ມັນຈະເປັນຄວາມຄືບໜ້າທີ່ “ອັນຕະລາຍ ແລະ ໜ້າເປັນຫ່ວງຢ່າງສູງ” ຖ້າ ເກົາຫຼີເໜືອ ໄດ້ສົ່ງທະຫານຂອງເຂົາເຈົ້າໄປຊ່ວຍ ຣັດເຊຍ ໃນ ຢູເຄຣນ, ສະຫະລັດ ໄດ້ກ່າວໃນວັນຈັນວານນີ້ ໃນຂະນະທີ່ ເກົາຫຼີໃຕ້ ແລະ ອັງກິດ ໄດ້ເຕືອນ ກ່ຽວກັບ ຜົນຕາມມາທີ່ ຣັດເຊຍ ອາດຕ້ອງໄດ້ຊົດໃຊ້ຕໍ່ ພຽງຢາງ.
ຮອງເອກອັກຄະລັດຖະທູດ ສະຫະລັດ ປະຈຳອົງການສະຫະປະຊາຊາດ ທ່ານ ໂຣເບີດ ວູດ ໄດ້ກ່າວຕໍ່ສະມາຊິກ 15 ປະເທດຂອງສະພາຄວາມໝັ້ນຄົງສະຫະປະຊາຊາດວ່າ “ພວກເຮົາກຳລັງປຶກສາຫາລືກັບບັນດາພັນທະມິດ ແລະ ຄູ່ຮ່ວມມື ກ່ຽວກັບ ຜົນທີ່ຕາມມາຂອງການເຄື່ອນໄຫວທີ່ບໍ່ເຄີຍຄິດມາກ່ອນນັ້ນ.” ຣັດເຊຍ ໄດ້ບຸກລຸກປະເທດ ຢູເຄຣນ ທີ່ຢູ່ໃກ້ຄຽງໃນເດືອນກຸມພາ 2022.
ປະທານາທິບໍດີ ຢູເຄຣນ ທ່ານ ໂວໂລດີເມຍ ເຊເລັນສກີ ໄດ້ກ່າວຫາ ພຽງຢາງ ກ່ຽວກັບ ການກະກຽມທີ່ຈະສົ່ງທະຫານ 10,000 ຄົນໄປ ຣັດເຊຍ. ເອກອັກຄະລັດຖະທູດ ຢູເຄຣນ ທ່ານ ເຊີເກ ຄິສລິດເຊຍ ໄດ້ກ່າວຕໍ່ສະພາຄວາມໝັ້ນຄົງໃນວັນຈັນວານນີ້ວ່າ “ກອງທະຫານພວກນີ້ແມ່ນຄາດວ່າຈະມີຄວາມພ້ອມສຳລັບເຮັດສົງຄາມກັບ ຢູເຄຣນ ໃນວັນທີ 1 ພະຈິກ.
ອົງການສອດແນມຂອງ ເກົາຫຼີໃຕ້ ໄດ້ກ່າວໃນອາທິດທີ່ຜ່ານມາວ່າ ເກົາຫຼີເໜືອ ໄດ້ສົ່ງກຳລັງທະຫານພິເສດ 1,500 ຄົນໄປເຂດຕາເວັນອອກໄກຂອງ ຣັດເຊຍ ສຳລັບການຝຶກຊ້ອມ ແລະ ທຳຄວາມຄຸ້ນເຄີຍຢູ່ຖານທັບ ແລະ ວ່າພວກເຂົາມີຄວາມເປັນໄປໄດ້ວ່າຈະຖືກສົ່ງໄປຕໍ່ສູ້ໃນ ຢູເຄຣນ.
ທ່ານ ວູດ ໄດ້ກ່າວ ກ່ຽວກັບ ລາຍງານຕ່າງໆໂດຍໃຊ້ຊື່ທາງການຂອງ ເກົາຫຼີເໜືອວ່າ “ຖ້າເປັນຄວາມຈິງ, ສິ່ງນີ້ຈະເປັນຂີດໝາຍຄວບຄືບໜ້າທີ່ອັນຕະລາຍ ແລະ ໜ້າເປັນຫ່ວງຢ່າງສູງ ແລະ ເປັນສາຍພົວພັນທີ່ເລິກເຊິ່ງຢ່າງເຫັນໄດ້ຊັດລະຫວ່າງ ສປປ ເກົາຫຼີ ແລະ ກອງທັບ ຣັດເຊຍ.”
