ປະທານາທິບໍດີ ສະຫະລັດ ທ່ານ Barack Obama ຕິຕຽນສະ
ມາຊິກສະພາສູງສັງກັດພັກຣີພັບບລິກັນ 47 ຄົນ ທີ່ໄດ້ເຕືອນ
ອີຣ່ານ ໃນວັນຈັນວານນີ້ວ່າ ຂໍ້ຕົກລົງນິວເຄລຍໃດໆກໍຕາມ ທີ່ອີ
ຣ່ານເຈລະຈາກັບທ່ານ Obama ນັ້ນ ອາດຈະໝົດອາຍຸລົງ
ຫລັງຈາກທ່ານອອກຈາກຕຳແໜ່ງໄປແລ້ວ ໃນຕົ້ນປີ 2017.
ທ່ານ Obama ໄດ້ກ່າວຕໍ່ບັນດານັກຂ່າວ ທີ່ທຳນຽບຂາວ ໃນ
ວັນຈັນວານນີ້ວ່າ ການປະຕິບັດຂອງພັກຣີພັບບລິກັນນັ້ນ ແມ່ນ
ເປັນ “ການເຍາະເຍີ້ຍ” ເພາະວ່າບັນດາສະມາຊິກສະພາສູງ
ປາກົດວ່າ ຢາກເຂົ້າຂ້າງວາງຕົວເປັນພັນທະມິດກັບ “ພວກຫົວ
ແຂງກະດ້າງ” ໃນອີຣ່ານ. ທ່ານກ່າວວ່າ “ມັນເປັນກຸ່ມປະສົມທີ່ຂ້ອນ ຂ້າງຜິດປົກກະຕິ.”
ລັດຖະມົນຕີຕ່າງປະເທດອີຣ່ານ ທ່ານ Javad Zarif ຍັງໄດ້ຕິຕຽນໜັງສືຂອງ ພັກຣີພັບ
ບລິກັນວ່າ “ມັນບໍ່ມີຄຸ່ນຄ່າໃດໆທາງດ້ານກົດໝາຍແລະສ່ວນໃຫຍ່ແລ້ວ ເປັນແຜນການ
ໂຄສະນາຊວນເຊື່ອ.” ທ່ານກ່າວວ່າ ຖ້າຫາກລັດຖະບານສະຫະ ລັດ ຫາກລົບລ້າງຂໍ້
ຕົກລົງໃດໆກັບອີຣ່ານ ມັນກໍຈະເປັນການ “ລະເມີດຢ່າງເປີດແປນຕໍ່ກົດໝາຍສາກົນ.”
ຢູ່ໃນໜັງສືໄປຫານະຄອນເຕຫະຣານນັ້ນ ບັນດາສະມາຊິກສະພາສູງພັກຣີພັບບລິກັນ
ກ່າວວ່າ ຖ້າຫາກຂໍ້ຕົກລົງໃດໆກໍຕາມທີ່ກຳລັງເຈລະຈາກັບສະຫະລັດ ແລະຫ້າປະເທດ
ມະຫາອຳນາດອຶ່ນໆຢູ່ໃນປັດຈຸບັນນີ້ ບໍ່ໄດ້ຮັບການອະນຸມັດຈາກສະພາແລ້ວ ມັນຈະຖືກ
ພິຈາລະນາວ່າຂໍ້ຕົກລົງດັ່ງກ່າວ “ບໍ່ມີຫຍັງຫລາຍໄປກວ່າຂໍ້ຕົກລົງຂອງຝ່າຍບໍລິຫານ
”ລະຫວ່າງປະທານາທິບໍດີ Obama ແລະຜູ້ນຳສູງສຸດຂອງອີຣ່ານ Ayatollah Ali Kahamenei.
Your browser doesn’t support HTML5
IRAN NUCLEAR US SENATORS VOSOT