ເຈົ້າໜ້າທີ່ປ້ອງກັນປະເທດ ເກົາຫຼີໃຕ້ ກ່າວວ່າ ການຊ້ອມຮົບທາງ ທະຫານປະຈຳປີທີ່ໃກ້ຈະມາເຖິງນີ້ ກັບ ສະຫະລັດ ຈະເປັນຄັ້ງທີ່ ໃຫຍ່ທີ່ສຸດ, ເປັນການບົ່ງບອກເຖິງສັນຍານຂອງຄວາມເຄັ່ງຕຶງທີ່ ເພີ່ມຂຶ້ນກັບ ເກົາຫຼີເໜືອ ກ່ຽວກັບ ການທົດລອງລະເບີດນິວເຄລຍ ແລະໂຄງການ ລູກສອນໄຟຂີປະນາວຸດເມື່ອບໍ່ດົນມານີ້.
ເຮືອບິນຮົບເທັກໂນໂລຈີສູງ ສະຫະລັດ F-22 ບິນຜ່ານຖານທັບອາກາດ Pyeongtaek, ເກົາຫຼີໃຕ້. 17 ກຸມພາ 2016.
ລັດຖະມົນຕີການຕ່າງປະເທດທ່ານ Han Min-koo ໄດ້ກ່າວໃນ
ວັນພະຫັດມື້ນີ້ວ່າ ທະຫານ ສະຫະລັດ ປະມານ 15,000 ຄົນຈະ ເຂົ້າຮ່ວມໃນການຊ້ອມຮົບ Key Resolve ແລະ Foal Eagle
ປະຈຳປີ ເມື່ອພວກເຂົາເຈົ້າເລີ່ມການຝຶກຊ້ອມໃນເດືອນໜ້ານີ້,
ເຊິ່ງ ເປັນຕົວເລກທີ່ເພີ່ມຂຶ້ນ 2 ເທົ່າຈາກປີກາຍນີ້. ອົງການຂ່າວ
Yonhap ໄດ້ກ່າວໃນວັນພຸດວານນີ້ວ່າເຮືອບັນທຸກເຮືອບິນພະ
ລັງ ງານນິວເຄລຍ John C. Stennis ຈະເຂົ້າຮ່ວມໃນການ
ຊ້ອມຮົບ ປະຈຳປີຄັ້ງນີ້, ເຊິ່ງ ພຽງຢາງ ກ່າວອ້າງມາໂດຍຕະ
ຫຼອດວ່າເປັນ ການກະກຽມເພື່ອໂຈມຕີໄປທາງທິດ ເໜືອ.
ບັນດາເຈົ້າໜ້າທີ່ສືບລັບ ເກົາຫຼີໃຕ້ ໄດ້ແຈ້ງໃຫ້ບັນດາສະມາຊິກ
ສະ ພາຮັບຮູ້ວ່າ ຜູ້ນຳເກົາຫຼີເໜືອ ທ່ານ Kim Jong-un ໄດ້ອອກ
ຄຳ ສັ່ງຫ້ກະກຽມການໂຈມຕີ ກໍ່ການຮ້າຍໃນເກົາຫຼີໃຕ້.