ທ່ານ John Kerry ລັດຖະມົນຕີຕ່າງປະເທດສະຫະລັດ ໄດ້ພົບ
ປະກັບບັນດາຜູ້ນໍາຝ່າຍຄ້ານຂອງຊີເຣຍເມື່ອວັນພະຫັດມື້ນີ້ ທີ່
ນະຄອນຫຼວງໂຣມ ປະເທດອິຕາລີ ທີ່ຄາດວ່າຈະມີໂຮມທັງການ
ປະກາດການຊ່ວຍເຫຼືອບັ້ນໃໝ່ສໍາລັບຝ່າຍຕໍ່ຕ້ານຊີເຣຍນັ້ນ.
ການເຈລະຈາກັນນີ້ ມີຂຶ້ນທ່າມກາງກອງປະຊຸມເພື່ອນມິດຂອງຊີເຣຍ ຫລື Friends of Syria ໃນລະດັບກວ້າງຂວາງກວ່າເກົ່າ ທີ່ມີປະເທດຕ່າງໆ ເຂົ້າຮ່ວມ ໂດຍສ່ວນໃຫຍ່ຈາກພາກພື້ນຢູໂຣບ ແລະຕາເວັນອອກກາງ ທີ່ໜຸນຫຼັງພວກຄັດຄ້ານປະທານາທິບໍດີຊີເຣຍ ທ່ານ Bashar al-Assad.
ທ່ານ Kerry ເວົ້າເມື່ອວັນພຸດວານນີ້ວ່າ ຂະນະນີ້ສະຫະລັດກໍາລັງຊອກຫາວິທີທາງ ເພື່ອເລັ່ງລັດການໂອນອໍານາດທາງການເມືອງ ທີ່ປະຊາຊົນຊີເຣຍຕ້ອງການນັ້ນຢູ່.
ທ່ານ Jay Carney ໂຄສົກທໍານຽບຂາວ ເວົ້າເມື່ອວັນພຸດວານນີ້ວ່າ ສະຫະລັດແມ່ນເພັ່ງເລັງໃສ່ການໃຫ້ການຊ່ວຍເຫຼືອກຸ່ມຝ່າຍຄ້ານຂອງຊີເຣຍ ໃຫ້ມີຄວາມເຂັ້ມແຂງ ມີຄວາມກົມກຽວ ແລະໃຫ້ມີການຈັດຕັ້ງທີ່ດີຂຶ້ນກວ່າເກົ່າ. ທ່ານ Kerry ເວົ້າອີກວ່າ ທາງການສະຫະລັດຈະສຶກສາ ພິດຈາລະນາທາງເລືອກ ທີ່ເປັນໄປໄດ້ທຸກໆຢ່າງ ເພື່ອຊ່ວຍກອບກູ້ຊີເຣຍ ໃນຍຸກຫຼັງທ່ານ Assad ນັ້ນ.
ເບິ່ງວີດິໂອກ່ຽວຂ້ອງກັບຂ່າວນີ້:
ເທົ່າເຖິງປັດຈຸບັນນີ້ ສະຫະລັດ ໄດ້ສະໜອງການຊ່ວຍເຫຼືອທີ່ບໍ່ແມ່ນອາວຸດ ແກ່ຝ່າຍຕໍ່ຕ້ານຊີເຣຍ ເຊັ່ນອຸບປະກອນສື່ສານ ເປັນຕົ້ນ. ໜັງສືພິມ Washington Post ແລະ New York Times ລາຍງານວ່າ ການຂະ ຫຍາຍການຊ່ວຍເຫຼືອຂອງສະຫະລັດ ອາດມີໂຮມທັງໃຫ້ການເຝິກແອບທະຫານ ແລະອຸບປະກອນ ເຊັ່ນລົດ ແລະກ້ອງສ່ອງ ຍາມກາງຄືນ ແຕ່ບໍ່ແມ່ນອາວຸດ.
