ທ່ານ Timothy Geithner ລັດຖະມຸນຕີການເງິນສະຫະ ລັດໄດ້ພົບປະກັບເຈົ້າໜ້າທີ່ຂັ້ນສູງສຸດດ້ານການເງິນຂອງ ຈີນທ່ານນຶ່ງ ໃນວັນອາທິດມື້ນີ້ ໃນລະຫວ່າງການຢຸດແວ່ ເປັນເວລາສັ້ນໆຫລັງຈາກໄປຮ່ວມກອງປະຊຸມກຸ່ມ G-20 ທີ່ເກົາຫລີໃຕ້.
ທ່ານ Geithner ແລະທ່ານ Wang Qishen ຮອງ ນາຍົກລັດຖະມຸນຕີຈີນ ໄດ້ທໍາການໂອ້ລົມສົນທະນາກັນ ເປັນເວລາສັ້ນໆ ຢູ່ທີ່ສະໜາມບິນເມືອງ Qingdao ໃນພາກຕາເວັນອອກຂອງຈີນ.
ຫລັງຈາກການພົບປະກັນ ສະຖານທູດສະຫະລັດໄດ້ອອກຖະແຫລງການສະບັບນຶ່ງເວົ້າວ່າ ທັງສອງຝ່າຍໄດ້ແລກປ່ຽນຄວາມຄິດຄວາມເຫັນກັນ ກ່ຽວກັບຄວາມສໍາພັນດ້ານເສດ ຖະກິດລະຫວ່າງສະຫະລັດກັບຈີນ ແລະວ່າ ນອກນີ້ ສອງຝ່າຍຍັງໄດ້ທໍາການໂອ້ລົມສົນທະນາກັນເລື້ອງການກະກຽມຫ້າງຫາສໍາລັບກອງປະຊຸມຊຸດຍອດຂອງກຸ່ມ G-20 ທີ່ກຸງໂຊລ ເກົາຫລີໃຕ້ໃນວັນທີ 11 ແລະ 12 ພະຈິກ ເດືອນໜ້ານີ້ ນໍາອີກ.