ປະທານາທິບໍດີສະຫະລັດ ທ່ານບາຣັກ ໂອບາມາກ່າວວ່າ ການເສຍຊີວິດຂອງ ຜູ້ນຳຕາລີບານ Mullah Aktar Mansoor ແມ່ນໄດ້ກຳຈັດຜູ້ນຳຂອງອົງການ ທີ່ຍັງສືບຕໍ່ວາງແຜນແລະໂຈມຕີຕໍ່ທະຫານອາເມຣິກັນແລະກຳລັງປະສົມ.
ພາບສະແດງໃຫ້ເຫັນ ໜັງສືເດີນທາງຂອງປະເທດປາກິສຖານ ແລະ ບັດປະຈຳຕົວ ຂອງ Mullah Akhtar Mansoor ທີ່ປາກົດວ່າ ຜູ້ກ່ຽວຖືຕິດໂຕໄປນຳ. ນາຍ Mansoor ຖືກຂ້າຕາຍໃນການໂຈມຕີທາງອາກາດໂດຍເຮືອບິນບໍ່ມີຄົນຂັບ ຫຼື ໂດຣນ ໃນວັນສຸກຜ່ານມາ ຢູ່ໃກ້ໆ ກັບເຂດຊາຍແດນປາກິສຖານ ຕິດກັບອັຟການິສຖານ.
ປະທານາທິບໍດີໂອບາມາກ່າວໃນວັນຈັນມື້ນີ້ ໃນຖະແຫລງຂ່າວທີ່ໃຫ້ການຢືນຢັນ ກ່ຽວກັບການສັງຫານ Mullah Mansoor ວ່າ ຜູ້ນຳຕາລີບານໄດ້ປະຕິເສດ ຕໍ່ ການດຳເນີນຄວາມພະຍາຍາມ ຂອງລັດຖະບານອັຟການິສຖານ ທີ່ໄດ້ດຳເນີນການຢ່າງຈິງຈັງໃນການເຈລະ ຈາສັນຕິພາບແລະຍຸຕິຄວາມຮຸນແຮງ ທີ່ໄດ້ເອົາຊີ ວິດນັບບໍ່ຖ້ວນ ຂອງພວກຜູ້ຊາຍ ແມ່ຍິງ ແລະເດັກນ້ອຍອັຟການິສຖານ. ທ່ານ ໂອບາມາ ຮຽກຮ້ອງໃຫ້ກຸ່ມຕາລີບານ ເຂົ້າ ຮ່ວມກັບລັດຖະບານອັຟການິສຖານ ໃນຂັ້ນຕອນການສ້າງຄວາມປອງດອງຊາດ ທີ່ຈະນຳໄປສູ່ການມີສັນຕິພາບແລະ ສະຖຽນລະພາບທີ່ຍືນຍົງ.
ປ. ບາຣັກ ໂອບາມາ ຖະແຫຼງ ກ່ຽວກັບການເສຍຊີວິດ ຂອງ Mullah Mansoor
Your browser doesn’t support HTML5
Obama: Mansoor Rejected Peace Efforts in Afghanistan
ຜູ້ນຳສະຫະລັດ ໃຫ້ຄວາມເຫັນດັ່ງກ່າວ ນຶ່ງມື້ຫລັງຈາກໜ່ວຍສືບລັບອັຟການິສຖານ ໃຫ້ ການຢືນຢັນວ່າ Mullah Mansoor ໄດ້ຖືກຂ້າຕາຍ ໃນການໂຈມຕີທາງອາກາດຂອງ ສະຫະລັດຢູ່ປາກິສຖານໃກ້ໆກັບຊາຍແດນອັຟການິສຖານນັ້ນ.
ປາກິສຖານກ່າວວ່າ ຕົນໄດ້ຮັບແຈ້ງຈາກສະຫະລັດ ຫລັງຈາກການໂຈມຕີຂອງເຮືອບິນບໍ່ມີຄົນຂັບ ແຕ່ກໍໄດ້ປະນາມສະຫະລັດທີ່ໄດ້ລ່ວງລະເມີດຕໍ່ອະທິປະໄຕ ຂອງຕົນ. ອິສລາມາບັດຍັງບໍ່ທັນໃຫ້ການຢືນຢັນເທື່ອວ່າ Mullah Mansoor ໄດ້ຖືກຂ້າຕາຍ.
ຊົມວີດີໂອ ສະຖານທີ່ ການໂຈມຕີທາງອາກາດ
Your browser doesn’t support HTML5
Video from Scene of Drone Strike, May 21, 2016
ອ່ານຂ່າວນີ້ຕື່ມ ເປັນພາສາອັງກິດ
Your browser doesn’t support HTML5
Afghan Intelligence: Afghan Taliban Leader Killed in US Drone Strike