ປະກັບບັນດາຜູ້ນໍາຝ່າຍຄ້ານຂອງຊີເຣຍເມື່ອວັນພະຫັດມື້ນີ້ ທີ່
ນະຄອນຫຼວງໂຣມ ປະເທດອິຕາລີ ທີ່ຄາດວ່າຈະມີໂຮມທັງການ
ປະກາດການຊ່ວຍເຫຼືອບັ້ນໃໝ່ສໍາລັບຝ່າຍຕໍ່ຕ້ານຊີເຣຍນັ້ນ.
ການເຈລະຈາກັນນີ້ ມີຂຶ້ນທ່າມກາງກອງປະຊຸມເພື່ອນມິດຂອງຊີເຣຍ ຫລື Friends of Syria ໃນລະດັບກວ້າງຂວາງກວ່າເກົ່າ ທີ່ມີປະເທດຕ່າງໆ ເຂົ້າຮ່ວມ ໂດຍສ່ວນໃຫຍ່ຈາກພາກພື້ນຢູໂຣບ ແລະຕາເວັນອອກກາງ ທີ່ໜຸນຫຼັງພວກຄັດຄ້ານປະທານາທິບໍດີຊີເຣຍ ທ່ານ Bashar al-Assad.
ທ່ານ Kerry ເວົ້າເມື່ອວັນພຸດວານນີ້ວ່າ ຂະນະນີ້ສະຫະລັດກໍາລັງຊອກຫາວິທີທາງ ເພື່ອເລັ່ງລັດການໂອນອໍານາດທາງການເມືອງ ທີ່ປະຊາຊົນຊີເຣຍຕ້ອງການນັ້ນຢູ່.
ທ່ານ Jay Carney ໂຄສົກທໍານຽບຂາວ ເວົ້າເມື່ອວັນພຸດວານນີ້ວ່າ ສະຫະລັດແມ່ນເພັ່ງເລັງໃສ່ການໃຫ້ການຊ່ວຍເຫຼືອກຸ່ມຝ່າຍຄ້ານຂອງຊີເຣຍ ໃຫ້ມີຄວາມເຂັ້ມແຂງ ມີຄວາມກົມກຽວ ແລະໃຫ້ມີການຈັດຕັ້ງທີ່ດີຂຶ້ນກວ່າເກົ່າ. ທ່ານ Kerry ເວົ້າອີກວ່າ ທາງການສະຫະລັດຈະສຶກສາ ພິດຈາລະນາທາງເລືອກ ທີ່ເປັນໄປໄດ້ທຸກໆຢ່າງ ເພື່ອຊ່ວຍກອບກູ້ຊີເຣຍ ໃນຍຸກຫຼັງທ່ານ Assad ນັ້ນ.
ເບິ່ງວີດິໂອກ່ຽວຂ້ອງກັບຂ່າວນີ້:
Your browser doesn’t support HTML5
ທ່ານ Kerry ພົບກັບຜູ້ນໍາ ຝ່າຍຄ້ານຂອງຊີເຣຍ ຢູ່ກຸງໂຣມ
ເທົ່າເຖິງປັດຈຸບັນນີ້ ສະຫະລັດ ໄດ້ສະໜອງການຊ່ວຍເຫຼືອທີ່ບໍ່ແມ່ນອາວຸດ ແກ່ຝ່າຍຕໍ່ຕ້ານຊີເຣຍ ເຊັ່ນອຸບປະກອນສື່ສານ ເປັນຕົ້ນ. ໜັງສືພິມ Washington Post ແລະ New York Times ລາຍງານວ່າ ການຂະ ຫຍາຍການຊ່ວຍເຫຼືອຂອງສະຫະລັດ ອາດມີໂຮມທັງໃຫ້ການເຝິກແອບທະຫານ ແລະອຸບປະກອນ ເຊັ່ນລົດ ແລະກ້ອງສ່ອງ ຍາມກາງຄືນ ແຕ່ບໍ່ແມ່ນອາວຸດ.
ພາບຫລ້າສຸດ ຂອງການຢ້ຽມຢາມຕ່າງປະເທດ ຂອງທ່ານ John Kerry