ເຈົ້າໜ້າທີ່ສະຫະລັດ ໄດ້ກ່າວໃນວັນອັງຄານແລ້ວນີ້ວ່າ ປະທານາ
ທິບໍດີ ບາຣັກ ໂອບາມາ ຈະຕັດສິນໃຈຢ່າງໄວທີ່ສຸດແມ່ນໃນສັບ
ປະດານີ້ ກ່ຽວກັບແຜນການ ທີ່ຈະສົ່ງຄູຝຶກທະຫານ ເພີ້ມຕື່ມຈຳ
ນວນຫລາຍຮ້ອຍຄົນໄປຍັງອີຣັກ ໃນຂະນະທີ່ທຳນຽບຫ້າແຈ
ຍັງສືບຕໍ່ພະຍາຍາມຫາທາງເສີມຄວາມເຂັ້ມແຂງໃຫ້ແກ່ກອງ
ກຳລັງອີຣັກ ໃນການຕໍ່ສູ້ຕໍ່ພວກກໍ່ການຮ້າຍກຸ່ມລັດອິສລາມ.
ຄູຝຶກຊຸດໃໝ່ນີ້ ຊຶ່ງຈະມີຈຳນວນເຖິງ 500 ຄົນ ຈະໄປຮ່ວມສົບທົບ
ກັບຄູຝຶກແລະທີ່ປຶກສາ ຈຳນວນ 3 ພັນຄົນ ທີ່ປະທານາທິບໍດີ
ໂອບາມາໄດ້ອະນຸມັດໃນປີກາຍນີ້ ຫຼັງຈາກທີ່ກຸ່ມຫົວຮຸນແຮງເຂົ້າ
ຍຶດເອົາຫຼາຍໆເຂດໃນພາກເໜືອ ແລະພາກຕາເວັນຕົກຂອງອີຣັກ ໃນການບຸກ ໂຈມຕີທີ່ມີຂຶ້ນຊ້ຳແລ້ວຊ້ຳອີກ ທີ່ໄດ້ສ້າງຄວາມເສຍຫາຍໃຫ້ແກ່ກອງກຳລັງທະຫານອີຣັກ.
ເຈົ້າໜ້າໄດ້ກ່າວວ່າ ແຜນການທີ່ວ່ານີ້ ແມ່ນຮວມທັງການສ້າງຄ້າຍຝຶກແຫ່ງໃໝ່ ໃນແຂວງ
Anbar ແລະໃຫ້ການສະໜັບສະໜຸນເພີ້ໝຂຶ້ນແກ່ນັກລົບຊາວ Sunni ທີ່ຖືກມອງເຫັນວ່າ ມັນເປັນຄວາມສຳຄັນໃນການດຳເນີນຄວາມພະຍາຍາມ ເພື່ອເຂົ້າຍຶດເອົາແຂວງ Arbar ຄືນ. ກອງກຳລັງຮັກສາຄວາມປອດໄພອີຣັກ ທີ່ໄດ້ຮັບການສະໜັນສະໜຸນໂດຍພວກທະ ຫານບ້ານ ແມ່ນພະຍາຍາມທີ່ຈະເຂົ້າຍຶດເອົາບໍລິເວນໃກ້ໆກັບເມືອງ Ramadi ຊຶ່ງເປັນເມືອງຫຼວງຂອງແຂວງ ທີ່ໄດ້ຕົກຢູ່ໃນກຳມືຂອງພວກຫົວຮຸນແຮງ ນັບຕັ້ງແຕ່ເດືອນແລ້ວນີ້ ເປັນຕົ້ນມາ.
ໂຄສົກຂອງສະພາຄວາມໝັ້ນຄົງແຫ່ງຊາດ ທ່ານ Alistair Baskey ບໍ່ໄດ້ໃຫ້ລາຍລະອຽດແຕ່ຢາງໃດ ໃນວັນອັງຄານວານນີ້ ກ່ຽວກັບການຈະສົ່ງທີ່ປຶກສາໄປຊ່ອຍນັ້ນ ໂດຍກ່າວແຕ່
ພຽງວ່າ ທາງທຳນຽບຂາວພວມພິຈາລະນາ ກ່ຽວກັບທາງເລືອກຫຼາຍໆຢ່າງ.”
ທ່ານ Baskey ກ່າວວ່າ ທາງເລືອກເຫລົ່ານັ້ນ ແມ່ນຮວມທັງການສົ່ງຄູຝືກເພີ້ມຕື່ມໄປຍັງອິຣັກ.
ໃນວັນຈັນຜ່ານມານີ້ ທ່ານໂອບາມາ ໄດ້ກ່າວວ່າ ກອງກຳລັງທະຫານອີຣັກ ຊຶ່ງໄດ້ຮັບການຝຶກແອບໂດຍສະຫະລັດນັ້ນແມ່ນໄດ້ຜົນດີ ແລະທ່ານນາຍົກລັດຖະທົນຕີ Haider al-Abadi ກໍເຫັນພ້ອມເຖິງຄວາມຈຳເປັນໃນການມີກຳລັງຮັກສາຄວາມປອດໄພເພີ້ມຂຶ້ນ ທີ່ໄດ້ ຮັບການຝຶກແອບ ສົດໆຮ້ອນໆ ປະກອບອາວຸດເປັນຢ່າງດີ ແລະມີເປົ້າໝາຍຊັດເຈນ.
ນອກຈາກການໃຫ້ການຝຶກແອບແລ້ວ ສະຫະລັດ ຍັງໄດ້ເປັນຜູ້ນຳພາຂອງແນວໂຮມບັນດາປະເທດທີ່ໄດ້ກະທຳການໂຈມຕີທາງອາກາດ ຫລາຍກວ່າ 4 ພັນ 400 ເທື່ອ ໃນອີຣັກແລະຊີເຣຍ ທີ່ແນເປົ້າໝາຍໃສ່ກຸ່ມມລັດອິສລາມ. ໂຄສົກຂອງທຳນຽບຂາວ ທ່ານ Josh Earnest ໄດ້ກ່າວວ່າໃນວັນອັງຄານວານນີ້ວ່າ ມັນໄດ້ຫລັກຖານທີ່ສະແດງໃຫ້ເຫັນເຖິງການປະສົມປະສານງານຍຸດທະສາດຮ່ວມນັ້ນ ແມ່ນສາມາດບັນລຸຜົນໄດ້.
ເບິ່ງ: ການພົບປະຂອງ ປ. ໂອບາມາ ກັບ ທ່ານ Haider al-Abadi
Your browser doesn’t support HTML5
President Barack Obama's Comments on Lack of 'Complete Stategy' in Battling IS