ສະມາຊິກລັດຖະສະພາຂອງ ສະຫະລັດ ຈາກທັງສອງພັກການ ເມືອງທີ່ສຳຄັນ ຕ່າງກໍໄດ້ສະແດງຄວາມເປັນຫ່ວງກ່ຽວກັບການ ເພີ່ມຂຶ້ນຂອງຄັງອາວຸດນິວເຄລຍ ປາກິສຖານ ແລະ ກ່າວວ່າ ປະ ເທດດັ່ງກ່າວຍັງເປັນບ່ອນຫຼົບລີ້ສຳລັບພວກກໍ່ການຮ້າຍ ແລະ ເປັນແຫຼ່ງທີ່ມາຂອງແນວຄິດອິສລາມຫົວຮຸນແຮງນຳດ້ວຍ.
ຄະນະກຳມະການ ກິດຈະການຕ່າງປະເທດ ທີ່ມີອິດທິພົນຂອງສະພາ ຕ່ຳໄດ້ຈັດໃຫ້ມີການຮັບຟັງຄຳໃຫ້ການໃນວັນພຸດວານນີ້ ເພື່ອສຳຫຼວດເບິ່ງການຮ່ວມມືຕໍ່ຕ້ານພວກກໍ່ການຮ້າຍຂອງ ປາກິສ ຖານ, ຄວາມພະ ຍາຍາມປະຕິຮູບການສຶກສາ ຂອງພວກເຂົາເຈົ້າ ແລະ ການໃຫ້ຄວາມຊ່ວຍເຫຼືອຂອງ ສະຫະລັດ ຕໍ່ ປາກິສຖານ.
ປະທານຄະນະກຳມະການທີ່ສັງກັດພັກຣີພັບບລີກັນທ່ານ Ed Royce ໄດ້ກ່າວວ່າ ຄັງນິວ ເຄລຍຂອງ ປາກິສຖານ ແມ່ນຢູ່ໃນເປົ້າໝາຍທີ່ຈະກາຍເປັນອັນດັບ 3 ຂອງໂລກ ແລະ ວ່າ ການເພີ່ມຂອງອາວຸດນິວເຄລຍຍຸດທະວິທີຂະໜາດນ້ອຍ ແລະ ຂີປະນາວຸດໄລຍະໄກຂອງ ພວກເຂົາເຈົ້າ ໃນສອງສາມປີທີ່ຜ່ານມາແມ່ນເປັນບັນຫາໜັກຍິ່ງກວ່າເກົ່າ. ທ່ານ Royce ກ່າວວ່າ ນີ້ແມ່ນປະເທດໜຶ່ງ ເຊິ່ງໃຊ້ຈ່າຍນຶ່ງສ່ວນຫ້າຂອງງົບ ປະມານທັງໝົດ ເຂົ້າໃນດ້ານ ທະຫານ, ແຕ່ວ່າຕ່ຳກວ່າ 2.5 ເຂົ້າໃນດ້ານການສຶກສາ.
ຜູ້ທີ່ໄປຖະແຫຼງໃຫ້ລັດຖະບານທ່ານ ໂອບາມາ ໃນການຮັບຟັງຄຳໃຫ້ການນີ້ແມ່ນທ່ານ Richard Olsen ຜູ້ຕາງໜ້າພິເສດຂອງສະຫະລັດ ສຳລັບ ອັຟການິສຖານ ແລະ ປາກິສຖານ. ທ່ານທູດ Olson ໄດ້ກ່າວວ່າ ສະຫະລັດ ໄດ້ມີການເຈລະຈາຢ່າງກົງໄປກົງມາໃນບາງດ້ານກັບ ປາກິສຖານ ກ່ຽວກັບ ຄັງອາວຸດນິວເຄລຍ ຂອງພວກເຂົາເຈົ້າ ແລະ ຄວາມເປັນຫ່ວງທາງດ້ານ ຄວາມໝັ້ນຄົງອື່ນໆ. ທ່ານໄດ້ກ່າວວ່າ ລັດຖະບານທ່ານ ໂອບາມາ ບໍ່ໄດ້ ເຈລະຈາກ່ຽວກັບປະ ເພດຂອງຂໍ້ຕົກ ລົງນິວເຄລຍກັບ ປາກິສຖານ ດັ່ງທີ່ ສະຫະລັດ ໄດ້ປະຕິບັດກັບ ອິນເດຍ.
ສະມາຊິກຈາກທັງ ຈາກພັກເດໂມແຄຣັດ ແລະ ຣີພັບບລີກັນ ຢູ່ໃນຄະ ນະກຳມະການ ໄດ້ກ່າວເຖິງຄວາມເປັນຫ່ວງຢ່າງແຮງວ່າ ສະຫະລັດ ໄດ້ສະໜອງເງິນ 30 ກວ່າຕື້ໂດລາໃນການຊ່ວຍ ເຫຼືອ ປາກິສຖານ ທາງດ້ານເສດຖະກິດ ແລະ ທະຫານ ນັບຕັ້ງແຕ່ການໂຈມຕີກໍ່ການຮ້າຍເມື່ອ ວັນທີ 11 ກັນຍາ 2001 ເປັນຕົ້ນມາ, ໂດຍກ່າວວ່າ ລັດຖະ ບານ Islamabad ແມ່ນຍັງມີສ່ວນ ຮ່ວມຢ່າງເລິກເຊິ່ງໃນການສະໜັບສະໜູນເຄືອຂ່າຍກໍ່ການຮ້າຍ.
Your browser doesn’t support HTML5
Congress Pakistan