ບັນດາເຈົ້າໜ້າທີ່ຂັ້ນສູງຂອງສະຫະລັດແລະອອສເຕຣເລຍ ໄດ້
ລົງນາມໃນຂໍ້ຕົກລົງສະບັບນຶ່ງ ເພື່ອຂະຫຍາຍການມີໜ້າຂອງ
ກອງທັບອາກາດແລະກອງທັບເຮືອຂອງສະຫະລັດ ຢູ່ໃນພາກ
ເໜືອຂອງອອສເຕຣເລຍ.
ຂໍ້ຕົກລົງດັ່ງກ່າວໄດ້ມີການລົງນາມກັນໃນວັນອັງຄານມື້ນີ້ ໃນລະ
ຫວ່າງ ການຢ້ຽມຢາມນະຄອນຊິດນີ ຂອງທ່ານ John Kerry
ລັດຖະມົນຕີການຕ່າງປະເທດ ແລະທ່ານ Chuck Hagel ຫົວ
ໜ້າທຳນຽບຫ້າແຈ ຂອງສະຫະລັດ.
ມັນເປັນຂັ້ນສຸດທ້າຍ ຂອງຂໍ້ຕົກລົງ ສະບັບ ປີ 2011 ທີ່ເຫັນວ່າເປັນພາກສ່ວນສຳຄັນ
ຂອງການສ້າງຄວາມສົມດຸນຂອງສະຫະລັດຄືນ ຕໍ່ເອເຊຍ ຊຶ່ງຈະສົ່ງທະຫານນາວິກກະໂຍທິນ 2500 ຄົນໄປມີໜ້າ ຢູ່ເມືອງ Darwin ພາຍໃນປີ 2017.
ທ່ານ John Kerry ທີ່ໄດ້ຍ້ອງຍໍອອສເຕຣເລຍ ວ່າເປັນ “ພາຄີທີ່ສຳ ຄັນ” ນັ້ນ ກ່າວວ່າ
ຂໍ້ຕົກລົງດັ່ງກ່າວຈະແກ້ໄຂເລື້ອງຕ່າງໆດ້ານຄວາມ ປອດໄພໃນຂົງເຂດ ຊຶ່ງມີຄວາມສຳ
ຄັນຕໍ່ທັງສອງຝ່າຍ.
ທ່ານ Kerry ກ່າວວ່າ “ພວກເຮົາປະເຊີນໜ້າ ກັບບັນຫາທ້າທາຍໃໝ່ຕ່າງໆ ເລື້ອງບັນຫາທະເລຈີນໃຕ້ ຄວາມບໍ່ແນ່ນອນໃນທະເລຍີ່ປຸ່ນ ແລະໃນແຫ່ງອື່ນໆ ເຊັ່ນເກົາຫຼີເໜືອ ແລະແນ່ນອນເລື້ອງພວກນັກຕໍ່ສູ້ຕ່າງປະເທດ ທີ່ໄປທຳການຕໍ່ສູ້ໃນຫຼາຍພາກສ່ວນຂອງໂລກ ແລະຮຽນຮູ້ກ່ຽວກັບສົງຄາມສາສະໜາອິສລາມ ແລະກັບຄືນມາດ້ວຍຄວາມຕັ້ງໃຈທີ່ບໍ່ດີ. ດັ່ງນີ້ ພວກເຮົາມີຫຼາຍສິ່ງຫລາຍຢ່າງທີ່ຈະຕ້ອງໄດ້ເຮັດນຳກັນ.”
ທ່ານ Kerry ແລະທ່ານ Hagel ໃນເວລາຕໍ່ມາ ໄດ້ທຳການໂອ້ລົມສົນທະນາກັນໃນ
ຂອບເຂດທີ່ກວ້າງຂວາງ ກ່ຽວກັບເລື້ອງຄວາມປອດໄພກັບພວກຄູ່ຕໍ່າແໜ່ງຝ່າຍອອສ
ເຕຣເລຍຄືທ່ານນາງ Julie Bishop ລັດຖະມົນຕີການຕ່າງປະເທດ ແລະທ່ານ David Johnston ລັດຖະມົນຕີປ້ອງກັນປະເທດອອສເຕຣເລຍ.
ບັນດາຜູ້ນຳຂອງສະຫະລັດ ແລະອອສເຕຣເລຍ ໄດ້ພະຍາຍາມລົດຄວາມເປັນຫ່ວງລົງ
ວ່າ ການມີສາຍພົວພັນທາງທະຫານທີ່ໃກ້ຊິດຂຶ້ນຂອງປະເທດຂອງເຂົາເຈົ້າ ມີວັດຖຸປະ
ສົງເພື່ອຍັບຍັ້ງການມີອິດທິພົນເພີ້ມທະວີຂຶ້ນຂອງຈີນ ດັ່ງທີ່ປັກກິ່ງໄດ້ກ່າວອ້າງໄປນັ້ນ.
ທ່ານ Kerry ກ່າວວ່າ ສະຫະລັດບໍ່ຢາກມີ “ຂໍ້ຂັດແຍ້ງ ແລະການປະເຊີນໜ້າກັນ” ກັບຈີນ ແຕ່ຫວັງວ່າ ປັກກິ່ງຈະກາຍເປັນ “ພາຄີທີ່ຮ່ວມໄມ້ຮ່ວມມືກັນໄດ້” ໃນເວທີສາກົນນັ້ນ.
ໃນເຊົ້າວັນອັງຄານມື້ນີ້ ທ່ານນາງ Bishop ກ່າວຕໍ່ບໍລິສັດກະຈາຍສຽງອອສເຕຣເລຍ ວ່າທັງສອງປະເທດ ພຽງແຕ່ພະຍາຍາມເພື່ອສະໜັບສະ ໜຸນ “ສັນຕິພາບ ສະຖຽນລະພາບ ແລະຄວາມມັ່ງຄັ່ງສົມບູນໃນໄລຍະຍາວຂອງພາກພື້ນເຮົາເທົ່ານັ້ນ.”
Your browser doesn’t support HTML5
usaustralia12august14