fort Leavenworth ລັດ Kansas ແລະທີ່ເມືອງ Charleston
ຖານທັບເຮືອໃນລັດ South Carolina. ທ່ານໄດ້ກ່າວເພີ້ມເຕີມວ່າ “ພວກເຮົາກຳລັງຊອກ
ຫາແຫ່ງອຶ່ນໆອີກເຊັ່ນກັນ”.
ລັດຖະມົນຕີ ປ້ອງກັນປະເທດ ກ່າວວ່າ ນັກໂທດປະມານ 50 ຄົນ ສົມຄວນທີ່ຈະໄດ້ຮັບ
ການຍົກຍ້າຍໄປຢູ່ປະເທດອຶ່ນ ແຕ່ວ່າກຸ່ມທີສອງຕ້ອງຍັງຖືກຄຸມຂັງ“ພາຍໃຕ້ກົດໝາຍ
ຊະເລີຍເສິກ.”
ທ່ານ Cater ໄດ້ອະທິບາຍວ່າ ບັນດາສະມາຊິກຂອງກຸ່ມນີ້ ຕ້ອງຢູ່ໃນຄຸກສະ ຫະລັດ ເພື່ອ
ຈະປິດຄຸກທີ່ອ່າວ Quantanamo ໄດ້.
ໂຄສົກປ້ອງກັນປະເທດ ທ່ານນຶ່ງ ກ່າວຕໍ່ ວີໂອເອ ໃນອາທິດແລ້ວນີ້ວ່າ ບັນດາເຈົ້າໜ້າທີ່
ທະຫານ ຈະພິຈາລະນາສຳຫລວດເບິ່ງສະຖານທີ່ຕ່າງໆຂອງ “ທະ ຫານແລະພົນລະ
ເຮືອນ” ເພື່ອພິຈາລະນາວ່າ ເຂົາເຈົ້າສາມາດ ປະຕິບັດຕາມກົດໝາຍ ການກັກຂັງຊະເຊີຍ
ເສິກ “ທີ່ໃຫ້ມີມະນຸດສະທຳ ແລະມີຄວາມປອດໄພ.”
Your browser doesn’t support HTML5
US Gitmo