ໜ່ວຍຍາມຝັ່ງສະຫະລັດ ກ່າວວ່າ ທ່າເຮືອແຫ່ງນຶ່ງ ຢູ່ໃນລັດ South Carolina
ທາງພາກໃຕ້ຂອງປະເທດ ໄດ້ເລີ່ມປະຕິບັດງານຄືນໃໝ່ ເປັນປົກກະຕິ ຫຼັງຈາກ
ທີ່ພະນັກງານສືບສວນ ໄດ້ກຳນົດວ່າ “ບໍ່ມີໄພຂົ່ມຂູ່ໃດໆເລີຍ” ຈາກຄວາມເປັນ
ຫ່ວງກ່ອນໜ້ານີ້ ກ່ຽວກັບວ່າ ອາດເປັນໄປໄດ້ວ່າ ມີລະເບີດນິວເຄລຍ ຫຼືເອີ້ນວ່າ
dirty bomb ຢູ່ເທິງເຮືອກ່ຳປັ່ນທີ່ເດີນທາງມາຮອດດ່ານດັ່ງກ່າວ ເມື່ອຕອນເດິກ
ວັນພຸດວານນີ້.
#BreakingNews Potential threat reported in Port of Charleston. Read more at https://t.co/8m2yUPyq04
— USCGSoutheast (@USCGSoutheast) June 15, 2017
ໄພຂົ່ມຂູ່ ທີ່ກ່ຽວຂ້ອງກັບເຮືອກ່ຳປັ່ນ Maersk Memphis ໄດ້ເຮັດໃຫ້ບັນດາ
ເຈົ້າໜ້າທີ່ ຍ້າຍພະນັກງານອອກຈາກດ່ານ Wando ໃນເມືອງ Charleston
ໃນຂະນະທີ່ ບັນດາພະນັກງານສືບສວນ ຂອງລັດຖະບານກາງ ແລະ ທ້ອງຖິ່ນ
ກວດເບິ່ງເລື່ອງດັ່ງກ່າວ. ໜ່ວຍຍາມຝັ່ງ ໄດ້ກ່າວເມື່ອຕອນເຊົ້າວັນພະຫັດມື້ນີ້
ວ່າຕູ້ສິນຄ້າ 4 ຕູ້ ໄດ້ຖືກກວດສອບເບິ່ງແລ້ວ ແລະ “ໄດ້ຜ່ານການກວດສອບ
ແລ້ວໂດຍທາງການ” ແລະ “ແຫລ່ງຂ່າວທີ່ລາຍງານໃນເບື້ອງຕົ້ນ” ກ່ຽວກັບ
ໄພຂົ່ມຂູ່ໄດ້ຖືກຄວບຄຸມໂຕໄວ້ ເພື່ອສອບຖາມ.
#update Unified Command determines no existing threat to the port. Terminal will reopen & safety zone has been lifted.
— USCGSoutheast (@USCGSoutheast) June 15, 2017
ບໍລິສັດ Maersk Line ຊຶ່ງເປັນຜູ້ປະກອບການ ເຮືອກ່ຳປັ່ນດັ່ງກ່າວ ໄດ້ຢືນຢັນ
ວ່າ ເຮືອກ່ຳປັ່ນຂອງຕົນ ໄດ້ຮັບຜ່ານການກວດສອບ ແລະໄດ້ຖືກປ່ອຍໄປແລ້ວ.
Your browser doesn’t support HTML5