ໄອຍະການຂອງລັດຖະບານກາງສະຫະລັດ ໄດ້ຟ້ອງຈຳເລີຍ 61 ຄົນ ທີ່ພົວພັນກັບແຜນ ການສໍ້ໂກງ ຊຶ່ງຜູ້ຕ້ອງສົງໄສປອມໂຕເປັນເຈົ້າໜ້າເກັບພາສີຂອງລັດຖະບານກາງ ແລະເຈົ້າໜ້າທີ່ກວດຄົນເຂົ້າເມືອງ ທີ່ມີການກ່າວຫາວ່າໄດ້ຫລອກລວງ 15,000 ຄົນແລະໄດ້ເງິນຫລາຍກວ່າ 300 ລ້ານໂດລາ.
ເຈົ້າໜ້າທີ່ກະຊວງຍຸຕິທຳສະຫະລັດກ່າວວ່າ ພວກຈຳເລີຍໄດ້ພົວພັນກັບສູນກາງໂທລະ ສັບຢູ່ອິນເດຍ ທີ່ຄຸ້ມຄອງສູນກາງໂທລະສັບ 5 ແຫ່ງ ຊຶ່ງຕົ້ນຕໍແລ້ວ ແມ່ນຕັ້ງຢູ່ໃນສະຫະ ລັດແລະອິນເດຍ.
ຮອງລັດຖະມົນຕີກະຊວງຍຸຕິທຳ ທ່ານນາງ Leslie Caldwell ກ່າວວ່າ ການປະຕິບັດ ງານຂອງຜູ້ຕ້ອງສົງໄສ ຕົ້ນຕໍແລ້ວແມ່ນແນໃສ່ຜູ້ສູງອາຍຸແລະພວກຊົນກຸ່ມນ້ອຍ ແລະ ໄດ້ຟອກເງິນໂດຍການຊ່ອຍເຫລືອບັດເດບິດທີ່ຈ່າຍລ່ວງໜ້າ.
ພວກທີ່ໂທລະສັບມາ ຈະທຳທ່າວ່າເປັນເຈົ້າໜ້າທີ່ຂອງອົງການເກັບພາສີລາຍໄດ້ຫຼື IRS ຫລືບໍ່ກໍເຈົ້າໜ້າທີ່ກວດຄົນເຂົ້າເມືອງຂອງລັດຖະບານກາງ ແລະຂົ່ມຂູ່ວ່າຈະທຳການຈັບກຸມ ເນລະເທດ ຫຼືບໍ່ກໍລົງໂທດ ນອກຈາກວ່າ ຈະໄດ້ຮັບເງິນ ເພື່ອແກ້ໄຂບັນຫາປອມດັ່ງ ກ່າວ.
ທ່ານນາງ Caldwell ກ່າວຕໍ່ພວກນັກຂ່າວ ທີ່ນະຄອນວໍຊິງຕັນ
Your browser doesn’t support HTML5
Justice's Caldwell: Scam Targeted Seniors, Minorities
ທ່ານນາງ Caldwell ກ່າວຕໍ່ພວກນັກຂ່າວ ທີ່ນະຄອນວໍຊິງຕັນ ໃນວັນພະຫັດວານນີ້ວ່າ “ເກືອບສີ່ປີມາແລ້ວຕາໜ່າງອາຊະຍາກອນນີ້ໄດ້ໃຊ້ແຜນການຕ່າງໆ ເພື່ອຫລອກລວງ ສ້າງຄວາມຕື່ນຕົກໃຈໃຫ້ ແກ່ສ່ວນບຸກຄົນທາງໂທລະສັບ ໂດຍຈະໃຊ້ຄວາມຢ້ານກົວທີ່ສຸດ ຂອງພວກເຂົາເຈົ້າ ທີ່ວ່າ ພວກເຂົາເຈົ້າຈະຖືກຈັບ ພວກເຂົາເຈົ້າຈະຖືກເນລະເທດ ພວກເຂົາເຈົ້າຈະປະເຊີນກັບບັນຫາຕ່າງໆກັບລັດຖະບານສະຫະລັດຫຼືກັບເຈົ້າໜ້າທີ່ປະ ຕິບັດກົດໝາຍຂອງລັດຫລືຂອງທ້ອງຖິ່ນ.”
ທ່ານນາງ Caldwell ກ່າວວ່າ ການປະສານງານ ເພື່ອທັບມ້າງອົງການ ນີ້ແມ່ນຜົນຂອງການປະຕິບັດງານທີ່ມີການຮ່ວມມືຂອງພວກເຈົ້າໜ້າທີ່ຈາກຫຼາຍໆເຂດເທື່ອທຳອິດແບບທີ່ບໍ່ເຄີຍມີມາກ່ອນ ຕໍ່ແຜນການຫຼອກລວງ ຂອງອຸດສາຫະກຳສູນໂທລະສັບຈາກອິນເດຍ.
ເຈົ້າໜ້າທີ່ສືບສວນ ຂອງກະຊວງຮັກສາຄວາມປອດໄພພາຍໃນແຫ່ງຊາດຂອງສະຫະລັດ ທ່ານ Bruce Foucart ກ່າວວ່າ ພວກທີ່ໂທລະສັບຈຸນີ້ ແມ່ນໄດ້ຕິດຕາມ ເປົ້າໝາຍຂອງພວກເຂົາຢ່າງບໍ່ລົດລະ.
ທ່ານ Bruce Foucart ຈາກກະຊວງຮັກສາຄວາມປອດໄພພາຍໃນ
Your browser doesn’t support HTML5
Scammers Are 'Menacing,' Homeland Security's Foucart Says