ວັງເຄຣັມລິນ ໃນຕອນເຊົ້າວັນຈັນວານນີ້ໄດ້ປະຕິເສດທີ່ຈະຕອບຄຳຖາມໂດຍກົງ ກ່ຽວກັບວ່າ ທະຫານ ເກົາຫຼີເໜືອ ຈະໄປຕໍ່ສູ້ໃນ ຢູເຄຣນ ຫຼືບໍ່, ແຕ່ໂຄສົກ ທ່ານ ດີມິທຣີ ເປັສກອຟ ກ່າວວ່າ ການຮ່ວມມືຂອງ ມົສກູ ກັບ ພຽງຢາງ ແມ່ນບໍ່ໄດ້ມີຈຸດປະສົງຕໍ່ຕ້ານປະເທດທີສາມ.
ເອກອັກຄະລັດຖະທູດຂອງ ຣັດເຊຍ ປະຈຳອົງການສະຫະປະຊາຊາດ ທ່ານ ວາສຊີລີ ເນເບັນເຊຍ ໄດ້ກ່າວຫາບັນດາປະເທດຕາເວັນຕົກ ກ່ຽວກັບ “ການເສຍສະມາທິ ດ້ວຍການຍຸແຍ່ຄວາມຢ້ານກົວດ້ວຍຄວາມອັກຄະຕິຈາກ ອີຣ່ານ, ຈີນ ແລະ ເກົາຫຼີ, ເຊິ່ງແຕ່ລະຢ່າງລ້ວນແຕ່ໄຮ້ສາລະກວ່າຄັ້ງກ່ອນໆ.
ເອກອັກຄະລັດຖະທູດ ອັງກິດ ປະຈຳອົງການສະຫະປະຊາຊາດ ທ່ານນາງ ບາບາຣາ ວູດເຫວີດ ກ່າວວ່າ ມັນມີ “ຄວາມເປັນໄປໄດ້ຢ່າງສູງ” ວ່າ ເກົາຫຼີເໜືອ ໄດ້ສົ່ງທະຫານໄປ ຣັດເຊຍ.
ອ່ານຂ່າວນີ້ເປັນພາສາອັງກິດ
It would be a "dangerous and highly concerning development" if North Korea was sending troops to help Russia in Ukraine, the United States said on Monday as South Korea and Britain warned of the high price Moscow would likely have to pay Pyongyang.
"We are consulting with our allies and partners on the implications of such a dramatic move," deputy U.S. Ambassador to the U.N. Robert Wood told the 15-member United Nations Security Council. Russia invaded neighboring Ukraine in February 2022.
Ukrainian President Volodymyr Zelenskiy has accused Pyongyang of preparing to send 10,000 soldiers to Russia. Ukraine's U.N. Ambassador Sergiy Kyslytsya told the Security Council on Monday: "These troops are expected to be ready for war against Ukraine by November 1."
South Korea's spy agency said last week that North Korea had shipped 1,500 special forces troops to Russia's Far East for training and acclimatising at military bases and that they were likely to be deployed for combat in Ukraine.
"If true, this marks a dangerous and highly concerning development and an obvious deepening of the DPRK, Russia military relationship," Wood said of the reports, using North Korea's formal name - the Democratic People's Republic of Korea.
The Kremlin earlier on Monday declined to directly answer a query on whether North Korean troops were going to fight in Ukraine, but spokesman Dmitry Peskov said Moscow's cooperation with Pyongyang was not directed against third countries.
Russia's U.N. Ambassador Vassily Nebenzia accused Western countries of becoming "distracted by circulating scare mongering with Iranian, Chinese and Korean bogeymen, each one of which is more absurd than the one before."
Britain's U.N. Ambassador Barbara Woodward said it was "highly likely" that North Korea was sending troops.