ບັນດາປະເທດມະຫາອຳນາດຕາເວັນຕົກ ພວມຮຽກຮ້ອງໃຫ້ສະ
ພາຄວາມໝັ້ນຄົງອົງການສະຫະປະຊາຊາດ ທຳການປະຊຸມອີກ
ຮອບນຶ່ງກ່ຽວກັບການລະເມີດສິດທິມະນຸດຢູ່ໃນເກົາຫຼີເໜືອຊຶ່ງມີ
ການກ່າວຫາວ່າໄດ້ກໍ່ໂທດກຳທີ່ຮ້າຍແຮງທີ່ສຸດໃນໂລກ.
ສະຫະລັດແລະພັນທະມິດ 8 ປະເທດໄດ້ຮ້ອງຂໍໃຫ້ເປີດກອງປະ
ຊຸມດັ່ງກ່າວ ອີງຕາມຖະແຫລງການ ທີ່ນຳອອກເຜີຍແຜ່ໃນຕອນ
ແລງວັນພະຫັດວານນີ້ໂດຍທ່ານ Hagar Chemali ໂຄສົກຂອງ
ຜູ້ຕາງໜ້າສະຫະປະຊາຊາດ ປະຈຳນະຄອນຫຼວງວໍຊິງຕັນ.
ທ່ານ Chemali ກ່າວຕື່ມວ່າ ສະຫະລັດຈະດຳເນີນການຢ່າງວ່ອງ
ໄວ ເພື່ອກຳ ນົດເວລາສຳລັບກອງປະຊຸມ ແຕ່ບໍ່ໄດ້ໃຫ້ລາຍລະອຽດວ່າແມ່ນຊ່ວງເວລາໃດແທ້.
ທ່ານນາງ Samantha Power ເອກອັກຄະລັດຖະທູດ ສຫລ ປະຈຳອົງການ ສປຊ
ໃນປີກາຍນີ້ ສະພາຄວາມໝັ້ນຄົງໄດ້ນຳເອົາເລື້ອງສິດທິມະນຸດໃນເກົາຫລີເໜືອເພີ້ມໃສ່
ຫົວຂໍ້ປະຊຸມຂອງຕົນ ພາຍໃຕ້ການຄັດຄ້ານຂອງຈີນແລະຣັດເຊຍ ຊຶ່ງຕ່າງກໍເປັນສະມາ
ຊິກຖາວອນຂອງສະພາຄວາມໝັ້ນຄົງ.
ເກົາຫລີເໜືອປະຕິເສດວ່າ ຕົນບໍ່ໄດ້ລະເມີດສິດທິມະນຸດແລະໄດ້ປະຕິເສດຕໍ່ການເຄື່ອນ
ໄຫວ ຂອງສະພາຄວາມໝັ້ນຄົງນັ້ນວ່າ ເປັນການແຊກແຊງ ຂອງຕ່າງປະເທດທີ່ບໍ່ເໝາະ
ສົມ. ພຽງຢາງ ຍັງບໍ່ມີປະຕິກິລິຍາຕອບໂຕ້ໃດໆ ກ່ຽວກັບການຮຽກຮ້ອງເທື່ອຫລ້າສຸດໃຫ້
ເປີດກອງປະຊຸມເທື່ອ.
ຄະນະກຳມາທິການ ສືບສວນຂອງອົງການສະຫະປະຊາຊາດ ໄດ້ລາຍງານໃນປີກາຍນີ້
ກ່ຽວກັບລາຍລະອຽດ ຂອງການລະເມີດສິດທິມະນຸດ ໃນຂອບເຂດທີ່ກວ້າງຂວາງ ຢູ່ໃນເກົາຫລີເໜືອ ຮວມທັງສູນພວກນັກໂທດ ການທໍລະມານຢ່າງເປັນລະບົບ ຄວາມອຶດຫິວ
ແລະການສັງຫານ ສົມທຽບໃສ່ກັບການກໍ່ໂທດກຳໃນສະໄໝນາຊີເຢຍຣະມັນ.
ລາຍງານດັ່ງກ່າວນີ້ ໄດ້ຊ່ອຍໃຫ້ກອງປະຊຸມສະມັດຊາໃຫຍ່ ອົງການສະຫະປະຊາຊາດຮຽກຮ້ອງໃຫ້ສະພາຄວາມໝັ້ນຄົງສະຫະປະຊາຊາດ ພິຈາລະນາເພື່ອສົ່ງເລື້ອງການລະ
ເມີດຂອງພຽງຢາງ ໄປໃຫ້ສານອາຍາສາກົນ ດຳເນີນຄະດີ ກ່ຽວກັບການກໍ່ໂທດກຳຕ້ານ
ມະນຸດຊາດ.